Ruma 12:6 - Hanunuu

⁶ May kanya-kanya pakaun ti Diyus sa kanta, angay sa kay pangaawa sa kanta. Nakan kailangan gamitun nita tunda pag manga pakaun. Nu kay ipinakaun Diyus sa kanta para manugpurupita, pagpurupita yi ngani kita angay sa kay kadaka pag sarig nita.

Ruma 12:6 Iomraidhean Croise

Matiyu 23:34

Nakan ngani magsugu aku manga purupita atabug sa kanyu, manga madunung pag tawu hanggan manga manugtudlu. Matyun niyu aban ti iba, kay iba ipaku niyu sa kurus, kay iba garutihun niyu aban sa kanyu manga simbahan, kanyu unu-unuhun sa kabanwa-banwahan.

Matiyu 25:22

Nagpakarani waydi ti nakatanggap duwa ka libu magkun, ‘Amu, inda yi duy kanmu ipiniyar pag duwa ka libu. Ag inda waya ti duwa ka libu kay tubu.’

Lukas 11:49

Nakan ngani magkun ti Diyus angay sa sadili kadunungan, ‘Sumugu aku manga purupita, manga manugtudlu sa kanda. Ti iba kanda matyun, kay iba unu-unuhun.’

Binwat 13:1

Sa iglisya sa Antiyukya may manga purupita hanggan manga manugtudlu Bagaw Diyus. Sida ngani ni Birnabi, ni Simyun kay palayaw si Nigir, si Lusyu taga Sirini, si Manain patar-ari sa tabid ni Gubirnadur Hirudis hanggan si Saulu.

Binwat 15:32

Sida ni Hudas ni Silas manga purupita diman waydi, nakan nadugay waya sida ati nanudlu sa manga patar-ari hampay pagpabisugun kanda naisipan ag pagparig-unun kanda pagsarig.

Binwat 2:17

‘Magkun ti Diyus, “Inda aban kang buwatun sa katapusan panahun. Ibuhus niku kang Ispiritu sa tanan tawu. Bag-u pumurupita kanyu manga anak una lalaki una babayi. Bukasan niku ti naisipan niyu manga kan-akan bag-u aku may ipakakit sa kanda. Ag kanyu manga gurangun lalaki tumagin-up.

Binwat 21:9

Kan Pilipi manga anak upat ka daraga lunsay manga magpurupita.

Ruma 1:11

Magdumdum yi gid aku magtagasampaki sa kanyu hampay maayawan niku kamu kaluub Ispiritu pag kaayadan sa ikarig-un niyu.

Ruma 12:3

Angay sa kaayadan kay ipinakaun Diyus sa kangku, pagsabihun niku sa kada usa sa kanyu, danga niyu pagpahalagai subra kanyu sadili bilug, bagkus painu-inuha ngap niyu kanyu tutuu kahamtangan angay sa kay kadaka niyu pagsarig kay ipinakaun Diyus sa kada usa sa kanyu.

1 Kurintu 12:18

Dapat taynguna binugtangan Diyus ti bilug tuhay-tuhay pag kagamitan angay sa kay kagustuhan.

1 Kurintu 13:2

Una pinakan-an yi aku Panginuun hampay makapurupita ag una maalaman niku ti tanan katutuuhanan unman ipinaburayhaw sa tawu, hanggan ti tanan kaalamanan, una abi pinakan-an aku Panginuun buu pagsarig hampay ipakababa niku ti manga bantud, bag-u unman aku may pagmahal, unman diman aku may pulus.

1 Kurintu 14:1

Kasipag kamu sa pagmahal. Dag pabaya-baya duy, hangadun gid niyu ti manga pakaun Ispiritu, dapat lalu ngap hampay kamu pumurupita yi.

1 Kurintu 14:24

Dapat nu kamu tanan-tanan magpurupita bag-u nu may rinmas-ug usa ka tawu unman madunung magpurupita, magpatingi siya sa kanyu binagaw bag-u makakilala siya sa kay sadili may kasalanan, magkaalaman yi niya kay tutuu kahamtangan sa atubangan Diyus.

1 Kurintu 14:29

Bumagaw ti duwa tugka lang sa tulu ka purupita bag-u pagkilalan-un manga iba ngatay tutuu ginan sa Diyus kanda pagsabihun.

1 Kurintu 3:5

Hintay nguna si Apulus, hintay nguna si Pablu? Kami parihu diman suruguun lang Diyus. Dahil sa kanmi tudlu kamu nagsarig sa kan Kiristu. Parihu kami magtupad sa buruwatun kay inintirga Panginuun sa kanmi.

1 Kurintu 7:7

Nakan ngani kang mana gustu, ti tanan tawu parihu sa kangku, dapat sa kada usa ka tawu may kanya-kanya pag pakaun ginan sa Diyus. Ti manga ipinakaun Diyus balaw pararihu.

2 Kurintu 8:12

Dahil nu buluntad naisipan tagipusuun kanyu magpakaun, tanggapun Diyus kanyu nakaya ipinakaun. Balaw siya maghingbut nu imaw lang tugka kanyu kaya ipakaun.

Ipisu 3:5

Inda pag madalum pag katutuuhanan unman ipinaburayhaw sa manga tawu ati katpung kaybi pag udas. Dapat kainda kay ipinakilala yi Ispiritu Banal sa kay manga sakup niya, sa kay manga apustul, hanggan purupita.

Ipisu 4:11

Siya diman ti may ipinakaun sa manga tawu. Kay iba pinakan-an niya katungkulan sa pagka-apustul, ti manga iba sa pagkapurupita, ti iba sa magtudlu Mayad pag Barita, ti iba pinakan-an niya katungkulan hampay mag-alaga sa iglisya, ti iba hampay manugtudlu.

Pilipus 3:15

Katida diman waydi kailangan kita tanan kanta pag-iisip nu marig-un kita sa kanta pagsarig. Nu bay unman kainda kanyu pag-isipun, ipakilala diman waydi Diyus tida sa kanyu.

1 Tisalunika 5:20

Danga pagpadamhakan niyu ti ipinurupita.

2 Pidru 1:20

Lalu waya kailangan alalahanun niyu kuntay ti ipinurupita pag Bagaw Diyus sa Banal Kasuratan dayu mahimu maipaliwanag tawu nu ginan lang sa kay sadili naisipan.