Ruma 2:10 - Hanunuu

¹⁰ Dapat ti kada tawu nu magbuwat mayad tumanggap kadayawan, karangalan, hanggan kahusayan, ti manga Hudiyu dapu bag-u hanggan ti manga balaw Hudiyu.

Ruma 2:10 Iomraidhean Croise

Hub 22:21

“Hub, pagpasakup kawu sa Diyus ag pagpakiusa sa kanya hampay papaladan kawu niya.

Kanta 15:2

Nagsagut ti Panginuun, “Ti tawu magpangabuhi unman may ikasabi ag magbuwat matadlung. Magbagaw siya tutuu ag ginan sa kay tagipusuun.

Kanta 29:11

Pagpabisugun Panginuun kay nasakupan ag pagpakan-an mayad pag kahamtangan.

Kanta 37:37

Bantayi kaayad ti tawu matinupadun ag matadlung. May mayad siya pag paratabgan ag may kahusayan.

Kabagawan 11:18

Ti daut pag tawu unman makatanggap tutuu pag pirimyu, dapat ti magbuwat matadlung makatanggap tutuu pag pirimyu.

Kabagawan 8:18

Makapakaun aku kayamanan, kadayawan, kaabundahan ag panalu hanggan aban.

Isayas 26:12

Panginuun, pakan-i duy nimu kami mayad pag kahamtangan, dahil ti tanan nimi magkabuwat, magkabuwat nimi dahil sa awat nimu.

Isayas 32:17

Ti burak katuwiran imaw ti mayad pag kahamtangan ag kahusayan, hanggan mayad pag kahamtangan hanggan aban.

Isayas 48:18

Nu nagsunud lang kamu sa kang manga sugu, binmulus mana ga sapa ti manga papalad sa kanyu, dasun-dasun mana kanyu panalu ga humbak maghampak sa baybay.

Isayas 48:22

Dapat ti daut unman magkaimaw kahusayan, magkun ti Panginuun.

Isayas 55:12

“Manga Israilita, guminan kamu may kabayaan sa Babilunya ag giyahan kamu Diyus. Ti manga bantud hanggan manga tagudtud ga manga tawu manganta sa kabayaan. Ag ti tanan manga puun kayu ga manga tawu mamalalakpakan.

Isayas 57:19

Nakan dumayaw sida sa kangku. Ipauli niku sida sa mayad pag kahamtangan, sa arayu man ngatay sa arani. Paayadun niku sida. Aku ti Panginuun, ti magsabi inda.

Hirimyas 33:6

“Dapat rumas-ug ti sirang paayadun niku inda pag banwa hanggan kay nasakupan. Mangabuhi sida abunda ag may kahusayan.

Bilang 6:26

Makabaya mana ti Panginuun sa kanyu ag pakan-an niya kamu mayad pag kahamtangan.’

Matiyu 10:13

Nu ungud pagtanggapun nida kamu, papaladan niyu sida. Dapat nu unman, danga niyu pag papaladi.

Lukas 1:79

Marayawan ti manga tawu nangulian sa kadudulman ag hinarian kamatayan. Ilakaw kanta raprapa sa dalan kahusayan sa Diyus hanggan sa kanta kaparihu.”

Lukas 12:37

Mapalad ti manga panawuhun naras-ugan nida amu, nu maimatahan di sida mag-alagad. Ungud duy kang pagsabihun sa kanyu, humawud ngap kanda amu kay rutay sa unman masambur bag-u pagtabanun niya sida sa lamak, siya yi ti manugbasiyu.

Lukas 19:42

magkun, “Nu nasalman lang nimu taynguna nu hintay kanmu kailangan hampay may kahusayan. Dapat taynguna unman ngap nakilala nimu.

Lukas 22:14

Pagka udas mangaun, tinmukaw si Hisus hanggan kay manga tuludluan.

Lukas 9:48

Sinabi niya sa kanda, “Una si unu pag tawu ti magsunud sa kangku ag pakan-an niya halaga inda pag diit anak, aku di ngap kay pinakan-an halaga. Una si unu pag tawu nu pakan-an halaga niya aku, napakan-an waydi niya halaga ti nagsugu sa kangku. Dahil ti pinakaababa sa kanyu tanan imaw yi ngap ti mataas.”

Huwan 12:26

Nu ti tawu magkaibug magbuwat kang buruwatun, kailangan siya pagkuyug sa kangku hampay una naan aku, ati diman siya sa kangku. Una hintay pag tawu nu tumupad siya sa kang buruwatun, dayawun siya niku Ama.”

