Ruma 14:8 - Hanunuu

⁸ Nu kita buhi, kanta buhi para sa Panginuun. Ag nu kita mamatay, mamatay kita para diman waydi sa Panginuun. Nakan ngani sa buhi aw sa mamatay man, kita sakup sa Panginuun.

Ruma 14:8 Iomraidhean Croise

Lukas 20:38

Ti Diyus balaw Diyus manga namatay nu unman Diyus ngap manga tawu may buhi, dahil sa kanya pag magkabuhi ti tanan tawu.”

Huwan 21:19

Inda kay sinabi ni Hisus hampay ipakilala niya nu kabitay pag kamatayan ti malakawan aban ni Pidru sa ikadayaw sa Diyus. Bag-u sinabi ni Hisus sa kanya magkun, “Pagpasakup kawu lubus sa kangku.”

Binwat 13:36

“Pagka natupad ni Dabid ti kagustuhan Diyus sa ati katpung pag manga tawu, namatay siya bag-u siya ilinbung kataid sa kay manga ginurang, nakalakaw karunutan kay bangkay.

Binwat 20:24

Dapat unman pagpahalgaan niku kang buhi, nu matupad lang niku kang katungkulan ag nu matapus lang ti buruwatun kay ipinakaun Panginuun Hisus sa kangku, kang pagtudlu ngani Mayad pag Barita tungkul sa kay mayad nabubut-un Diyus.”

Binwat 21:13

Dapat sinabi ni Pablu magkun, “Hayga katida kamu? Hayga kamu maglumi ag magparuku diman sa kang tagipusuun? Dahil una aku kanda gapusun una mamatay waya aku, handa gid aku dahil sa kang magpasakup sa Panginuun Hisus.”

1 Kurintu 15:23

Dapat ti kada usa angay sa kaayusan. Si Kiristu tig-una sa tanan bag-u ti manga sa kan Kiristu sa kay pagsitay niya aban.

Pilipus 1:20

Daka gid kang kagustuhan ag may pag-asa aku dayu gid aku umalinlangan. Bagkus pirmi matutum kang naisipan lalu waya ngap inmamat taynguna agud sa mamatay sa mabuhi man hampay nu makitan aku manga iba, lalu waya dayawun nida si Kiristu.

Pilipus 2:17

Nu abi aku matyun, kang dugu ibuhus ga ihandug sa Panginuun dungan sa kanyu pag-ipakaun kanyu pagsarig sa kanya. Una abi ti ikamatay niku katida, masulung di aku ag mirinsan kita tanan magbaya.

Pilipus 2:30

Arani yi lang siya sa kamatayun, dahil unman inirangan niya kay budlay sa kay buruwatun kay tinanggap ginan sa kan Kiristu. Inawatan niya aku pinarargu niya kanyu iinawat sa kangku tugka sa kanyu makaya.

1 Tisalunika 5:10

Namatay siya para sa kanta hampay kita mabuhi kaibahan niya una kita buhi waya una kita namatay yi.

Ipinakakit 14:13

Nadnugan niku may magbagaw ginan sa langit magkun, “Isurat nimu inda pagkumun, taynguna ginan pinapaladan Diyus ti manga namatay sa kanda pagsirbi sa Panginuun.” Magkun ti Ispiritu, “Tutuu ngani, pumahari sida aban sa kanda budlay. Dahil dumasun sa kanda uryan kanda manga binwat.”