Ruma 15:4 - Hanunuu

⁴ Una hintay ti isinurat sa manga Kasuratan kaybi waya sa ikadunung nita. Nu pagbasahun nita ti manga katutuuhanan sa Banal Kasuratan, amat-amat lalu matiniisun kita ag rumig-un kanta naisipan bag-u siyun maan ginan ti pag-asa nita.

Ruma 15:4 Iomraidhean Croise

Kanta 102:18

Suratan inda para sa sunud pag manga sinulput tawu, agud dumayaw diman sida sa Panginuun:

Kanta 119:50

Kanmu taratu magbuhi sa kangku ag magpakaun sa kangku kabayaan sa kang manga pag-agwanta.

Habakuk 2:2

Kaindaay ti sagut Panginuun sa kan Habakuk: “Suratan kalinaw sa batu malapad ti pagsabihun niku sa kanmu hampay madali inda basahun.

Ruma 12:12

Pagbaya kamu dahil sa kanyu pag-asa. Pagmatugway kanyu naisipan una sa kakurian, ag pirmi pagdarangin.

1 Kurintu 10:11

Inda ti nangyari sa kanda bilang usa ka puruyba sa kanta, pasay nakasurat sa paalaala sa kanta dahil arani yi kita sa katapusan panahun.

1 Tisalunika 1:3

Pag-alalahanun nimi sa atubangan nita Diyus Ama kanyu mayad pag buruwatun imaw ti puruyba niyu pagsarig, hanggan kanyu magpangabudlay dahil pag-udyukan kamu niyu pagmahal. Pag-alalahanun diman nimi kanyu ugali naisipan matiniisun dahil sa kanyu pag-asa sa kanta Panginuun Hisu-Kiristu.

1 Pidru 1:13

Nakan ngani ialistu niyu kanyu naisipan. Pagmapinigilun kamu. Ilubus niyu kanyu pagsarig sa kay itinaratu Diyus pag kaayadan kanyu patabgan nu makitan yi aban si Hisu-Kiristu.