Ruma 2:12 - Hanunuu

¹² Ti manga balaw Hudiyu unman sakup sa Kasuguan ni Muysis. Nu magbuwat sida kasalanan, ipadamhak sida dapat unman angay sa isinurat sa Kasuguan. Ti tanan manga Hudiyu manga nasakup sa Kasuguan. Nu sida magkasala, sintinsiyahan sida angay sa isinurat sa Kasuguan.

Ruma 2:12 Iomraidhean Croise

Matiyu 11:22

Dapat kang pagsabihun sa kanyu, nu kaudasan yi sintinsiya aban lalu waya mabuyat kay sintinsiya Diyus sa kanyu balaw lang ga sa manga taga Tiru ag taga Sidun.

Matiyu 11:24

Dapat kang pagsabihun sa kanyu, nu kaudasan yi sintinsiya aban, lalu ngap mabuyat kay sintinsiya Diyus sa kanyu, balaw lang ga sa manga taga Suduma.”

Huwan 19:11

Sinmagut si Hisus magkun, “Nakan lang kawu may karampatan magbuwat katida sa kangku, dahil Diyus ti may pahintulut tunda sa kanmu. Nakan mabuyat man ti kasalanan tunda pag tawu ti nag-intirga sa kangku sa kanmu kamang.”

Binwat 2:23

Si Hisus ipinahintulut sa kanyu angay sa kay nalub-anan gayak Diyus. Bag-u kanyu apinapaku sa kurus ipinamatay sa manga tawu balaw Hudiyu.

Ruma 1:32

Naalaman diman nida ti ibinilin Diyus magkun, kailangan matyun ti magbuwat katunda. Dapat ay magparargu di ngap sida sa pagbuwat daut. Magbaya waya sida nu maghiling sida sa manga iba magbuwat katunda waydi.

Ruma 4:15

Ti Kasuguan imaw yi ti dahilan sa kay pagkagalit Diyus. Nu unman may Kasuguan, unman diman may malabag.

Ruma 8:3

Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.

1 Kurintu 9:21

Nu sa manga balaw Hudiyu balaw sakup sa Kasuguan ni Muysis, aku magpabagay sa manga balaw Hudiyu balaw sakup sa Kasuguan hampay sida magarya waydi niku. Balaw kuntay sa unman niku pagsundun ti sugu Diyus dahil aku sakup sa kasuguan ni Kiristu.

Galasya 3:10

Ti tanan manga magsarig sa kanda magtupad sa Kasuguan, nasakup sa saad. Dahil isinurat sa Banal Kasuratan magkun, “Saadan ti unman mag-alaala magtupad sa tanan isinurat sa ribru Kasuguan.”

Galasya 3:22

Dapat magkun ti Kasuratan, “Ti usa ka kalibutan nasakup kapangyarihan kasalanan.” Nakan ipakaun Diyus sa manga magsarig sa kan Hisu-Kiristu kay itinaratu. Matanggap lang manga tawu kay itinaratu Diyus nu sida magsarig sa kan Hisu-Kiristu.

Diyuturunumiyu 27:26

“Saadan ti balaw sumunud ngatay tumupad sa inda tanan pag sugu.” Bag-u sumagut ti tanan tawu, “Amin!”

Santiyagu 2:10

Nu ti tawu magtupad sa kabuuhan Kasuguan bag-u magkasala laban sa usa ka sugu, nagkasala ngapu siya sa kabuuhan Kasuguan.