Ruma 16:18 - Hanunuu

¹⁸ Ti katunda pag manga tawu unman magsirbi sa kan Kiristu sa kanta Panginuun, bagkus ngap pag-intindihun lang nida kanda sadili kailangan. Pagdayaun nida ti manga kurang sa kinaalman sa panab-anan marahusay ag mararinu nida pamagaw.

Ruma 16:18 Iomraidhean Croise

2 Samwil 15:6

Katunda kay pagbuwatun ni Absalum sa tanan Israilita mag-ati sa hari hampay ipakarani kanda kasaba. Nakan nab-ul niya ti tiwala manga Israilita.

2 Krunika 18:5

Nakan ipinatawag ni Akab ti manga purupita — 400 sida tanan, ag pinaingana, “Atag aw kami sa Ramut Gilyad hampay manlaban ngatay danga?” Sinmagut sida, “Sigi, paglakaw kamu, dahil papanaluhun kamu Panginuun!”

Kanta 119:130

Ti pagtultul kanmu manga bagaw magpakaun rayaw sa kaisipan manga tawu ag kadunungan sa manga unman may alam.

Kanta 12:2

Harus ti tanan magpudil sa kanda kaparihu. Pagpaumangun nida ti iba hampay madaya.

Kanta 19:7

Ti kasuguan Panginuun balaw may salan. Magpakaun inda kabisugan nita buhi. Ti manga pag-itudlu Panginuun masarigan, magpakaun kadunungan sa manga balaw may alam.

Kabagawan 14:15

Pagpaniwalaan unman may alam ti tanan niya masaydan, dapat ti madunung mag-intindi pag tawu mag-isip dap nu hintay ti mayad buwatun.

Kabagawan 22:3

Mag-aman ti madunung pag tawu nu masulang niya ti kadilikaduhan, dapat unman mag-aman ti tawu kurang kay intindi, nakan mag-agwanta siya.

Kabagawan 8:5

Kamu pag manga unman may alam, pagmadunung kamu. Kamu pag manga luku-luku, pag-intindi kamu.

Hirimyas 23:17

Inda ti pirmi nida pagsabihun sa manga tawu dayu magpatingi sa kang manga bagaw ag magsunud sa maganit nida tagipusuun: ‘Bumaliw mayad kanyu kahamtangan. Unman may daut mangyari sa kanyu.’

Isikil 13:16

ti manga purupita Israil magpanhula bumaliw kunu mayad ti kahamtangan Hirusalim, una unman maaw. Aku, ti Panginuun Diyus, ti magsabi inda.

Isikil 13:19

Paglabagun niyu aku sa atubangan niku nasakupan dahil lang sa pira ka akup sibada ag pira ka bilug tinapay. Sa panab-anan niyu pamudil, pagkumnun niyu mamatay ti balaw dapat mamatay, ag pagkumnun diman niyu balaw mamatay ti dapat mamatay. Ag magpaniwala kang nasakupan sa kanyu kapudilan.

Danyil 11:34

Sa panahun pag-unuunuhun sida, pira lang ti mangawat sa kanda, dapat mayamu ti manguyug sa kanda manga balaw tapat pag tawu.

Mikas 3:5

“Inda waydi ti pagsabihun Panginuun tungkul sa manga purupita magdaya sa kay manga nasakupan, magtaratu mayad pag kahamtangan sa manga magsagpun sa kanda, dapat pagpadalaun nida sa kadamhakan ti dayu magsagpun sa kanda.

Malakyas 1:10

Magkun ti Panginuun Makamaskihan, “Mana may usa sa kanyu sa manga manughandug ti tumalakup sa manga sabian niku Balay, hampay balaw yi kamu magpamakut unman may pulus pag apuy sa kang harandugan. Balaw niku tanggapun kanyu manga handug, dahil balaw aku magbaya sa kanyu.

Matiyu 24:11

Mayamu aban ti pumabalhinguun kuntay purupita bag-u patalangun nida ti kayamuan.

Matiyu 24:24

Dahil may pumabalhinguun aban kuntay siya yi ngani ti Pinili Diyus Manugribri pag Hari. May lumuwang manga pudilun pag purupita. Pumakakit sida manga makadululaw pag tanda hanggan manga lilingutan pag manga buwat hampay nu mahimu lang, patalangun nida hanggan ti manga pinili Diyus.

Matiyu 6:24

Sinabi ni Hisus magkun, “Unman may makasirbi dungan sa duwa ka amu. Dahil dayuun niya ti usa, ti usa kay adiun. Sirbihan niya mayad ti usa ag pabay-anan lang kay usa. Dayu masirbihan niyu dungan ti Diyus hanggan ti kayamanan.

Matiyu 7:15

Magkun si Hisus, “Pag-aman kamu sa manga pudilun pag purupita. Magpakarani sida sa kanyu ga bilang karanidu kanda histuda dapat nu sa kay tutuu sida ga manga maisug pag simarun idu.

Huwan 12:26

Nu ti tawu magkaibug magbuwat kang buruwatun, kailangan siya pagkuyug sa kangku hampay una naan aku, ati diman siya sa kangku. Una hintay pag tawu nu tumupad siya sa kang buruwatun, dayawun siya niku Ama.”

