Ruma 13:2 - Hanunuu

² Nakan ngani ti tawu nu maglaban sa gubirnu, kay ngap paglabanan ti pinili Diyus. Pihu padapatan parusa una sitapu tiglaban.

Ruma 13:2 Iomraidhean Croise

Pag-ighit 16:8

Magkun waya si Muysis, “Pakan-an kamu Panginuun taguban kanyu kan-un nu yabi ag busugun niya kamu tinapay sa surip, dahil nadnugan niya kanyu manga riklamu sa kanya. Balaw kamu sa kanmi pag magriklamu nu unman sa Panginuun. Si unu gid kami hampay kanyu riklamuhan?”

Isayas 58:2

Magpakarani sida sa kangku sirang-sirang, gustu nida maalaman kang manga palakaw. Nu pagbantayan, bilang sida usa ka nasyun matadlung unman maglabag sa sugu niku. Pag-ipakakit nida ga magkaibug sida pumakarani sa kangku ag manhagad matadlung pag pasya.

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Markus 12:40

Pagtabuhun nida ti kasiyunan manga buranday, dapat magpadayaw-dayaw diman sa kanda magdarangin araba. Lalu waya mabuyat aban pag parusa sa kanda.”

Lukas 20:47

Dapat pagtabuhun nida ti kasiyunan manga buranday bag-u magpadayaw-dayaw diman sa kanda magdarangin araba. Lalu waya mabuyat aban pag parusa sa kanda.”

Ruma 13:1

Ti kada usa ka tawu kailangan pagpasakup sa manga pinunu gubirnu. Dahil unman may magpamahala nu unman ginan sa Diyus ag ti manga gubirnu ti magpamahala kainda imaw gid ti pinatukahan Diyus.

Ruma 13:3

Ti manga pinunu kailangan kadalaan manga tawu magbuwat daut. Dapat ti magbuwat mayad unman waydi kailangan magkadala sa kanda. Ibug aw nimu dayu madala sa manga gubirnu? Pagbuwat kawu sa mayad bag-u bayaun kawu nida.

Ruma 13:5

Nakan ngani kailangan kamu pagpasakup yi hampay maamanan niyu kay pangagalit Diyus ag hampay unman kamu may pag-alalahanun kasalanan sa kanyu tagipusuun.

Ruma 9:19

Magkumun kawu sa kangku, “Hayga pagsisihun waya Diyus ti tawu? Si unu ti umampara sa kay kagustuhan Diyus?”

Titu 3:1

Paalalahani nimu ti manga patar-ari pagpasakup sida sa manga pangulu hanggan sa manga may kangaranan. Pagpirmi daan alistu kanda naisipan sa magbuwat mayad.

Santiyagu 3:1

Manga patar-ari niku, danga mana maghingbut ti mayamu sa kanyu hampay manga manugtudlu, kabay alam diman niyu kita manga manugtudlu lalu gid pihuun aban nu daut nu mayad.

1 Pidru 2:13

Dahil ngani kamu sa Panginuun, kailangan pagpasakup kamu sa tanan may kangaranan sa nasyun lalu sa Pangulu Hari, dahil siya ti pinakamataas sa tanan pag kapangyarihan.