Ruma 13:4 - Hanunuu

⁴ Dahil sida manga suruguun Diyus sa ikamayad nimu. Dapat ay madala kawu nu magbuwat daut, dahil sida tutuu gid may karampatan magparusa. Sida manga suruguun Diyus, hampay parusahan nida ti manga magbuwat daut.

Ruma 13:4 Iomraidhean Croise

1 Hari 10:9

Dayawun ti Panginuun nimu Diyus, magbaya sa kanmu ag nagpauli sa kanmu sa kaharian Israil. Dahil unman may katapusan ti pagmahal Panginuun sa Israil, binwat niya kawu hari hampay humari kawu may katuwiran ag katadlungan.”

2 Krunika 19:6

Magkun siya sa kanda, “Pag-isip dapu kamu kaayad bag-u kamu magpihu dahil balaw kamu mamihu para sa tawu nu unman para sa Panginuun, imaw siya ti asan-sakanyu sa kada kamu mamakaun pagpihu.

Kabagawan 16:14

Nu mangisug ti hari mahimu may matyun siya, nakan ti madunung pag tawu magsikap gid balaw magalit ti hari.

Kabagawan 20:2

Nu magkaisug ti hari parihu siya sa mag-ngurub liyun. Nakan nu galitun nimu siya, matyun gid niya kawu.

Kabagawan 20:26

Nu magsintinsiya ti madunung pag hari, pagpihuun gid niya maalaman nu si unu ti nagbuwat kadautan, ag rargu niya pagparusahan.

Kabagawan 20:8

Nu magsintinsiya ti hari, pagpihuun gid niya nu si unu ti nakabwat kadautan.

Isayas 1:17

Pagpaanad kamu sa magbuwat mayad ag ilantag ti katadlungan. Sungyawa niyu ti manga mag-api ag apinan niyu ti karampatan manga ulila hanggan manga buranday.”

Hirimyas 5:28

Tinmabul sida ag binmisug kanda manga bilug. Subra kanda magbuwat kadautan. Unman nida pagpakan-an katadlungan ti manga ulila ag balaw nida pag-ilaban ti karampatan manga pugri.

Isikil 22:27

Kanda manga takinan parihu sa manga talun idu magduksul sa kanda manga bulay. Magpanmatay sida hampay lang maramuun sa kuwarta.

Isikil 25:14

Manbalus aku sa Idum sa panab-anan niku nasakupan manga Israilita. Parusahan nida ti manga taga Idum angay sa kang masyadu pag pangagalit, bag-u maalaman manga taga Idum nu kabitay aku magbalus. Aku, ti Panginuun Diyus, ti magbagaw inda.”

Mikas 3:9

“Pagpatingi kamu, manga takinan Israil ag Huda! Pagdayuun niyu ti katadlungan ag pagbaliskadun niyu ti katutuuhanan.

Ruma 12:19

Manga mayad patar-ari, danga kamu magbalus. Ipabahala niyu tunda sa Diyus. Dahil nakasurat sa Banal Kasuratan magkun, “Magkun ti Panginuun, aku ti bahala magganti, pihu gumanti aku.”

Ruma 13:6

Tunda diman ti dahilan nu hayga kamu magbayad buhis. Dahil ti manga pinunu gubirnu manga suruguun ngani Diyus, magpamahala sa tunda pag manga buruwatun.

1 Tisalunika 4:6

Danga kamu magbuwat daut ngatay magdaya sa kanyu kaparihu, parihu sa magpanguragin niya asawa. Kanmi yi sinabi ag ipinaalam inda sa kanyu kaybi di waya, dahil parusahan Diyus una si unu ti magbuwat katunda.

Huswi 20:5

Nu lagsun siya ati magkaibug bumalus sa kanya, unman siya ipakaun manga mag-uli ati. Apinan nida siya dahil balaw tikis ti pagmatay niya sa kay kaparihu, ag binwat niya inda dahil sa kay pangagalit.

Huswi 20:9

Imaw inda ti manga banwa darangpan pinili para sa manga Israilita hanggan sa manga day-uhan mag-uli kaibahan nida. Ti una si unu ti makamatay balaw sinadya mahimu makadangup ati, hampay unman siya matyun sa gustu bumalus sa kanya, habang udwaya magkabista kay kasu sa atubangan kadamlan.

1 Pidru 2:14

Pagpasakup diman kamu una sa manga gubirnadur, imaw ti manga suruguun Pangulu Hari hampay magparusa sida sa manga magbuwat daut ag hampay magdayaw sa manga magbuwat mayad.