Ruma 15:16 - Hanunuu

¹⁶ hampay suruguun yi aku ni Kiristu Hisus tabug sa manga balaw Hudiyu. Pag-itudlu niku sa kanyu, sa manga balaw Hudiyu, ti Mayad pag Barita hampay maihandug niku kamu sa Diyus kay kaibgan, dahil kamu ipinasaman yi Ispiritu Banal.

Ruma 15:16 Iomraidhean Croise

Binwat 13:2

Sa kanda magpauray sa samba nida sa Panginuun, sinabi Ispiritu Banal sa kanda magkun, “Ipablag niyu sida ni Birnabi ni Saulu dahil sida kang pinili hampay tumupad sida sa kang buruwatun kang ihinanda para sa kanda.”

Binwat 20:24

Dapat unman pagpahalgaan niku kang buhi, nu matupad lang niku kang katungkulan ag nu matapus lang ti buruwatun kay ipinakaun Panginuun Hisus sa kangku, kang pagtudlu ngani Mayad pag Barita tungkul sa kay mayad nabubut-un Diyus.”

Binwat 20:32

“Taynguna duy pag-iintirga niku kamu sa Panginuun hampay ingatan niya kamu. Hanggan ti Bagaw tungkul sa kay mayad nabubut-un Diyus umingat waydi sa kanyu. Kay Bagaw Diyus ti makaparig-un sa kanyu. Imaw gid ti pumapalad sa kanyu kay kaayadan kay ihinanda Diyus sa manga tawu magpasakup sa kanya.

Binwat 22:21

Bag-u sinabi maan Panginuun sa kangku magkun, ‘Pag-ighit yi duy kawu dahil kang suguun kawu tag sa arayu pag manga daga, tabug sa manga balaw Hudiyu.’ ”

Binwat 9:15

Magkun maan ti Panginuun sa kan Ananiyas, “Pag-ati duy kawu, dahil pinili ngap niku si Saulu hampay siya sumirbi sa kangku hampay ipakilala niya kang makamaskihan pag ngaran sa manga balaw Hudiyu, sa manga hari hanggan sa nasyun Israil.

Ruma 1:1

Ti may surat inda si Pablu kay panawuhun ni Kiristu Hisus. Kay pinili aku Diyus hampay kay apustul, kay gid ibinukud hampay manudlu sa kay Mayad pag Barita Diyus.

Ruma 11:13

Inda maan kang pagsabihun sa kanyu sa manga balaw Hudiyu, aku kabay apustul sa manga balaw Hudiyu. Nakan pag-intindihun gid niku kang buruwatun,

Ruma 15:18

Dahil pinanghasan niku itinultul kay binwat lang ni Kiristu, ginamit niya aku hampay makabutung sa manga balaw Hudiyu tabug sa pagsunud sa Diyus dahil sa kang manga pagbagawun hanggan pagbuwatun,

Ruma 15:19

may mamaski waya pag manga makadululaw ag lilingutan pag manga tanda buwat kapangyarihan Ispiritu Banal. Nakan ngani sa tanan rugar ginan sa Hirusalim hanggan tugka Iliriku pag daga itinudlu yi niku ti tanan Mayad pag Barita tungkul sa kan Kiristu.

Ruma 15:20

Magtagatudlui yi gid aku sa Mayad pag Barita sa manga rugar udwaya nakadnug tungkul sa kan Kiristu, hampay balaw ga mag-agaw aku sa binudlayan iba manugtudlu.

Ruma 15:29

Alam niku nu umasan aku, may imaw abunda aku pag papalad ginan sa kan Kiristu para sa kanyu.

Ruma 5:5

Dayu kita mibuyu sa kanta pag-asa, dahil kay pagmahal Diyus ilinubus yi sa kanta manga tagipusuun sa panab-anan Ispiritu Banal, imaw ti ipinakaun Diyus sa kanta.

1 Kurintu 3:5

Hintay nguna si Apulus, hintay nguna si Pablu? Kami parihu diman suruguun lang Diyus. Dahil sa kanmi tudlu kamu nagsarig sa kan Kiristu. Parihu kami magtupad sa buruwatun kay inintirga Panginuun sa kanmi.

1 Kurintu 4:1

Kailangan duy kilalan-un niyu kami kay manga suruguun ni Kiristu. Ipiniyar Diyus sa kanmi ti madalum pag katutuuhanan balaw daan ipinaburayhaw sa tawu.

1 Kurintu 6:19

Unman aw niyu alam kanyu bilug ulian Ispiritu Banal kanyu tinanggap ginan sa Diyus? Balaw yi kamu makapamahala sa kanyu sadili bilug, nu unman Diyus yi ti bahala,

2 Kurintu 11:23

Sida aw manga suruguun ni Kiristu? Magbagaw aku ga usa ka paung-paung, dapat aku lalu man mayad pag suruguun ni Kiristu balaw lang ga kanda. Subra man sa kanda kang nagbudlay, balaw lang pira ka pag-ulit aku napirisu, lagat-lagat paglipgutun, pirmi arani yi sa kamatayan.

