Ruma 16:21 - Hanunuu

²¹ Kang kaawat sa buruwatun si Timutiyu magpaingana nu kabitay kamu asan hanggan kang manga kaparihu Hudiyu sida ni Lusyu, ni Hasun, ni Susipatru magpaingana waydi.

Ruma 16:21 Iomraidhean Croise

Binwat 13:1

Sa iglisya sa Antiyukya may manga purupita hanggan manga manugtudlu Bagaw Diyus. Sida ngani ni Birnabi, ni Simyun kay palayaw si Nigir, si Lusyu taga Sirini, si Manain patar-ari sa tabid ni Gubirnadur Hirudis hanggan si Saulu.

Binwat 17:14

Nakan susun pinaighit manga patar-ari si Pablu atag sa baybay dagat. Dapat sida ni Silas ni Timutiyu siyun di sa Biriya.

Binwat 17:5

Dapat ti manga Hudiyu magkadaut nakan kanda tinipun ti manga tawu unman masyadu may kabuluhan bag-u kanda ginulu ti banwa. Bag-u dinugma nida kan Hasun balay sa kanda magpakahanap gid sa kanda ni Pablu ni Silas hampay nu makitan yi, ipaatubang nida sa tawu banwa.

Binwat 18:5

Pagka rinmas-ug sida ni Silas ni Timutiyu ginan sa Masidunya, purus yi si Pablu sirang-sirang sa kay magtudlu Mayad pag Barita. Pag-itultul niya sa manga Hudiyu si Hisus imaw yi ti Pinili Diyus Manugribri pag Hari.

Binwat 19:22

Ipinauna yi niya tag sa Masidunya sida ni Timutiyu ni Irastu, duwa ka kaibahan niya sa buruwatun. Si Pablu napatayak waya dapu sa Asya.

Binwat 20:4

Kinmuyug diman sa kan Pablu kan Piru anak si Supatir taga Biriya, sida ni Aristarku ni Sigundu taga Tisalunika, si Gayu taga Dirbi, si Timutiyu, hanggan sida ni Titiku ni Turupimu taga Asya.

Ruma 16:11

sa kang kaparihu niku Hudiyu sa kan Hirudyun hanggan sa manga patar-ari sa Panginuun sa kay magtal-anakan ni Narsisu.

Ruma 16:7

Ipadakit waydi niyu kang kamusta sa kanda ni Anduruniku ni Hunya, manga kaparihu niku Hudiyu, manga kaibahan niku sa pirisuhan. Nakilala sida manga apustul yi waydi, un-an man sa kangku pag nagtanggap sida sa kan Kiristu.

2 Kurintu 1:1

Inda ti may surat si Pablu kay pinili Diyus hampay kay apustul ni Kiristu Hisus, hanggan kanta patar-ari si Timutiyu. Inda pag surat tabug sa iglisya sa Kurintu hanggan sa manga banal mag-uli sa buu daga Akaya.

2 Kurintu 1:19

Ti Anak Diyus si Hisu-Kiristu imaw ti itinudlu nimi ni Silbanu ni Timutiyu sa kanyu magkun unman magkatalinduwa si Kiristu, balaw may “hu”, may “unman,” nu “unman” tutuu yi gid “hu”.

Pilipus 1:1

Inda ti may surat kami ni Pablu ni Timutiyu, kay manga panawuhun ni Kiristu Hisus, tabug sa tanan manga banal, sa manga magpakiusa sa kan Kiristu Hisus mag-uli asan sa banwa Pilipus hanggan sa manga manug-asiwa iglisya hanggan kanda manga kaawat.

Kulusas 1:1

Inda ti may surat si Pablu, dapat kanta patar-ari si Timutiyu magkamusta diman waydi sa kanyu. Aku ti kinaibgan Diyus hampay apustul ni Kiristu Hisus.

1 Tisalunika 1:1

Inda ti may surat kami ni Pablu, ni Silas, ni Timutiyu, tabug sa iglisya sa Tisalunika, sa manga magpakiusa sa Diyus Ama ag sa Panginuun Hisu-Kiristu. Pagsa kanyu ti papalad hanggan ti kahusayan.

1 Tisalunika 3:2

ag nu suguun tag sa kanyu kanta patar-ari si Timutiyu. Parihu diman ga kanmi siya pinili waydi Diyus hampay manugtudlu Mayad pag Barita tungkul sa kan Kiristu. Sinugu nimi siya hampay parig-unun niya kamu ag hampay pabisugun kamu sa kanyu pagsarig sa Panginuun,

1 Tisalunika 3:6

Taynguna nakaras-ug yi maan si Timutiyu asan ginan. May dara siya marinu pag barita tungkul sa kanyu pagsarig hanggan kanyu pagmahal. Itinultul diman niya sa kanmi pirmi kami kanyu pag-isipun, magtagakakiti kamu sa kanmi parihu sa kanmi gustu makakit sa kanyu.

2 Tisalunika 1:1

Inda ti may surat kami ni Pablu, ni Silas, ni Timutiyu, tabug sa iglisya manga taga Tisalunika, sa manga nasakup sa kanta Diyus Ama hanggan sa Panginuun Hisu-Kiristu.

1 Timutiyu 1:2

Inda pag surat tabug sa kanmu, Timutiyu, kawu kang pinagkaanak sa pagsarig sa kan Kiristu. Pagsa kanyu ti papalad, ti pangaawa hanggan ti kahusayan ginan sa kanta Diyus Ama hanggan ginan sa kanta Panginuun Hisu-Kiristu.

1 Timutiyu 6:11

Dapat kawu duy ti suruguun Diyus, pag-iwas kawu sa tunda pag manga bagay. Isipa gid nimu, pagkaayad kanmu ugali sa magpakatadlung, sa pagpasakup sa Diyus, sa pagsarig, sa pagmahal, sa pagtiis hanggan sa maalumanay.

1 Timutiyu 6:20

Kawu duy Timutiyu, ingatan nimu ti iinintirga sa kanmu. Iwasan nimu ti manga harampangan unman ikabaya Diyus hanggan ti salalumpangan.

2 Timutiyu 1:2

Inda pag surat tabug sa kanmu, Timutiyu. Kawu kang pagmahalun dahil kawu kang pinagkaanak sa pagsarig sa kan Kiristu. Pagsa kanmu ti papalad, ti pangaawa hanggan ti kahusayan ginan sa kanta Diyus Ama hanggan ginan sa kanta Panginuun Kiristu Hisus.

Hibriyu 13:23

Kang pag-ibarita sa kanyu si Timutiyu balaw yi ati sa pirisuhan. Nu muli siya madali, kumuyug aku sa kanya asan tag.