Ruma 16:10 - Hanunuu

¹⁰ Katunda diman sa kan Apilis, kilala waydi nita kay matinupadun sa kan Kiristu. Ipadakit waydi niyu kang kamusta sa kay magtal-anakan ni Aristubulu,

Ruma 16:10 Iomraidhean Croise

Ruma 14:18

Nu katunda kay magsirbi tawu sa kan Kiristu, pagbayaun siya Diyus ag paggalangun manga tawu.

Ruma 16:3

Ipadakit niyu kang kamusta sa kanda ni Pirisila ni Akila, sa kang manga kaawat sa buruwatun sa kan Kiristu Hisus.

Ruma 16:7

Ipadakit waydi niyu kang kamusta sa kanda ni Anduruniku ni Hunya, manga kaparihu niku Hudiyu, manga kaibahan niku sa pirisuhan. Nakilala sida manga apustul yi waydi, un-an man sa kangku pag nagtanggap sida sa kan Kiristu.

Ruma 8:11

Nu nangulian sa kanyu ti Ispiritu Diyus ti nagbuhi uman sa kan Hisus, ti Diyus ti nagbuhi uman sa kan Kiristu Hisus sa kamatayan, pumakaun waydi buhi sa kanyu manga bilug may kamatayan sa panab-anan niya Ispiritu nangulian sa kanyu.

1 Kurintu 11:19

Siguru pihu balaw parihu kamu tanan sa kanyu pagsarig, hampay burayhaw ngap sa kanyu ti manga ungud magsarig sa Panginuun.

2 Kurintu 12:2

May kilala aku usa ka tawu napasakup sa kan Kiristu. Dinara siya atabug sa ikatlu pag langit, sampulu yi may upat ka timpu ti nakalawuy taynguna tugka. Unman lang niku mapihu nu ngatay ipinakakit Panginuun tunda aw ngatay tutuu tunda nangyari sa kanya. Diyus lang ti makaalam.

2 Kurintu 2:9

Nakan nagsurat diman aku sa kanyu sa kabag-u hampay alamun niku ngatay kanyu pagtupadun mayad-mayad ti tanan niku manga pag-ibilin sa kanyu.

2 Kurintu 5:17

Nakan ngani una si unu ti magpakiusa sa kan Kiristu, siya bag-u yi linalang. Udyi ti daan pagkatawu. Siya bag-u yi gid pag tawu.

2 Kurintu 8:22

Nakan ngani suguun nimi kaibahan nida kanta usa ka patar-ari pirmi nasulayan nimi kay ugali ag nakitan nimi kay kasipagan sa buruwatun. Maslalu waya siya masipag taynguna sa mag-awat dahil daka kay magsarig sa kanyu.

Galasya 1:22

Ati katpung udwaya aku nakilala manga patar-ari sa kan Kiristu ati sa Hudiya.

Diyuturunumiyu 8:2

Isipa niyu nu kabitay kamu inibahan Panginuun niyu Diyus sa kanyu maglakaw sa pangawakawaan sa sulud upatpulu ka timpu. Binwat niya inda hampay kamu pumakumbaba ag sinubukan kamu hampay maalaman nu hintay gid ti basad niyu tagipusuun, nu tupadun niyu kay manga sugu ngatay unman.

Pilipus 2:22

Dapat ay naalaman yi waydi niyu matinupadun si Timutiyu. Inawatan niya aku sa kang magtudlu Mayad pag Barita, parihu ga anak mag-awat sa kay ama.

1 Timutiyu 3:10

Kailangan bantayan diman dapu sida. Nu makitan sida unman may ikasabi bag-u mahimu sida buwatun manugsirbi sa iglisya.

2 Timutiyu 4:19

Ipakamusta nimu aku sa kanda mag-asawa nida ni Pirisila ni Akila, hanggan sa kay magtal-anakan ni Unisipuru.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.