2 Kurintu 5:20

Nakan ngani kami kay manga sinugu ni Kiristu. Bilang ti Diyus diman gid tigpaanyu sa kanyu ginan diman sa kanmi magkun, “Sa ngaran ni Kiristu kanmi pagpaanyuan kamu pagmipausa kamu sa Diyus.”

2 Kurintu 8:5

Balaw lang ga kang inisip kanda binwat. Itinigana nida kanda sadili sa Panginuun dapu bag-u hanggan sa kanmi angay sa kagustuhan Diyus.

Galasya 3:5

Hayga nguna ipinakaun Diyus sa kanyu ti Ispiritu? Hayga may binwat siya manga makadululaw pag tanda? Dahil aw lugud sa kanyu pagtupad sa Kasuguan aw ngatay dahil sa kanyu magpatingi hanggan magsunud sa Mayad pag Barita?

Ipisu 2:18

Dahil sa kan Kiristu ti manga Hudiyu ag ti manga balaw Hudiyu parihu kita makapakarani sa Ama, dahil sa kanta pakiusa sa usa ka Ispiritu.

Ipisu 2:22

Dahil sa kanyu magpakiusa sa kanya, kamu hanggan ga manga kalap yi diman waydi sa panab-anan Ispiritu Banal hampay ulian Diyus.

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

Pilipus 2:17

Nu abi aku matyun, kang dugu ibuhus ga ihandug sa Panginuun dungan sa kanyu pag-ipakaun kanyu pagsarig sa kanya. Una abi ti ikamatay niku katida, masulung di aku ag mirinsan kita tanan magbaya.

Pilipus 4:18

Kainda, may imaw aku tanan niku kailangan ag mag-abunda waya, dahil sa nakatanggap aku sa kan Ipapruditu manga bagay ginan sa kanyu. Kanyu awat ga usa ka mabanglu ag marinu pag handug ag pagbayaun Diyus.

1 Tisalunika 2:2

Alam niyu pagka kami sa Pilipus, inunu-unu kami ag minuransa waya. Dapat una katida pinabisug di nita Diyus kanmi manga tagipusuun hampay una mayamu ti manga kakurian, ilinantag di nimi ti Mayad pag Barita Diyus sa kanyu.

1 Tisalunika 2:9

Pihu udwaya nalimtan niyu, manga patar-ari, nu kabitay kami nagbudlay sa tarabahu sirang yabi hampay kami unman magpakuri sa una hintay sa kanyu, sa kanmi magtudlu Mayad pag Barita Diyus sa kanyu.

1 Tisalunika 5:23

Pag-idarangin niku kamu hampay kamu lubus pasakup sa Diyus. Siya yi ngani tigpakaun kahusayan. Pag-idarangin diman niku kamu hampay alagaan niya kanyu buu pagkatawu sa unman may kadautan una kanyu tagipusuun, una kanyu karadwa, una kanyu bilug hanggan sa ud rumas-ug kanta Panginuun Hisu-Kiristu.

1 Timutiyu 1:11

Tunda ngani pag tudlu ti angay sa Mayad pag Barita inintirga sa kangku. Tunda yi pag Barita tungkul sa kanta pagdayawun pag kamaskihan Diyus.

1 Timutiyu 2:7

Nakan ngani pinili aku Diyus manugtudlu hanggan apustul hampay itudlu niku sa manga balaw Hudiyu ti tutuu pag sarig. Kang pagsabihun inda tutuu gid, balaw pudil.

2 Timutiyu 1:11

Pinili niya aku apustul hanggan manugtudlu hampay itudlu niku inda pag Mayad pag Barita.

Hibriyu 13:16

Danga nita pagkalimti ti pagbuwat mayad hanggan ti pag-awat sa iba, dahil inda pag handug ti pagbayaun Diyus.

1 Pidru 1:12

Pagka ipinaalam manga purupita inda pag manga katutuuhanan itinudlu waydi Diyus sa kanda, kuntay kanda pagbagawun balaw may pakinabang sa kanda nu unman sa kanyu ngap. Inda pag manga katutuuhanan nadnugan yi niyu ginan sa manugpadakit Mayad pag Barita Diyus. Pagka sinugu Diyus ti Ispiritu Banal ginan sa langit tabug sa manga manugbarita, nanudlu sida sa kanyu angay sa udyuk Ispiritu Banal. Una ti manga anghil sa langit daka mana kanda gustu masalman nida inda pag manga katutuuhanan.

1 Pidru 2:5

Bilang ga manga batu may buhi waydi pagga manga kalap kamu Balay Diyus hampay ulian Ispiritu. Bag-u bilang ga manga manughandug ibinukud para sa Diyus, pagpakaun kamu sa Diyus manga pakaun angay sa Ispiritu, kay pagbayaun Diyus dahil sa kan Hisu-Kiristu.