Ruma 15:13 - Hanunuu

¹³ Diyus ti may pakaun pag-asa sa kanta imaw waydi ti pumakaun kabayaan sa kanyu, hanggan kahusayan sa kanyu magsarig agud lalu abunda kanyu pag-asa dahil sa kapangyarihan Ispiritu Banal.

Ruma 15:13 Iomraidhean Croise

Isayas 55:12

“Manga Israilita, guminan kamu may kabayaan sa Babilunya ag giyahan kamu Diyus. Ti manga bantud hanggan manga tagudtud ga manga tawu manganta sa kabayaan. Ag ti tanan manga puun kayu ga manga tawu mamalalakpakan.

Hirimyas 14:8

Panginuun, kawu duy ti pag-asahan Israil, ti Manugribri sa udas kakurian. Hayga nagbaliw ga day-uhan lang kawu sitay sa kanmi? Hayga duy kawu ga manuglakaw magpat-ung lang usa ka yabi sa kanmi nasyun?

Huwil 3:16

Man-ngurub ga liyun ti Panginuun ginan sa Siun; mangurarug kay busis ginan sa Hirusalim. Nakan matandug ti daga hanggan ti langit. Dapat ti Panginuun ti mapag-un pag darangpan manga Israilita, kay nasakupan.

Huwan 14:1

Bag-u sinabi ni Hisus sa kay manga tuludluan magkun, “Danga magkaaburidu kamu sa kanyu tagipusuun. Magtiwala kamu sa Diyus, magtiwala diman waydi sa kangku.

Huwan 14:27

“Kahusayan kang ipatayak sa kanyu. Kang kahusayan kang diman gid ipakaun sa kanyu. Kang magpakaun kahusayan sa kanyu balaw parihu sa paraan kalibutan. Danga kamu magkaaburidu sa kanyu tagipusuun ag danga kamu magkadala.

Ruma 12:12

Pagbaya kamu dahil sa kanyu pag-asa. Pagmatugway kanyu naisipan una sa kakurian, ag pirmi pagdarangin.

Ruma 14:17

Dahil ti pagpasakup tawu sa kay paghari Diyus balaw labut sa kay pagkan-un, sa kay pag-inmun. Ti mahalaga lang nu ti tawu matadlung, nu magkarausa ag nu may kabayaan lunsay manga pakaun Ispiritu Banal.

Ruma 15:19

may mamaski waya pag manga makadululaw ag lilingutan pag manga tanda buwat kapangyarihan Ispiritu Banal. Nakan ngani sa tanan rugar ginan sa Hirusalim hanggan tugka Iliriku pag daga itinudlu yi niku ti tanan Mayad pag Barita tungkul sa kan Kiristu.

Ruma 15:5

Pagsa kanyu ti Diyus, imaw ti nagpakaun sa kanyu matiniisun hanggan marig-un pag naisipan hampay kay awatan kamu sa kanyu pagkarausa angay sa kay mustara ni Kiristu,

1 Kurintu 2:4

Sa kang nagtudlu sa kanyu, balaw aku naggamit makagararya pag manga bagaw agud kamu mabutung, nu unman pinatutuuhanan Ispiritu Diyus kang tudlu sa panab-anan niya kamaskihan,

2 Kurintu 9:8

Mabuwat Diyus paabundahun kamu sa tanan pag bagay subra waya sa kanyu kailangan hampay may magamit kamu sa kanyu buruwatun kaayadan.

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Ipisu 1:2

Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

1 Tisalunika 1:5

Dahil kanmi ipinadakit ti Mayad pag Barita sa kanyu balaw tugka lang sa bagaw. Kay makamaskihan pag manga buwat Ispiritu Banal ti nagpuruyba sa kanyu tungkul sa katutuuhanan Mayad pag Barita. Nakitan waydi niyu nu kabitay kami sa kanyu atubangan sa kanyu ikaayad.

1 Timutiyu 1:1

Inda ti may surat si Pablu, kay apustul ni Kiristu Hisus angay sa kay sugu Diyus imaw ti Manugribri nita, ag ni Kiristu Hisus imaw kanta pag-asahan.

Hibriyu 6:11

Daka mana kanmi gustu pagpakakit di gid ti kada usa sa kanyu kay kasipagan, danga magpanlubay hanggan sa katapusan, hampay matanggap niyu ti kanyu paghingabtun.

1 Pidru 1:8

Balaw duy nakitan niyu si Kiristu kaybi ginan, dapat malu kanyu minahal diman siya. Unman waya waydi nakitan niyu siya hanggan taynguna tugka, dapat kanyu ngap pagsarigan siya. Nakan ngani malapwasan diman sa kanyu tagipusuun kanyu kabayaan, balaw yi kaya mitultul tunda pag kabayaan.

1 Samwil 1:18

Sinmagut si Hana, “Salamat duy sa kanmu.” Linmakaw yi siya ag nangaun, balaw yi maruku kay uyahun.