Ruma 12:8 - Hanunuu

⁸ Pagparig-un sa manga patar-ari ti pinakan-an para manugparig-un. Nu mag-ambag, danga may kabuyatan. Nu kawu magpinunu, ilubus nimu kanmu pagkapipunu. Nu mag-awat sa tawu may kakurian, pagmasulung kam naisipan sa kanmu mag-awat.

Ruma 12:8 Iomraidhean Croise

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Kanta 112:9

Mag-ayaw siya sa manga pugri; kay matadlung pag buruwatun alalahanun tugka aban ag kay kabisugan dugangan Diyus bilang paggalang sa kanya.

Kanta 37:21

Ti manga daut mag-udam ag balaw magbayad. Dapat ti manga matadlung marapakaun.

Kabagawan 22:9

Papaladan Diyus ti manga marapakaun karan-unun sa manga pugri.

Manugtudlu 11:6

Pagtanum kawu buu sirang, dahil balaw nimu alam nu manubu tanan ngatay kay iba lang.

Manugtudlu 9:10

Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.

Isayas 32:5

Ti manga unman may namuangan balaw yi dayawun, ag ti manga magdaya balaw yi galangun.

Isayas 32:8

Dapat ti tawu galalangun may paghingabtun pirmi bumuwat mayad, ag inda kay pagtupadun.

Isayas 64:5

Pagtanggapun nimu ti manga magbaya magbuwat matadlung ag magsunud sa kanmu manga palakaw. Dapat nangisug kawu sa kanmi dahil parargu nimi paglabagun kanmu manga palakaw. Nakan kabitay kami maribri?

Matiyu 25:40

Sabihun Hari magkun, ‘Ungud duy kang pagsabihun sa kanyu, pagka binwat niyu inda sa usa sa manga patar-ari niku mapinakumbabaun, sa kangku yi ngap pag binwat niyu tunda.’

Binwat 11:23

Pagka siya rinmas-ug ati, nakitan niya kay papalad Diyus sa kanda. Nakan nakabaya gid siya. Kay pinaanyuan sida magkun pangungud sida pagmatinupadun sa Panginuun, danga sida magbul-iw.

Binwat 13:12

Pagka nakitan gubirnadur tunda, sinmarig yi ngani siya sa kan Hisus. Naglingut siya sa kanda ni Pablu itinudlu tungkul sa Panginuun.

Binwat 13:15

Pagka binasa usa ka tawu ginan sa Kasuguan ni Muysis hanggan ginan sa Kasuratan manga Purupita, nagsabi ti pangulu simbahan ti manga Hudiyu sa usa ka tawu, sabihi sida ni Pablu magkun, “Manga kaparihu nimi Hudiyu, nu kamu may iadal sa ikarig-un manga tawu, tultula yi niyu.”

Binwat 15:32

Sida ni Hudas ni Silas manga purupita diman waydi, nakan nadugay waya sida ati nanudlu sa manga patar-ari hampay pagpabisugun kanda naisipan ag pagparig-unun kanda pagsarig.

Binwat 20:2

Pagka ati siya lakaw sa daga Masidunya, nansabang siya sa manga patar-ari. Mayamu kay itinudlu sa kanda hampay parig-unun kanda pagsarig. Bag-u siya nag-ati sa Akaya pag daga.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Binwat 4:36

Katunda diman waydi hanggan kay binwat ni Husi, usa ka Libita taga Sipru. Binansagan siya manga apustul Birnabi, kay ibug sabihun Manugparig-un.

Ruma 12:13

Awati niyu ti manga pangailangan niyu manga patar-ari. Pagpirmi kamu alistu magtanggap sa manga dayuhan sa kanyu balay.

Ruma 13:6

Tunda diman ti dahilan nu hayga kamu magbayad buhis. Dahil ti manga pinunu gubirnu manga suruguun ngani Diyus, magpamahala sa tunda pag manga buruwatun.

1 Kurintu 12:28

Ti iglisya hinusay diman Diyus. Un-an sa tanan ti manga apustul bag-u ti manga purupita bag-u ti manga manugtudlu bag-u ti manga magbuwat manga makadululaw bag-u ti manga pinakan-an kapangyarihan magpaayad sa sakit, ti may kapangyarihan mag-awat sa iba, ti manga pinakan-an kadunungan sa magpangulu, ag ti manga magbagaw sa tuhay-tuhay pag pamagaw balaw inadalan.

1 Kurintu 14:3

Dapat ti magpurupita magbagaw sa manga tawu sa ikarig-un nida pagsarig, hampay matulin kanda mag-sunud ag sa ikabaya nida isip.

2 Kurintu 1:12

Inda kanmi ipagdayaw sa Diyus, pagpatutuuhanan nimi naisipan unman may pabalhinguun kanmi magpakiusa sa tanan tawu ag lalu ngap sa kanyu angay sa kanmi magpasakup sa kay kabanalan hanggan katutuuhanan Diyus, dahil lang sa kay pakaun kaayadan Diyus, bukun yi sa kadunungan angay lang sa pagkatawu.

2 Kurintu 11:3

Dapat naala-ala niku barang maakit kanyu naisipan ga kan Iba nadaya waydi ulay, barang kamu rumamig sa marig-un niyu pagmahal sa kan Kiristu.

