Ruma 16:2 - Hanunuu

² Tanggapun niyu siya dahil sakup siya sa Panginuun. Katunda diman kailangan matinanggapun ti manga nasakupan Diyus. Awatan niyu siya una sa unu pag kailangan niya dahil mayamu waydi patar-ari ti inawatan niya hanggan aku paman inawatan diman waydi niya.

Ruma 16:2 Iomraidhean Croise

Matiyu 25:40

Sabihun Hari magkun, ‘Ungud duy kang pagsabihun sa kanyu, pagka binwat niyu inda sa usa sa manga patar-ari niku mapinakumbabaun, sa kangku yi ngap pag binwat niyu tunda.’

Binwat 9:13

Dapat nagsabi si Ananiyas magkun, “Panginuun, mayamu yi tawu nagtultul sa kangku tungkul sa tunda pag tawu. Mayamu gid pag kadautan ti binwat niya kunu laban sa manga magpasakup sa kanmu ati sa Hirusalim.

Binwat 9:15

Magkun maan ti Panginuun sa kan Ananiyas, “Pag-ati duy kawu, dahil pinili ngap niku si Saulu hampay siya sumirbi sa kangku hampay ipakilala niya kang makamaskihan pag ngaran sa manga balaw Hudiyu, sa manga hari hanggan sa nasyun Israil.

Binwat 9:36

Sa Hupi may usa ka babayi sakup diman sa kan Hisus. Kay ngaran si Tabita. (Sa Giriyigu kay ngaran si Durkas, kay ibug sabihun, Karasyaw.) Masipag gid ungud siya sa magbuwat mayad, pirmi diman siya mag-awat sa manga makuri.

Binwat 9:39

Nagkuyug ngani si Pidru sa kanda. Pagka rinmas-ug siya sa Lida, dinara nida siya atag sa sulud-sulud sa ikadwa pag ugpu salug. Nagpakarani diman sa kan Pidru ti tanan manga babayi buranday, ipinakakit nida sa kanya ti rutay kay ipinaalu ni Durkas sa kanda kay di waya buhi.

Binwat 9:41

Hiniyaptan ni Pidru kay kamang bag-u kay inawatan si Tabita kay ipinatindug. Bag-u tinawag niya ti manga patar-ari lalu hanggan ti manga babayi buranday, ipinakakit niya sa kanda si Durkas nabuhi yi maan.

Ruma 15:7

Nu kabitay kamu ungud tinanggap ni Kiristu, katunda diman waydi ti buwatun niyu sa kada usa hampay pagdayawun niyu ti Diyus.

Ruma 16:15

hanggan sa kanda ni Pilulugu, ni Hulya, sa kan Niryu, hanggan sa kay patar-ari babayi. Katunda diman sa kan Ulimpas hanggan sa tanan nasakupan Diyus kaibahan nida.

Ruma 16:23

Hanggan si Gayu magpaingana waydi nu kabitay kamu asan. Kay balay ni Gayu kang pagdayunan. Sa inda diman pag balay pag magtiripun ti buu iglisya. Magpaingana waydi sa kanyu si Irastu ti kasuriru banwa. Hanggan kanta patar-ari si Kuwartu magpaingana waydi sa kanyu nu kabitay kamu asan. [

Ruma 16:6

Ipadakit diman waydi sa kan Marya. Nagpakibudlay siya para sa kanyu.

Ruma 16:9

hanggan sa kan Urbanu, imaw kanta kaawat sa buruwatun ni Kiristu, hanggan sa kang pagmahalun pag patar-ari sa kan Istakis.

Ipisu 5:3

Kamu manga nasakup sa Diyus, nakan ngani danga yi magbuwat una magsampit man sa harampangan una kabitay pag kalasi magpanguragin, kayagtingan una manga mahalay pag hilig.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Pilipus 2:29

Kailangan tanggapun ngani niyu siya may daka pag kabayaan dahil magkarausa kamu sa kanyu pakiusa sa Panginuun. Ti katunda pag manga tawu kay buwat ga kanya kailangan pagpahalagaan gid niyu.

Kulusas 4:10

Pagkamustahun kamu ni Aristarku, parihu diman pinirisu kami. Pagkamustahun diman kamu ni Markus kay pinsan ni Birnabi. May bilin yi aku sa kanyu tungkul sa kan Markus, tanggapa niyu siya kaayad nu rumas-ug siya asan sa kanyu.

1 Timutiyu 2:10

Kailangan kanda ngap pinagkabisti kay mayad buwat imaw ti dapat sa manga babayi manga magpasakup sa Diyus.

2 Timutiyu 1:18

Pagsa kanya kay pangaawa Panginuun nu kaudasan yi aban pagbalik Panginuun. Alam diman gid nimu nu kabitay siya pag nagsirbi sa iglisya ati sa Ipisu.

Titu 2:3

Katunda diman pagkumun kawu sa manga gurangun pag babayi, kailangan ipakakit nida kanda maggalang sa Panginuun hanggan sa tawu, danga sida parabangdan sa tawu, danga sida magkadara sa manga irinmanun, bagkus kailangan pagtudlu sida sa mayad.

Pilimun 1:12

Siya kang yi maan ipabalik tabug sa kanmu ga kang yi ipadara kang buu tagipusuun sa kanmu.

Pilimun 1:17

Tanggapa maan nimu si Unisimu parihu sa kanmu magtanggap sa kangku, nu pagpahalgaan nimu kanta magpakiusa sa kan Kiristu.

2 Huwan 1:10

Una gid hintay ti rumas-ug sa kanyu nu bukun inda kay pag-itudlu, danga gid niyu tanggapun siya sa kanyu balay, danga gid niyu pagbatia.