Ruma 12:7 - Hanunuu

⁷ Nu kay ipinakaun Diyus sa kanta para manugsirbi sa kay buruwatun, pagsirbi yi kita. Pagtudlu yi nu kay tinanggap pag pakaun para manugtudlu.

Ruma 12:7 Iomraidhean Croise

Kanta 34:11

Abala kamu pag manga magkaibug dumunung sa kangku, patingihi niyu aku. Tudluan niku kamu sa paggalang sa Panginuun.

Kanta 51:13

Bag-u itudlu niku sa manga makasalanan kanmu manga paraan agud bumalik sida sa kanmu.

Manugtudlu 12:9

Tuhay waya sa madunung inda pag manugtudlu, pagtudluan diman niya ti manga tawu tungkul sa kay naalaman. Inadalan niya kaayad ti mayamu pag manga sanglitan kay banggitun sitay.

Isayas 21:8

Nanringgit ti manugbantay, “Maisturu sirang yabi magtanud duy aku sa bantayaw.

Matiyu 28:19

Nakan pag-ati kamu buwata niyu tuludluan niku ti tanan linahi tawu. Itulbaw niyu sida ipasakup sa ngaran Ama, Anak, hanggan Ispiritu Banal.

Huwan 3:2

Nag-ati siya sa kan Hisus sa yabi. Bag-u kay sinabi sa kan Hisus magkun, “Maisturu, alam nimi duy kawu sinugu Diyus hampay manugtudlu sa manga tawu. Dahil tunda pag manga tanda kanmu pagbuwatun, mabuwat lang tawu nu sa kanya gid ti Diyus.”

Binwat 13:1

Sa iglisya sa Antiyukya may manga purupita hanggan manga manugtudlu Bagaw Diyus. Sida ngani ni Birnabi, ni Simyun kay palayaw si Nigir, si Lusyu taga Sirini, si Manain patar-ari sa tabid ni Gubirnadur Hirudis hanggan si Saulu.

Binwat 20:20

Alam waydi niyu unman inirangan niku una hintay pag ikaayad niyu, bagkus ngap kang itinultul ag itinudlu sa kanyu una sa tiripun una sa kang magsabang sa kanyu manga balay sa kada usa.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Binwat 6:1

Ati katpung pagka amat-amat mayamu yi ti manga nagsarig sa kan Hisus nagriklamu ti manga Hilinista pag Hudiyu laban sa manga Hibriyu pag Hudiyu. Magkun sida ti manga Hilinista pag babayi buranday pagpabay-anan kunu unman pagpakan-an kanda pangailangan sa udas maghururayan sirang-sirang.

1 Kurintu 12:28

Ti iglisya hinusay diman Diyus. Un-an sa tanan ti manga apustul bag-u ti manga purupita bag-u ti manga manugtudlu bag-u ti manga magbuwat manga makadululaw bag-u ti manga pinakan-an kapangyarihan magpaayad sa sakit, ti may kapangyarihan mag-awat sa iba, ti manga pinakan-an kadunungan sa magpangulu, ag ti manga magbagaw sa tuhay-tuhay pag pamagaw balaw inadalan.

1 Kurintu 12:5

May tuhay-tuhay pag manga arasikasuhun, dapat usa lang ka Panginuun ti pagsirbihan.

1 Kurintu 14:26

Manga patar-ari, hintay nguna ti ibug sabihun inda tanan? Sa kanyu magtiripun ti usa kumanta, ti usa tumudlu, ti usa magpurupita, ti usa maan bumagaw sa tuhay-tuhay pag pamagaw bag-u may usa maan pumaliwanag sa kay ibug sabihun. Buwatun niyu ti tanan bagay sa ikarig-un iglisya.

Galasya 6:6

Ti manugtudlu Bagaw Diyus kailangan ayawan niya tuludluan una lang hintay pag kaayadan kanda nakitan.

Ipisu 4:11

Siya diman ti may ipinakaun sa manga tawu. Kay iba pinakan-an niya katungkulan sa pagka-apustul, ti manga iba sa pagkapurupita, ti iba sa magtudlu Mayad pag Barita, ti iba pinakan-an niya katungkulan hampay mag-alaga sa iglisya, ti iba hampay manugtudlu.

Diyuturunumiyu 33:10

Itudlu nida sa manga Israilita kanmu manga sugu hanggan surundanun, bag-u manhandug sida manga kamangyan hanggan manga handug pagsunugun sa kanmu harandugan.

Kulusas 4:17

Isabi niyu sa kan Arkipu magkun, “Pagpararguhan di niya ti buruwatun kay tinanggap ginan sa Panginuun.”

1 Timutiyu 2:7

Nakan ngani pinili aku Diyus manugtudlu hanggan apustul hampay itudlu niku sa manga balaw Hudiyu ti tutuu pag sarig. Kang pagsabihun inda tutuu gid, balaw pudil.

1 Timutiyu 3:2

Ti manug-asiwa sa iglisya kailangan unman may masabi sa kanya, usa lang kay asawa, madahan, madunung waydi magtiis sa kay sadili, maginalangun, marapasaka sa bag-u ras-ug ag mayad siya magtudlu.

1 Timutiyu 4:16

Pagmadahan kawu sa kanmu ugali hanggan sa kanmu magtudlu. Pagparargu sa kanmu magtupad sa inda pag buruwatun hampay maribri kawu hanggan ti manga manugpatingi sa kanmu.

1 Timutiyu 5:17

Pagkayamu nu magpakaun kamu sa manga manug-asiwa mayad kanda mag-asikasu, lalu sa manga manugbarita hanggan sa manga manugtudlu Bagaw Diyus.

2 Timutiyu 2:2

Ti manga nadnugan nimu sa kangku sa atubangan mayamu manga manugpatingi kailangan kanmu waydi itudlu iintirga sa manga tawu magkaasahan magtudlu waydi sa iba.

2 Timutiyu 2:24

Unman kailangan makipag-away ti panawuhun Panginuun. Bagkus ngap kailangan siya madunung makibagay sa tanan tawu, mayad magtudlu, ag matiniisun.

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.

1 Samwil 12:23

“Balaw gid duy aku umapas sa kang magdarangin sa kanyu, dahil nu abi kang apasan tunda ngap kasalanan niku laban sa Panginuun. Bagkus ngap itudlu di niku sa kanyu ti mayad hanggan matadlung pag-ugali.