2 Kurintu 8:12

Dahil nu buluntad naisipan tagipusuun kanyu magpakaun, tanggapun Diyus kanyu nakaya ipinakaun. Balaw siya maghingbut nu imaw lang tugka kanyu kaya ipakaun.

2 Kurintu 9:11

Kay pakan-an kamu abunda sa tanan bagay hampay lalu kamu makaawat sa mayamu. Nu katunda yumamu ti manga magpasalamat sa Diyus dahil sa kanyu abuluy kanmi darahun tabug sa kanda.

2 Kurintu 9:13

Nu unman kamu may kabuyatan sa kanyu magpakaun sa kanda hanggan sa tanan tawu imaw yi ti puruyba sa kanda kuntay matinupadun kamu sa Mayad pag Barita ni Kiristu. Nakan siyun ginan dumayaw sida sa Diyus.

2 Kurintu 9:7

Ti kada usa kailangan magpakaun angay sa kay sadili kagustuhan naisipan, sa maluag naisipan balaw sa kapilitan, dahil pagbayaun Diyus nu buluntad pag pakaun.

Ipisu 6:5

Kamu pag manga panawuhun, pagsunud kamu sa kanyu manga amu sitay sa babaw daga, pag may dala hanggan galang sa kanyu magtupad sa kanda bilang ga si Kiristu diman kanyu pagsirbihan.

Diyuturunumiyu 15:14

Ayawi nimu siya abunda pag manga hayup, tirigu, ag intus, angay sa ipinapalad Panginuun nimu Diyus sa kanmu.

Diyuturunumiyu 16:11

Ag pagbarayaan kamu sa atubangan Panginuun niyu Diyus sa rugar kay piliun nu naan pagdayawun siya. Pag-alaala kamu kaibahan kanyu manga anak, manga suruguun, manga Libita mag-uli sa kanyu banwa, manga balaw Israilita, manga ilu ag manga buranday pag babayi mag-uli sa kanyu banwa.

Kulusas 3:22

Kamu pag manga panawuhun, pagpirmi pagsunud sa kanyu amu sitay sa babaw daga. Una may maghiling, una unman, pagtarabahu kamu balaw kuntay sa bayaun manga tawu, bagkus ngap pagtarabahu kamu dahil matinupadun kamu sa kanyu maggalang sa Panginuun.

1 Tisalunika 2:3

Kanmi tudlu unman may turunu sa ikatalang, unman diman sa ikadaut una sa ikadaya.

1 Tisalunika 2:8

Sa daka gid nimi pagmahal sa kanyu ihinanda nimi kanmi sadili sa pagtudlu Mayad pag Barita Diyus sa kanyu. Balaw lang tida, una kanmi buhi unman nimi inirangan ipakaun di nimi sa kanyu nu kailangan. Lubus yi gid magkagamun kami sa kanyu.

1 Timutiyu 4:13

Hanggan sa udwaya aku rumas-ug asan, kada may udas pagpirmi kawu pagbasa Banal Kasuratan sa madnugan manga iba. Pagtudlu kawu ag pagpaliwanag.

1 Timutiyu 5:17

Pagkayamu nu magpakaun kamu sa manga manug-asiwa mayad kanda mag-asikasu, lalu sa manga manugbarita hanggan sa manga manugtudlu Bagaw Diyus.

1 Timutiyu 6:18

Sabihi nimu sida pagbuwat mayad, pagpakayaman sida sa mayad pag buwat. Pagmarapakaun, pagmaraawat sida sa kaparihu tawu.

Hibriyu 10:25

Danga kalimtan nita pagluwang di kita sa kanta pagtiripun. Danga maghuwad sa manga magpalya. Pagparabisugan ngap kita ti kada usa. Lalu ngap taynguna dahil magkaalaman yi nita arani yi ti kaudasan pagras-ug Panginuun.

Hibriyu 13:17

Pagsunud kamu ag pagpasakup sa kanyu manga manug-asiwa iglisya, dahil sida ti may panagutan sa atubangan Diyus tungkul sa kanyu. Mag-alaga sida sa kanyu, dahil sida may panagutan sa atubangan Diyus tungkul sa kanyu. Nu kanyu sundun sida, masulung sida sa kanda magtupad sa buruwatun. Dapat nu unman, manruku sida ag balaw inda ikamayad niyu.

Hibriyu 13:22

Daka kang gustu, kamu manga patar-ari, pag-agwanta sa kang manga iinadal. Dahil kamu kang sinuratan balaw sa mayamu pag hampang.

Hibriyu 13:24

Ipadakit waydi niyu kang kamusta sa manga may katungkulan sa kanyu hanggan sa tanan patar-ari. Pagkamustahun diman kamu nita manga patar-ari taga Italya.

Hibriyu 13:7

Isipun niyu ti nangatungkulan sa kanyu kaybi, sida ti nagpaliwanag kay Bagaw Diyus sa kanyu. Isip-isipun niyu nu kabitay kanda nangugali sitay sa babaw daga hanggan kanda ikinamatay. Huwada niyu kanda pagsarig sa Diyus.