Ruma 13:1 - Hanunuu

¹ Ti kada usa ka tawu kailangan pagpasakup sa manga pinunu gubirnu. Dahil unman may magpamahala nu unman ginan sa Diyus ag ti manga gubirnu ti magpamahala kainda imaw gid ti pinatukahan Diyus.

Ruma 13:1 Iomraidhean Croise

Kanta 62:11

Balaw lang kas-a nasaydan niku magkun ti Diyus sa kanya ti kapangyarihan ag ti pagmahal.

Kabagawan 24:21

Anak, galanga ti Panginuun ag ti hari. Danga kawu mag-upud sa manga tawu maglaban sa kanda,

Danyil 2:21

Siya ti magbag-u sa manga panahun. Siya ti mag-udyuk nu si unu ti humari ag siya diman ti mag-ilis sa kanya. Siya ti magpakaun kadunungan sa manga dunungin.

Danyil 4:17

Imaw inda ti parusa ipinasandam anghil hampay maalaman tanan ti Kaabwat-abwatan pag Diyus imaw ti may kamaskihan sa kaharian manga tawu. Ag mahimu niya sida ipasakup una sa kantapu nu gustu niya, una waya sa pinakapugri pag tawu.

Danyil 4:32

Palayasun kawu pakarayu sa manga tawu ag mangulian kawu kaibahan manga hayup sa talun. Manharab kawu ilamnun parihu sa baka. Pagkalawuy pitu ka timpu, kilalan-un nimu ti Kaabwat-abwatan pag Diyus imaw ti may kamaskihan sa kaharian manga tawu ag mahimu niya sida ipasirung una sa kantapu nu gustu niya.”

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Huwan 19:11

Sinmagut si Hisus magkun, “Nakan lang kawu may karampatan magbuwat katida sa kangku, dahil Diyus ti may pahintulut tunda sa kanmu. Nakan mabuyat man ti kasalanan tunda pag tawu ti nag-intirga sa kangku sa kanmu kamang.”

Binwat 2:41

Nakan ti manga tawu nagpaniwala sa kay paliwanag ni Pidru napatulbaw yi. Ati katpung pag sirang tulu ka libu tawu ti dinmagdag sa kanda.

Ruma 12:21

Danga kawu magpadaug sa daut. Bagkus ngap idaug nimu ti kaayadan sa kadautan.

Ruma 13:2

Nakan ngani ti tawu nu maglaban sa gubirnu, kay ngap paglabanan ti pinili Diyus. Pihu padapatan parusa una sitapu tiglaban.

Ipisu 5:21

Pagparasakupan kamu sa usa kag sa usa, tanda sa kanyu paggalang sa kan Kiristu.

Diyuturunumiyu 17:12

Ti unman magtanggap sa pasya manughusay pag tawu ngatay sa manughandug Balay Diyus magsirbi sa tunda pag udas sa Panginuun niyu Diyus kailangan matyun. Kailangan duraun niyu inda pag kadautan sa Israil.

1 Timutiyu 2:2

Kailangan idarangin niyu ti manga hari hanggan ti tanan tawu may kangaranan hampay kita may kaayusan ag may kahusayan sa kanta magpasakup sa Diyus ag may mayad pag ugali.

Titu 3:1

Paalalahani nimu ti manga patar-ari pagpasakup sida sa manga pangulu hanggan sa manga may kangaranan. Pagpirmi daan alistu kanda naisipan sa magbuwat mayad.

Hudas 1:8

Kumun diman tunda pag manga pudilun pag manga manugtudlu. Dahil sa kanda manga tagin-up, pirmi pagpayagtingun ngap nida kanda sadili bilug, ipagpasipala nida ti kamaskihan Diyus, pagmuransahun nida ti manga makapangyarihan sa langit.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.

Ipinakakit 17:14

Girahun nida ti Anak Karanidu dapat matalu diman sida dahil ti Anak Karanidu Panginuun manga panginuun, siya diman ti Hari manga hari. May kahuray aban sa kay panalu ti manga tinawag, ti manga pinili ag ti manga matinupadun pag manga magsunud sa kanya.”

Ipinakakit 19:16

Nakapirma kay ngaran sa kay rutay ag sa kay balangbang magkun, “Hari manga hari, ag Panginuun manga panginuun.”

1 Samwil 2:8

Pagbangunun niya ginan sa kakurian ti manga makuri. Pag-ipatukaw niya sida kaibahan manga kilala pag manga tawu bag-u pagdayawun. Siya ti may apu paratukawan kalibutan.