Huwan 14:27

“Kahusayan kang ipatayak sa kanyu. Kang kahusayan kang diman gid ipakaun sa kanyu. Kang magpakaun kahusayan sa kanyu balaw parihu sa paraan kalibutan. Danga kamu magkaaburidu sa kanyu tagipusuun ag danga kamu magkadala.

Huwan 16:33

Itinultul niku inda tanan-tanan sa kanyu, hampay may kahusayan kanyu naisipan dahil sa kanyu magpakiusa sa kangku. Sitay sa babaw daga may malakawan kamu kakurian. Dapat pagmatutum duy kanyu naisipan. Tinalu yi niku ti kapangyarihan kalibutan.”

Binwat 10:35

Unman may pagpiliun siya una tawu una nasyun. Kay di pagbayaun ti tawu nu maggalang sa kanya ag nu magbuwat mayad.

Ruma 14:17

Dahil ti pagpasakup tawu sa kay paghari Diyus balaw labut sa kay pagkan-un, sa kay pag-inmun. Ti mahalaga lang nu ti tawu matadlung, nu magkarausa ag nu may kabayaan lunsay manga pakaun Ispiritu Banal.

Ruma 15:13

Diyus ti may pakaun pag-asa sa kanta imaw waydi ti pumakaun kabayaan sa kanyu, hanggan kahusayan sa kanyu magsarig agud lalu abunda kanyu pag-asa dahil sa kapangyarihan Ispiritu Banal.

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

Ruma 2:9

Masyadu pag kakurian ti malakawan kada tawu magbuwat daut, ti manga Hudiyu dapu bag-u kumun diman ti manga balaw Hudiyu.

Ruma 5:1

Nakilala yi ngani kita Diyus kuntay manga matadlung dahil sa kanta sarig sa kanta Panginuun Hisu-Kiristu. Nakan ginan diman sa kanta pagsarig sa kan Kiristu pinaunyun kita atag sa Diyus.

Ruma 8:6

Dahil ti tawu nu kay pag-intindihun kay sadili lang kagustuhan niya pagkatawu kay patabgan ay kadamhakan. Dapat tigmasigasid tungkul sa Ispiritu Banal imaw ti may buhi hanggan kahusayan.

Ruma 9:21

Unman aw madunung ti manugpanday anglit magbuwat usa ka mahalaga pag anglit, bag-u kay usa basta-basta lang, ginan sa usa lang ka pinkul daga?

Ruma 9:23

Gustu diman niya ipakakit kay unman may pumarihu pag kamaskihan sa manga tawu kay pagkaawaan ag kay ihinanda ginan waya kaybi para tabug sa kadayawan.

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Galasya 5:6

Nu ti tawu magpakiusa sa kan Kiristu Hisus, unman mahalaga sa kanya una siya tinuri una unman tinuri. Ti mahalaga lang nu kita magsarig sa kan Kiristu ag nu kanta pagmahalun ti manga iba dahil sa kanta pagsarig sa kanya.

Pilipus 4:7

Balaw matabu nita masalman kay kahusayan Diyus. Imaw pag kahusayan ti makaingat sa kanyu tagipusuun hanggan sa kanyu naisipan sa kanyu pakiusa sa kan Kiristu Hisus.

1 Timutiyu 1:17

Taynguna ti kadayawan hanggan kapangyarihan pagsa kanya, sa usa-usa ka Diyus, sa Hari ud may pinag-umpisahan, unman may katapusan, unman may kamatayan ag unman mag-akitan sa mata. Amin.

Hibriyu 2:7

Sa dag-ud pag udas, binwat nimu mas ababa man sa manga anghil. Dapat pag-ipadayaw nimu siya bilang hari,

Santiyagu 2:22

Siyun makitan nimu kan Abraham pagsarig may tapil buwat. Ginan sa kay binwat bag-u di lubus namhan kay pagsarig.

Santiyagu 3:13

Hintay nguna sa kanyu ti madunung hanggan mapininsarun? Pakitan niya tunda sa kay mayad pag ugali, angay sa mapinakumbabaun pag kadunungan.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

1 Pidru 5:4

Sa pagsitay aban Pangulu Manug-alaga, makatanggap kamu masnag pag sangbaw hari, unman magpusyaw una hanggan waya aban.

1 Samwil 2:30

Aku, kanyu Panginuun, ti Diyus Israil, nantaratu kaybi kuntay kamu lang hanggan kanyu manga ginurang linahi ti makasirbi sa kangku bilang manughandug tugka aban. Dapat unman yi mahimu taynguna, dahil kilalan-un niku ti magkilala sa kangku, dapat kang dayuun ti magdayu sa kangku.