Ruma 13:8 - Hanunuu

⁸ Danga magpalya kamu sa kanyu kasunduan magbayad utang una sa kantapu. Danga paglimti kanyu pagmahal sa usa kag sa usa dahil ti pagmahal sa kaparihu tawu imaw ti makatupad sa Kasuguan Diyus.

Ruma 13:8 Iomraidhean Croise

Matiyu 7:12

“Nakan ngani buwatun niyu sa kanyu kaparihu ti kanyu gustu kanda buwatun sa kanyu. Inda yi ngani ti kahulugan Kasuguan ni Muysis ag ti kahulugan tudlu manga Purupita.”

Huwan 13:34

Aku duy may bag-u pag bilin sa kanyu magkun, pagmalahalan kamu sa usa kag sa usa. Nu kabitay kang nagmahal sa kanyu, pagkatunda diman waydi kamu pagmalahalan sa usa kag sa usa.

Ruma 13:10

Ti may pagmahal sa kay kaparihu balaw magbuwat daut una sa kantapu. Nakan ti pagmahal imaw yi gid ti kamhanan buu Kasuguan.

Ruma 13:7

Ipakaun niyu sa kada usa ti dapat sa kanya. Pagbayad buhis hanggan manga lisinsiya sa manughiyaput buhis. Paggalang sa may karampatan galangun, pahalgai niyu ti dapat pahalgaan.

Galasya 5:14

Dahil matupad ti kabuuhan Kasuguan nu tupadun lang inda pag usa ka bagaw magkun, “Mahala nimu kanmu kaparihu tawu parihu sa kanmu sadili.”

Kulusas 3:14

Lalu pagmalahalan kamu dahil imaw ti pinagkabugkus sa kanyu lubus pagkarausa.

1 Timutiyu 1:5

Kailangan katida kanmu bilinan sida hampay may pagmahal sida ginan sa kanda malumpiyu pag tagipusuun ag ginan sa naisipan nu udyi may pag-alalahanun kasalanan, hanggan ginan sa kanda pagsarig balaw magpabalhinguun.

Santiyagu 2:8

Masulung kanyu pagbuwatun nu magtupad lang kamu sa mahalaga pag sugu Diyus nisurat sa Banal Kasuratan magkun, “Mahala nimu kanmu kaparihu ga kanmu diman waydi sadili bilug.”

1 Huwan 3:10

Sitay pag makilala ti manga anak Diyus ag ti manga anak diyablu. Una hintay pag tawu ti unman mag-ugali sa matadlung, unman siya anak Diyus, una ti tawu nu unman pagmahalun niya kay patar-ari, unman diman siya anak Diyus.