Ruma 12:9 - Hanunuu

⁹ Pag-ungud yi gid kanyu pagmahal. Pagsuku yi kamu sa daut, mayada niyu ti kaayadan.

Ruma 12:9 Iomraidhean Croise

Kanta 101:3

ag balaw niku pahintulutan ti kadautan. Kalaban gid niku ti manga pagbuwatun manga tawu magpakarayu sa Diyus; balaw gid niku tunda huwadun.

Kanta 119:104

Sa panab-anan nimu manga surundanun, maglawak kang pan-intindi, nakan pagkadat-an niku ti tanan daut buwat.

Kanta 119:163

Pagkadat-an niku ag pagkagalitan ti kapudilan, dapat pagmahalun niku kanmu kasuguan.

Kanta 34:14

Kailangan amanan niya ti daut ag buwatun ti mayad. Hingbutun niya ruminu pirmi kay magpakiusa sa kay kaparihu.

Kanta 36:4

Una mahuwayan siya maggayak di daut. Paghingabtun niya makabuwat balaw mayad, ag balaw niya pagbugyahan ti daut.

Kanta 45:7

Magkaibug kawu sa matadlung, dapat magkadaut kawu sa kadautan. Nakan pinili kawu Diyus, nimu Diyus, ag pinakan-an kabayaan labaw man kaysa ipinakaun niya sa kanmu manga kaibahan.

Kanta 55:21

Maalumanay ag mayad siya magbagaw, dapat may galit kay tagipusuun, ag kay manga pagbagawun makabiyag parihu sa matarum pag baladaw.

Kanta 97:10

Ti manga magmahal sa Panginuun kailangan magbugya sa kadautan. Dahil pag-alagaan Panginuun ti buhi niya matinupadun pag nasakupan, ag pag-iribri niya sida sa kamang manga daut.

Kabagawan 26:25

Una marinu siya nu magbagaw, danga kawu magpaniwala sa kanya, dahil daut gid subra kay manga pag-isipun.

Kabagawan 8:13

Ti maggalang sa Panginuun magkadaut sa daut. Pagkadat-an niku ti marapadayaw-dayaw, ti marapalabilabihun, ti daut pag-ugali, hanggan ti marapudil.

Isikil 33:31

Nakan magpakarani kang nasakupan sa kanmu ag ga magkaibug gid sida magpatingi sa kanmu, dapat kay tutuu unman nida pagtupadun kanmu pagsabihun. Mayad lang sida magbagaw kuntay pagmahalun nida aku, dapat ti sa sulud nida tagipusuun imaw ti maramuun sa kuwarta.

Amus 5:15

Amani niyu ti daut, buwata ti mayad, bag-u pagsintinsiya kamu matadlung sa hurusayan. Barang abi maawa ti Panginuun Diyus Makamaskihan sa nasawad pag manga lahi ni Husi.

Matiyu 26:49

Nakan dinmulud si Hudas sa kan Hisus magkun, “Mayad pag yabi, Maisturu.” Bag-u kay inarkan.

Huwan 12:6

Katida kay binagaw ni Hudas balaw kuntay sa magpasunaid siya sa manga pugri. Nakan sinabi niya katunda dahil siya mananakaw. Siya ti manughiyaput kanda kuwarta, bag-u paggawhinun niya kay iba.

Binwat 11:23

Pagka siya rinmas-ug ati, nakitan niya kay papalad Diyus sa kanda. Nakan nakabaya gid siya. Kay pinaanyuan sida magkun pangungud sida pagmatinupadun sa Panginuun, danga sida magbul-iw.

2 Kurintu 6:6

Kanmi diman ipinakilala kuntay kami kay suruguun Diyus sa mayad nimi pag ugali, sa kaalaman, sa maalumanay, sa mayad pag nabubut-un hanggan sa panab-anan Ispiritu Banal, sa may lubus pagmahal,

2 Kurintu 8:8

Balaw kuntay ga pagsuguun niku kamu. Kang lang pagsabihun sa kanyu ti pagbuwatun awat manga iba hampay masulayan nu naan tugka kanyu pagmahal.

1 Tisalunika 2:3

Kanmi tudlu unman may turunu sa ikatalang, unman diman sa ikadaut una sa ikadaya.

1 Tisalunika 5:15

Una si unu sa kanyu danga magbalus sa manga magbuwat daut sa kanyu, bagkus ngap parargu kamu sa pagbuwat mayad sa usa kag sa usa hanggan sa tanan tawu.

1 Tisalunika 5:21

Suyasida niyu ti tanan manga bagay ag adia ti mayad.

1 Timutiyu 1:5

Kailangan katida kanmu bilinan sida hampay may pagmahal sida ginan sa kanda malumpiyu pag tagipusuun ag ginan sa naisipan nu udyi may pag-alalahanun kasalanan, hanggan ginan sa kanda pagsarig balaw magpabalhinguun.

Hibriyu 1:9

Minayad nimu ti katadlungan ag kinagalitan nimu ti kadautan, nakan ti Diyus, kanmu ngani Diyus, ti nagpili sa kanmu ag balaw sa kanmu manga kaibahan. Binuhusan kawu lana hampay kawu maghari yi may kabayaan.”

Hibriyu 12:14

Tupadun niyu ti kahusayan sa tanan tawu ag pag-ugali kamu sa unman may kasalanan. Ti tawu nu unman mag-ugali sa lubus marapasakup sa Diyus dayu siya kumakit sa Panginuun.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

1 Pidru 4:8

Un-an sa tanan kailangan pagmalahalan gid ungud kamu, dahil nu may pagmahal mapatawad di ti mayamu pag kasalanan.