Ruma 13:11 - Hanunuu

¹¹ Mayad nu pagbuwatun niyu inda tanan, dahil alam niyu nu hintay pag udas yi kainda. Udas yi hampay mimata yi kamu kainda ginan sa katurugan dahil arani yi ti udas nita lubus pag karibrihan, balaw yi ga kaati katpung ga kanta bag-u nagsarig sa Panginuun.

Ruma 13:11 Iomraidhean Croise

Manugtudlu 9:10

Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.

Hunas 1:6

Sa tunda pag udas, nag-atag sa kanya ti kapitan barku ag magkun, “Hayga kawu maturugan waya? Pagbangun yi, paghagad awat sa kanmu diyus! Barang maawa waya siya sa kanta, ag awatan niya kita hampay balaw kita mamatay.”

Matiyu 16:3

Pagka surip-surip kanyu pagsabihun, ‘Umuran taynguna dahil mag-aguhum ti langit.’ Magkakilala di niyu ti lakaw panahun, dapat unman maaw niyu makilala ti manga tanda taynguna pag udas.

Lukas 21:28

Dapat nu mag-umpisa mangyari inda pag manga bagay, ipaatngaw gid kanyu manga ulu pagbantay kamu dahil arani yi kamu iribri.”

1 Kurintu 10:11

Inda ti nangyari sa kanda bilang usa ka puruyba sa kanta, pasay nakasurat sa paalaala sa kanta dahil arani yi kita sa katapusan panahun.

1 Kurintu 15:34

Pagbalik kamu sa mayad pag naisipan ag danga magkasala. Dahil ti iba unman magkilala sa Diyus. Kang pagkumnun inda sa kanyu sa ikakay-a niyu.

Ipisu 5:14

Dahil karayawan yi ngani tigpakilala sa tanan. Nakan ngani pagsabihun magkun, “Pag-imata yi kawu ginan sa katurugan, pagkabuhi yi kawu ginan sa kamatayan, rayawan yi kawu ni Kiristu.”

Santiyagu 5:8

Kailangan diman kamu pag-agwanta sa alagad. Pagkarig-un kanyu nalub-anan, dahil arani yi kay pagras-ug Panginuun.

1 Pidru 4:7

Arani yi ti katapusan tanan manga bagay, nakan pag-isip kaayad nu hintay ti dapat niyu buwatun hampay mayad kanyu magdarangin.

2 Pidru 3:11

Katunda ngani aban ti pangatapusan tanan bagay, nakan ilubus niyu ipasakup kanyu sadili sa Diyus, kanyu ugali buhi pag-angay yi sa kay kagustuhan,

2 Pidru 3:9

Ti Panginuun unman gid pumalya sa kay taratu, balaw parihu ga paghantupun manga iba. Nakan udwaya pagtupadun niya tunda pag taratu dahil ngani sa kanyu. Pinakan-an niya rugar ti tanan tawu hampay sida makaampu sa kanda manga kasalanan ag makapasakup sa Diyus. Dahil unman gid gustu niya una si unu pag tawu ipadamhak sa kaparusahan.

1 Huwan 2:18

Kamu pag manga anak, inda duy arani yi ti katapusan kalibutan. Kanyu yi waydi naalaman kuntay lumuwang ti Anti-Kiristu. Taynguna mayamu yi ngap pag manga anti-Kiristu ti linmuwang yi. Siti pag maalaman yi ngani nita inda arani yi ti katapusan kalibutan.

Ipinakakit 1:3

Papaladan Diyus ti manugbasa inda pag ribru hanggan ti manga magpatingi sa inda pag ipinurupita tungkul sa manga mangyari aban lalu nu matinupadun sa inda pag isinurat. Dahil inda tanan balaw yi dugay mangyari yi.

Ipinakakit 22:10

Sinabi waya niya sa kangku, “Danga nimu pagsiraduha ti manga ipinurupita nisurat sa inda pag ribru, dahil arani yi ti taning pag kaudasan.

Ipinakakit 22:12

Sinabi ni Hisus magkun, “Pagpatingi kamu, magkaras-ug yi aku, may dara kang manga pirimyu kang ipakaun sa kada tawu angay sa kay binwat.

Ipinakakit 22:20

Magsabi ti nagpaburayhaw sa tanan inda magkun, “Pihu gid ngani rumas-ug yi aku udyi dugay.” Amin, Panginuun Hisus, pagsitay yi duy kawu.