Ruma 14:18

Nu katunda kay magsirbi tawu sa kan Kiristu, pagbayaun siya Diyus ag paggalangun manga tawu.

Ruma 16:19

Nilantag yi ti barita tungkul sa kanyu magsunud sa kan Kiristu, nakan magbaya gid aku sa kanyu. Dapat kang gustu pagmadunung kamu tungkul sa mayad, danga pagbatia ti daut.

2 Kurintu 11:3

Dapat naala-ala niku barang maakit kanyu naisipan ga kan Iba nadaya waydi ulay, barang kamu rumamig sa marig-un niyu pagmahal sa kan Kiristu.

2 Kurintu 2:17

Balaw kami parihu sa iba, magkaibug sida pag may bayad sa kanda magtudlu Bagaw Diyus. Bagkus ngap kami magtupad sa kay isinugu Diyus magtudlu gid kay bagaw sa atubangan Diyus dahil sa kanmi magpakiusa sa kan Kiristu.

2 Kurintu 4:2

Dinayu nimi ti makakaray-a ag lihim pag manga buruwatun. Balaw kami magdaya, unman mag-uman kami Bagaw Diyus. Bagkus ngap ipinaburayhaw nimi ti katutuuhanan, nakan alistu kami pausisa una sa kantapu nu may pagkutubun sa atubangan Diyus.

Galasya 1:10

Taynguna nangahulugan aw kang hingbut hampay dayawun tawu? Bukun ay duy. Kang hingbut ngap hampay dayawun aku Diyus. Nakan aw lugud aku masipag agud pagbayaun tawu? Nu tunda lang kang gustu, balaw mahimu aku suruguun ni Kiristu.

Pilipus 2:21

Dahil ti pagsipagan manga iba kanda lang sadili pangailangan, unman tungkul sa kay buruwatun ni Hisu-Kiristu.

Pilipus 3:19

Kanda aban ras-ugan sa kaparusahan sa impirnu, dahil kanda sadili kailangan imaw kanda pinagkadiyus. Ti kanda ikakay-a mana, imaw ngap ti pag-ipadayaw nida. Kanda paghingbutun ti manga bagay lang sitay sa babaw daga.

Kulusas 2:4

Kang pagsabihun inda hampay una si unu balaw may pumatalang sa kanyu sa kanda manga hampang palingu.

Kulusas 3:24

Alam diman niyu pirimyuhan kamu Panginuun. Matanggap diman niyu aban ti ihinanda niya sa kay manga anak. Dahil si Kiristu ngani ti Panginuun ti kanyu pagsirbihan.

2 Tisalunika 2:10

Gumamit siya tanan paraan pag pamadaya hampay madaya tag sa kadautan ti manga midamhak, tunda ngani pag manga tawu miribri mana nu nangus kanda lang tinanggap ag minahal ti katutuuhanan.

1 Timutiyu 6:5

ag aratwan manga tawu alangan kay pag-iisip ag unman magkilala sa katutuuhanan, manga maghantup kuntay ti surundanun sa ikayaman lang nida.

Santiyagu 1:1

Aku si Santiyagu, kay panawuhun Diyus hanggan nita Panginuun Hisu-Kiristu. Ipadangat niku kang surat pangamusta sa kanyu sa sampulu may duwa ka linahi nangalat sa tuhay-tuhay pag nasyun, nu kabitay waydi kamu asan.

2 Pidru 2:3

Manga maramuun sida, nakan magpabalhinguun sida sa kanda tudlu hampay sida pakan-an niyu kuwarta. Ginan waya sa kabag-u ihinanda yi ti sintinsiya sa kanda, alistu yi sumintinsiya.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.

Hudas 1:12

Daka gid pag kakay-ahan niyu, pagbul-an yi halaga kamu sa kanda magpaminsan sa kanyu karan-an magtar-arian, dahil aranghadu sida sa magkaun. Unman sida may pag-isipun nu unman kanda lang sadili. Sida ga manga rurum pagdarahun durus dapat unman waydi may ipakaun uran. Sida ga manga puun kayu unman magburak una mana kay udas mamurak, naayit una gamut, ungud namatay yi.

Hudas 1:16

Tunda pag manga tawu maraibgun yi lang gid sa kasiyunan, manga mag-isip lunsay makuri, udyi mag-iblag kay naisipan ginan sa kay buwat daut pag kagustuhan, manga padayaw-dayawin, madunung magpalana magbagaw hampay mab-ul lang kanda pagkaibgan.

Ipinakakit 1:1

Inda pag kasuratan tungkul sa kay ipinakakit Diyus sa kan Hisu-Kiristu. Nakan kay ipinakakit sa kan Hisu-Kiristu hampay kay maan ipaalam sa manga suruguun Diyus ti manga bagay arani yi mangyari. Sinugu ni Hisus kay anghil hampay kay ipakakit inda pag manga bagay sa kay panawuhun sa kan Huwan.

1 Samwil 2:29

Taynguna, hayga kanyu waya pagpakialaman ti manga handug para sa kangku? Hayga paggalangun nimu kanmu manga anak subra man sa kangku? Pinasugtan nimu sida magpatabul sa kanda sadili sa magpakakaun pinakamarinu pag taguban handug manga Israilita para sa kangku?