Ruma 13:3 - Hanunuu

³ Ti manga pinunu kailangan kadalaan manga tawu magbuwat daut. Dapat ti magbuwat mayad unman waydi kailangan magkadala sa kanda. Ibug aw nimu dayu madala sa manga gubirnu? Pagbuwat kawu sa mayad bag-u bayaun kawu nida.

Ruma 13:3 Iomraidhean Croise

Kabagawan 14:35

Magbaya ti hari sa madunung pag suruguun, dapat pagkadat-an niya ti magpakay-a sa kanya pag suruguun.

Kabagawan 20:2

Nu magkaisug ti hari parihu siya sa mag-ngurub liyun. Nakan nu galitun nimu siya, matyun gid niya kawu.

Ruma 13:2

Nakan ngani ti tawu nu maglaban sa gubirnu, kay ngap paglabanan ti pinili Diyus. Pihu padapatan parusa una sitapu tiglaban.

Ruma 13:4

Dahil sida manga suruguun Diyus sa ikamayad nimu. Dapat ay madala kawu nu magbuwat daut, dahil sida tutuu gid may karampatan magparusa. Sida manga suruguun Diyus, hampay parusahan nida ti manga magbuwat daut.

Diyuturunumiyu 25:1

“Nangus may magtalaluhan duwa ka tawu ag dinara nida kanda kasaba sa talaghusay, ag sinabi manga manughusay nu si unu sa kanda duwa ti may kasalanan ag ti unman may kasalanan.