Ruma 13:12 - Hanunuu

¹² Mag-agaw sirang yabi arani yi magkasirang. Pagpakarayu yi kita ginan sa tanan buwat daut, ialistu nita kanta sadili sa buwat kaayadan.

Ruma 13:12 Iomraidhean Croise

Kanta ni Sulumun 2:17

Bag-u rumayaw ti magkasurip hanggan bag-u dumulum, pagbalik kawu, mahal niku. Palagiw kawu parihu kay kaliksi sa karasyaw magpalagiw sa karaw-an duwa ka bantud.

Isayas 2:20

Sa ati pag sirang, ipanyamut nida tag sa manga angbu hanggan banug ti manga tawu-tawu pilak ag gintu kanda binwat hampay sambahun.

Isayas 30:22

Baliwun yi niyu mauring kanyu diyus-diyusan binwat sa pilak ag gintu. Iyamut niyu ga mauring pag paris ag sumabi, “Balaw yi niku pagkaibgan makitan kamu!”

Ruma 13:14

Ipasakup niyu kanyu sadili sa Panginuun Hisu-Kiristu hampay siya ti humari sa kanyu buhi ag danga pakan-an rugar ti sadili naisipan hampay dayu pasibut-an lang ti sadili kagustuhan.

1 Kurintu 10:11

Inda ti nangyari sa kanda bilang usa ka puruyba sa kanta, pasay nakasurat sa paalaala sa kanta dahil arani yi kita sa katapusan panahun.

1 Kurintu 7:29

Dapat kang pagsabihun inda, manga patar-ari, udyi dumugay ti panahun para sa babaw daga, nakan ti manga lalaki nu may asawa danga tugka lang sa asawa kay sirbi.

2 Kurintu 10:4

Kanmi armas balaw ginan sa kalibutan, bagkus ngap may kamaskihan ginan sa Diyus hampay makapawasak sa manga ga alad batu.

2 Kurintu 6:7

sa magbagaw katutuuhanan hanggan sa kamaskihan Diyus. Kanmi matadlung pag ugali buhi imaw kanmi armas panlaban hanggan panangga.

Ipisu 4:22

Tayaki yi niyu kanyu daan pag ugali. Bul-a yi niyu kanyu daan pagkatawu mag-idamhak dahil sa daut pag kagustuhan naisipan.

Ipisu 5:11

Danga kamu magpasalbug sa manga tawu magbuwat sa balaw ikamayad, sa manga ugali sakup sa kadudulman. Bagkus ngap ipaburayhaw niyu ti daut nida manga buwat.

Ipisu 5:8

Kaybi kamu sakup sa kadudulman, dapat taynguna kamu sakup yi sa marayaw dahil sa kanyu pakiusa sa Panginuun. Nakan ngani pag-ugali kamu parihu sa manga tawu sakup yi sa marayaw.

Hibriyu 10:25

Danga kalimtan nita pagluwang di kita sa kanta pagtiripun. Danga maghuwad sa manga magpalya. Pagparabisugan ngap kita ti kada usa. Lalu ngap taynguna dahil magkaalaman yi nita arani yi ti kaudasan pagras-ug Panginuun.

Hibriyu 12:1

Naglibut sa kanta ti aduk pag tawu manga maghiling. Nakan pagtayaki yi nita tunda pag manga buwat mag-ampara sa kanta pagsunud lalu hanggan una hintay pag kasalanan magsambur. Pangungud yi kita sa kanta maglakaw sa dalan inalistu Panginuun.

Santiyagu 1:21

Nakan ngani pagpatlikud kamu ginan sa kayagtingan niyu buwat; pagbul-a niyu ti daut pag ugali; pagpakumbaba kamu lubus ag tanggapa niyu ti Bagaw Diyus ti itinanum sa kanyu tagipusuun. Inda pag Bagaw Diyus ti makaparibri sa kanyu.

Santiyagu 5:8

Kailangan diman kamu pag-agwanta sa alagad. Pagkarig-un kanyu nalub-anan, dahil arani yi kay pagras-ug Panginuun.

1 Pidru 2:1

Nakan ngani tayaki yi niyu ti tanan pag kadautan, ti tanan buwat sa magdaya, una ti magpabalhinguun, una ti maghirak, una ti magmuransa, tayaki yi niyu tunda.

1 Pidru 4:7

Arani yi ti katapusan tanan manga bagay, nakan pag-isip kaayad nu hintay ti dapat niyu buwatun hampay mayad kanyu magdarangin.

2 Pidru 3:11

Katunda ngani aban ti pangatapusan tanan bagay, nakan ilubus niyu ipasakup kanyu sadili sa Diyus, kanyu ugali buhi pag-angay yi sa kay kagustuhan,

2 Pidru 3:9

Ti Panginuun unman gid pumalya sa kay taratu, balaw parihu ga paghantupun manga iba. Nakan udwaya pagtupadun niya tunda pag taratu dahil ngani sa kanyu. Pinakan-an niya rugar ti tanan tawu hampay sida makaampu sa kanda manga kasalanan ag makapasakup sa Diyus. Dahil unman gid gustu niya una si unu pag tawu ipadamhak sa kaparusahan.

1 Huwan 2:18

Kamu pag manga anak, inda duy arani yi ti katapusan kalibutan. Kanyu yi waydi naalaman kuntay lumuwang ti Anti-Kiristu. Taynguna mayamu yi ngap pag manga anti-Kiristu ti linmuwang yi. Siti pag maalaman yi ngani nita inda arani yi ti katapusan kalibutan.

Ipinakakit 1:3

Papaladan Diyus ti manugbasa inda pag ribru hanggan ti manga magpatingi sa inda pag ipinurupita tungkul sa manga mangyari aban lalu nu matinupadun sa inda pag isinurat. Dahil inda tanan balaw yi dugay mangyari yi.

Ipinakakit 22:10

Sinabi waya niya sa kangku, “Danga nimu pagsiraduha ti manga ipinurupita nisurat sa inda pag ribru, dahil arani yi ti taning pag kaudasan.