Ruma 15:1 - Hanunuu

¹ Kita ti manga mabisug kailangan mag-antabay sa manga malumuy kanda pagsarig. Danga ti sadili kasulungan ti pag-intindiha.

Ruma 15:1 Iomraidhean Croise

Ruma 14:1

Tanggapa niyu ti malumuy kay pagsarig, danga niyu pagtamyawa kay manga tun-anun.

Ruma 14:2

May tawu magkaun una hintay pag karan-unun, unman may daut sa kay naisipan. Dapat ti malumuy kay pagsarig unman magkaun taguban.

Ruma 4:20

Unman siya nagtalinduwa sa kay taratu Diyus. Lalu ngap nagrig-un kay pagsarig ag dinayaw niya ti Diyus.

1 Kurintu 4:10

Alang-alang sa kan Kiristu kami bilang ga unman may kadunungan, dapat kamu madunung di ngap maaw tungkul sa kan Kiristu. Kami bilang ga manga malumuy, kamu bay manga mabisug. Kamu pagdayawun manga tawu, kami bay pagpuyaan ngap manga tawu.

1 Kurintu 9:22

Nu sa manga marahantup barang magkasala, maghuwad waydi aku sa kanda. Sa tanan paraan makibagay aku sa tanan tawu hampay una lang kay iba mabawi di niku una sa kabitay pag paraan.

2 Kurintu 12:10

Nakan ngani magbaya diman aku una aku malumuy, una api-apihun, una pakurianan, una unu-unuhun, una lang hintay pag aragwantahun dahil ngani sa kan Kiristu. Dahil nu aku malumuy, ati katpung ngap aku may kabisugan.

Ipisu 6:10

Inda wadi kang bilin sa kanyu, pagpakarig-un kamu dahil sa kanyu pakiusa sa Panginuun ag dahil sa awat niya daka pag kamaskihan.

Pilipus 2:4

Danga pag-intindiha lang niyu ti ikamayad niyu sadili. Bagkus ngap pag-arawatan gid kamu sa ikamayad sa kada usa.

1 Tisalunika 5:14

May sabihun waya gid kami sa kanyu, manga patar-ari. Paalalahani gid niyu ti manga bugyahin, pabisuga niyu ti manga malumuy kay sarig, sagabaya niyu ti udyi kakaya, agwantahi niyu sida tanan.

2 Timutiyu 2:1

Timutiyu, kang pinagkaanak, pagpakarig-un kawu sa kaayadan kay pag-ipakaun ni Kiristu Hisus dahil sa kanmu pakiusa sa kanya.

1 Huwan 2:14

Kamu pag manga anak, aku magsurat sa kanyu, dahil nakilala niyu ti Ama. Manga gurangun, nagsurat aku sa kanyu, dahil nakilala niyu siya ti kaybi ginan daan di. Kamu duy pag manga kan-akan, nagsurat aku sa kanyu, dahil kamu manga mabisug, ti Bagaw Diyus nangulian sa kanyu ag kanyu dinaug ti May Puun Kadautan.