Ruma 14:1 - Hanunuu

¹ Tanggapa niyu ti malumuy kay pagsarig, danga niyu pagtamyawa kay manga tun-anun.

Ruma 14:1 Iomraidhean Croise

Hub 4:3

Kaybi, pagpaanyuan nimu ti mayamu tawu magsarig sa Diyus, ag pagparig-unun ti magpanlumuy.

Isayas 40:11

Alagaan niya kay manga nasakupan ga pastur mag-alaga sa kay manga karanidu. Pagsalilihun niya ti dariit pag karanidu madahan niya pag giyahan ti manga inaan karanidu.

Isayas 42:3

Balaw niya pabay-anan ti manga malumuy kay pagsarig ag balaw niya patlikudan ti manga naduraan pag-asa. Ilantag niya ti katadlungan.

Isikil 34:16

Hanapun niku tunda pag manga nagkaradura hanggan nagtaralalang. Bugkusan niku ti manga may biyag hanggan pabisugun niku ti manga malumuy. Dapat ipadamhak niku ti manga matabul hanggan mabaskug. Buwatun niku sa kanda nu unu ti matadlung.

Isikil 34:4

Unman niyu pagpabaskugun ti manga malumuy sa kanda. Unman niyu pagbulungun ti manga may sakit ngatay pagbugkusan ti manga may bari. Unman niyu paghanapun ti manga nagtalang ngatay ti manga nadura. Bagkus ngap, inunu-unu waya niyu sida.

Sakaryas 11:16

Dahil may ipauli aku takinan sa Israil parihu sa usa ka unman may pulus pag manug-alaga karanidu. Bukun niya awatan ti manga karanidu hirimugtasun yi, ngatay hanapun ti manga nagkaradura, ngatay bulungun ti manga nabiyagan, ngatay pakaunun ti manga maniwang. Dapat pangan-un niya ti taguban matabul pag karanidu ag bul-un kay manga kuku inda hampay hirutun.

Matiyu 12:20

Unman niya puldun ti tigbi nu nahapay. Unman diman pus-an niya ti sulu una magrapyung, hanggan sa udwaya manalu kay katadlungan.

Matiyu 14:31

Bag-u ihinunat ni Hisus kay kamang ag hiniyaptan niya si Pidru. Magkun si Hisus, “Kawu duy diit lang maaw kanmu sarig. Hayga kawu nag-alinlangan?”

Matiyu 18:10

Sinabi ni Hisus magkun, “Ingatan niyu sa danga niyu ipasipala una lang usa sa manga dariit anak. Kang pagsabihun gid sa kanyu, ati sa langit ti manga anghil magbantay sa kanda pirmi sa atubangan niku Ama sa langit.

Markus 7:19

Dahil unman magsulud sa kay tagipusuun nu unman sa kay tiyan bag-u ipag-ugat.” Kay ibug sabihun unman may karan-unun makapauring sa tawu sa kay magbantay Diyus.

Lukas 17:2

Mayad waya pag tawu nu higtan bitinan galingan batu kay liug bag-u ilagpak sa abasad pag dagat, sa ud pumaturun siya atag sa kasalanan sa inda pag manga dariit anak magsarig sa kangku.

Huwan 13:20

Ungud duy kang pagsabihun sa kanyu, tigtanggap sa una hintay pag tawu kang sinugu, magtanggap diman sa kangku. Tigtanggap sa kangku, kay tanggapun diman niya ti nagsugu sa kangku.”

Binwat 28:2

Mayad yi lang gid ungud kanda nabubut-un manga tawu ati pag daga sa kanmi. Pinmadna ti uran maramig, nakan namagba sida apuy inalagaan gid kami mayad.

Ruma 11:15

Pagka sida dinayu Diyus bag-u pinaunyun ngap Diyus ti manga nasyun taga kalibutan tabug sa kanya. Nu bay tanggapun maan Diyus ti manga Hudiyu, tunda ga magpakaun buhi sa namatay.

Ruma 14:2

May tawu magkaun una hintay pag karan-unun, unman may daut sa kay naisipan. Dapat ti malumuy kay pagsarig unman magkaun taguban.

Ruma 14:21

Mayad ti unman magkaun taguban, unman mag-inum makalangu, ag unman magbuwat una hintay nu karadayaanun nimu patar-ari tag sa kasalanan.

Ruma 14:3

Ti tawu magkaun una hintay pag karan-unun danga mag-away sa tawu unman magkaun taguban. Ti tawu unman magkaun taguban danga waydi pagpihua niya kuntay daut ti magkaun una hintay pag karan-unun, dahil sida duwa parihu tinanggap Diyus.

Ruma 15:1

Kita ti manga mabisug kailangan mag-antabay sa manga malumuy kanda pagsarig. Danga ti sadili kasulungan ti pag-intindiha.

Ruma 15:7

Nu kabitay kamu ungud tinanggap ni Kiristu, katunda diman waydi ti buwatun niyu sa kada usa hampay pagdayawun niyu ti Diyus.

Ruma 4:19

Ati katpung arani yi usa ka gatus timpu kay idad ni Abraham ag kay magbantay, tigbak yi kay bilug. Kay asawa si Sara unman paman mag-anak pag tawu. Madi katida unman naglumuy kay pagsarig ni Abraham.

1 Kurintu 9:22

Nu sa manga marahantup barang magkasala, maghuwad waydi aku sa kanda. Sa tanan paraan makibagay aku sa tanan tawu hampay una lang kay iba mabawi di niku una sa kabitay pag paraan.

Pilipus 2:29

Kailangan tanggapun ngani niyu siya may daka pag kabayaan dahil magkarausa kamu sa kanyu pakiusa sa Panginuun. Ti katunda pag manga tawu kay buwat ga kanya kailangan pagpahalagaan gid niyu.

1 Tisalunika 5:14

May sabihun waya gid kami sa kanyu, manga patar-ari. Paalalahani gid niyu ti manga bugyahin, pabisuga niyu ti manga malumuy kay sarig, sagabaya niyu ti udyi kakaya, agwantahi niyu sida tanan.

Hibriyu 5:14

Dapat ti may manga idad yi, magkaun maganit karan-unun, dahil sida nagpaanad yi naantigu magkilala sa daut sa mayad.

2 Huwan 1:10

Una gid hintay ti rumas-ug sa kanyu nu bukun inda kay pag-itudlu, danga gid niyu tanggapun siya sa kanyu balay, danga gid niyu pagbatia.