Ruma 13:13 - Hanunuu

¹³ Pag-ugali sa mayad dahil sa karayawan yi kita, danga pag-abalaha ti udas sa maglangu, sa magulu pag kasulungan, danga pagpasibut-i ti sadili daut kagustuhan pagkatawu, una sa kahalayan, una sa irisgan, una sa hirirakan.

Ruma 13:13 Iomraidhean Croise

Kabagawan 23:20

Danga kawu maghuwad sa manga paralangu ag daluk sa karan-unun, dahil ti ga kanda pag kalasi tawu madali kumuri. Pirmi sida magkaturug, nakan aban manrutay wadi sida paris.

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

Lukas 16:19

Sinabi ni Hisus magkun, “May usa ngani ka tawu mayaman, kay rutay parihu sa rutay manga hari kay pagkarinu, masyadu gid marinu. Subra gid sa kanya kay karan-unun sirang-sirang.

Lukas 21:34

“Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.

Binwat 2:15

Kanyu hantup langu inda pag manga tawu, dapat ay balaw langu inda dahil magpamalayan di waya ti init.

1 Kurintu 3:3

Dahil una kainda kamu magpatingi waya sa kanyu sadili kagustuhan pagkatawu. Nu kamu maghirirakan hanggan magtalaluhan unman aw lugud kamu mag-ugali angay sa kanyu sadili kagustuhan pagkatawu? Unman aw lugud kanyu pagsundan ti manga kaugalian manga tawu magpatingi lang sa kanda sadili kagustuhan?

Galasya 5:19

Magkaalaman yi waydi nita ti manga buwat tawu nu angay sa daut kagustuhan niya pagkatawu, ti magpanlalaki, ti magpamabayi, ti mayagting pag naisipan, ti kahalayan,

Galasya 5:21

ti maghirirakan, ti maglangu, ti magkadara sa kasayahan, hanggan ti iba waya buwat parihu sa kainda pag buwat. Pagsabihan niku kamu parihu diman sa kaybi, balaw gid makapasakup sa kay paghari Diyus ti tawu nu buwatun niya ti katunda pag manga bagay.

Ipisu 4:1

Nakan aku, ti usa ka napirisu dahil sa kang magsirbi sa Panginuun, magsabi sa kanyu, pag-ugali kamu angay sa mayad pag ugali manga pinili Diyus.

Ipisu 4:17

Inda kang pagsabihun kang gid pag-ipalugus sa kanyu sa ngaran Panginuun magkun, danga yi kamu mag-ugali parihu sa manga tawu unman magsarig sa kan Kiristu, ud may pulus kanda pag-isipun.

Ipisu 5:15

Nakan ngani pagmadahan yi gid kamu sa kanyu mag-ugali. Pag-ugali kamu parihu sa manga matinudukun, danga parihu sa manga unman may namuangan.

Ipisu 5:18

Danga kamu maglangu dahil makarangga tunda sa mayad pag ugali. Bagkus alwasiha niyu sa masuldan kamu Ispiritu Banal.

Ipisu 5:8

Kaybi kamu sakup sa kadudulman, dapat taynguna kamu sakup yi sa marayaw dahil sa kanyu pakiusa sa Panginuun. Nakan ngani pag-ugali kamu parihu sa manga tawu sakup yi sa marayaw.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Pilipus 2:3

Danga makasadili lang kanyu turunu gayak, danga sa ikadayaw lang sa kanyu sadili. Bagkus ngap lubus pagparakumbabaan kamu sa usa kag sa usa, isipa niyu ti manga iba lalu mayad man sa kanyu sadili bilug.

Kulusas 1:10

Nu katunda, makaugali kamu angay sa Panginuun hampay kay pagbayaun, abunda sa mayad buwat ag dumaka kanyu pagkilala sa Diyus.

Kulusas 3:5

Nakan kailangan matyun yi lang niyu ti kagustuhan niyu angay waya sa kalibutan, ti panguragin, ti manga mahalay, ti gamun sa kahalayan, ti daut pag manga hilig, ti mairibgun sa kasiyunan imaw diman ti usa ka kalasi panamba sa diyus-diyusan.

1 Tisalunika 2:12

Pinabisug nimi kanyu nalub-anan, pinasulung ag binutung sa mag-ugali kang-ud sa kay magbantay Diyus, imaw ti nagpili sa kanyu hampay makatanggap kahuray sa kay kaharian hanggan kadayawan.

1 Tisalunika 4:12

Nu katunda, galangun kamu manga tawu udwaya magkilala sa Panginuun. Usa sa siti, danga niyu isarig sa iba kanyu pangabuhi.

1 Tisalunika 5:17

Danga mag-ampu sa magdarangin.

Santiyagu 4:5

Barang kanyu isip unman mahalaga ti nisurat sa Banal Kasuratan magkun, “Magkaibug gid ti Diyus magpakiusa sa manga tawu, dahil kay pinakan-an sida arup.”

1 Huwan 2:6

Nu magsabi ti tawu magkun, pirmi siya magpakiusa sa Diyus, kailangan pagga kan Hisus diman waydi kay ugali.

2 Huwan 1:4

Aku lalu ngap nakabaya pagka naalaman niku kanmu manga anak kay iba kanda ugali buhi angay sa katutuuhanan, angay sa sugu kanta tinanggap ginan sa Ama.

Hudas 1:23

Ti iba bawia niyu ga ginan sa apuy. Ti iba kaawai diman waydi niyu, dapat ay lang pagmaaman kamu barang kamu mamaliwan waydi nida kayagtingan. Una kanda manga rutay namaliwan yi kahalayan.