Ruma 15:8 - Hanunuu

⁸ Pagkumnun niku sa kanyu, si Kiristu ti nagsirbi sa manga Hudiyu hampay kay ipakilala niya ti Diyus masarigan, magtupad sa kay manga itinaratu sa kanda ginurang,

Ruma 15:8 Iomraidhean Croise

Kabagawan 8:7

Tutuu gid kang pagsabihun pagkadat-an niku ti magbagaw daut.

Mikas 7:20

Ipakakit nimu kanmu pagmahal ag matinupadun sa kanmi sa manga linahi ni Abraham hanggan ni Hakub, parihu sa kanmu itinaratu sa kanda kaybi.”

Matiyu 15:24

Magkun si Hisus, “Sinugu aku para lang sa manga karanidu nalyam sa nasyun Israil.”

Matiyu 20:28

Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”

Huwan 1:11

Nagsitay siya sa kay sadili daga, dapat kay manga kasimanwa unman nagtanggap sa kanya.

Huwan 10:16

May imaw waya gid aku tuhay pag manga karanidu, unman minsan sa inda pag tudir. Kailangan tabanun diman niku tunda pag manga karanidu, dumungug sida sa kang magbagaw usahun gid sida ka manada, usa lang ka manug-alaga.

Binwat 13:46

Dapat matutum di kanda naisipan nida ni Pablu ni Birnabi magkun, “Sa kanyu dapu kailangan pag-itultul ti Bagaw Diyus. Dapat ay kainda ginan kami dayi sa kanyu. Ati yi kami sa manga balaw Hudiyu. Dahil ipinurya niyu ti Bagaw Diyus ag pinasnuan niyu kanyu sadili kuntay unman may karampatan kamu sa tutuu pag buhi unman may katapusan.

Ruma 11:22

Sitay pag makilala nita kay kaayadan Diyus hanggan kay kaisugan. Magpangisug siya sa manga nagkasala sa kanya, dapat mayad siya sa kanmu nu udyi kawu pablag sa kay kaayadan. Nu bay kawu pablag, puldun diman kawu.

Ruma 11:30

Kaybi kamu pag manga balaw Hudiyu daan di manga malaban sa Diyus, dapat taynguna pagkaawaan ngap kamu niya sa katpung kaudasan manga malaban ti manga Hudiyu.

Ruma 15:16

hampay suruguun yi aku ni Kiristu Hisus tabug sa manga balaw Hudiyu. Pag-itudlu niku sa kanyu, sa manga balaw Hudiyu, ti Mayad pag Barita hampay maihandug niku kamu sa Diyus kay kaibgan, dahil kamu ipinasaman yi Ispiritu Banal.

Ruma 3:26

Dapat kainda, ihinandug yi Diyus kay buhi ni Kiristu hampay ipakakit siya matadlung. Dahil sa inda pag binwat Diyus, napatutuuhanan matadlung ngani siya una pag-itadlung niya ti manga magsarig kan Hisus.

Ruma 3:3

Kabitay nu ti iba manga Hudiyu balaw yi matinupadun? Ibug aw lugud sabihun kanda balaw matinupadun ti nagrangga sa kay pagtupad Diyus?

Ruma 4:16

Nakan ngani ti taratu sigun sa pagsarig hampay ti pangaawa Diyus pihu kay itinaratu ipakaun sa kay linahi ni Abraham, balaw lang sa manga magtupad sa Kasuguan nu unman sa tanan manga magsarig sa Diyus parihu sa kan Abraham. Siya kabay kanta pinagkagurang nu angay sa pagsarig.

1 Kurintu 1:12

Inda kang gustu sabihun, ti kada usa hayga magsabi magkun, “Aku sa kan Pablu,” ti iba magkun, “Aku sa kan Apulus,” magkun maan ti usa, “Aku sa kan Pidru,” bag-u may magsabi waya gid, “Aku sa kan Kiristu.”

1 Kurintu 10:19

Kabitay lugud kang pagsabihun sa kanyu? Ti ihinandug sa manga diyus-diyusan may pakinabang aw lugud? Ti diyus-diyusan may kabuluhan aw?

1 Kurintu 10:29

Kang ibug sabihun balaw kuntay kamu tighantup, nu unman ti manga iba. Dahil hayga kanta hantupun may kasalanan ti usa ka tawu nu unman may pag-isipun siya.

1 Kurintu 15:50

Kang yi ngani pagsabihun sa kanyu, manga patar-ari, inda kanta bilug unman pumasakup sa kaharian Diyus. Ti may karunutan pag bilug unman mahimu makatanggap buhi unman may katapusan.

2 Kurintu 1:20

Dahil ngani si Kiristu ti ipinatupad sa tanan manga itinaratu Diyus. Dahil sa kan Kiristu kita makasagut magkun, “Amin” tungkul sa tanan itinaratu Diyus, sa ikadayaw sa kanya.

Ipisu 2:12

Pagdumdumun di niyu sa kaybi pag kausadan ati katpung mablagan kamu sa kan Kiristu, balaw minsan sa nasyun Israil, balaw sakup sa taratu una sa manga itinaratu Diyus. Kaybi magkabuhi kamu sa kalibutan unman may pagsarigan ag unman may Diyus.