Ruma 12:3 - Hanunuu

³ Angay sa kaayadan kay ipinakaun Diyus sa kangku, pagsabihun niku sa kada usa sa kanyu, danga niyu pagpahalagai subra kanyu sadili bilug, bagkus painu-inuha ngap niyu kanyu tutuu kahamtangan angay sa kay kadaka niyu pagsarig kay ipinakaun Diyus sa kada usa sa kanyu.

Ruma 12:3 Iomraidhean Croise

Kabagawan 25:27

Balaw mayad ti subra magkaun sa daykut, katunda diman ti maghingbut dayawun lang kawu pirmi manga tawu.

Kabagawan 26:12

Mas mayad waya ti patabgan kurang kay intindi pag tawu kaysa tawu mag-isip sa kay sadili madunung siya.

Manugtudlu 7:16

Danga pagbaliwa kanmu sadili subra matadlung ngatay madunung. Nu buwatun nimu inda, pag-ipadamhak lang nimu kanmu sadili.

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Lukas 18:11

Matindugan ti Parisiyu magdarangin sa kay sadili magkun, ‘Diyus, magpasalamat aku sa kanmu, dahil balaw aku ga iba pag tawu, balaw aku magtakaw, balaw aku maradaya, balaw aku marauragin, balaw diman aku ga tunda pag manunukut buhis.

Huwan 3:34

Ti sinugu Diyus imaw tig barita manga bagaw ginan sa Diyus dahil pag-ilubus Diyus kay Ispiritu sa kanya.

Ruma 1:5

Tinanggap nimi ginan sa kanya ti karampatan hampay kami apustul agud ti tanan nasyun butungun nimi sa pagsarig hanggan pagsunud sa kanya. Pagbuwatun nimi inda para sa kanya.

Ruma 11:20

Tutuu gid tunda. Pinlud sida dahil unman sida magsarig sa Diyus. Dapat kawu isinugdung dahil magsarig kawu sa Diyus. Nakan ngani, danga kawu magpalabi-labi, bagkus ngap pag-aman kawu.

Ruma 11:25

Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

Ruma 12:16

Pagkarausa kanyu nalub-anan. Danga kamu magpalabi-labi, bagkus ngap pagpakiusa kamu sa manga makuri kay kahamtangan. Danga pag-isipa niyu kanyu sadili kuntay kamu lang ti madunung.

1 Kurintu 15:10

Dapat dahil sa pangaawa Diyus, aku ngap apustul. Ag balaw inuyang ti ipinakaun niya sa kangku. Aku nagbudlay subra man sa kanda tanan, balaw sa kangku pag kakayahan nu unman sa awa ag awat Diyus.

1 Kurintu 3:10

Aku ti nagpatindug batu paratungtungan tulduk ga usa ka madunung magpatindug balay angay sa ipinakaun Diyus sa kangku. Iba maan tig batak bat-angan. Dapat pagdahan ti kada tawu nu kabitay kay bumuwat.

1 Kurintu 7:17

Pagparargu sa buruwatun ti kada usa angay sa kay ipinakaun Panginuun sa kanya. Pagparargu di siya sa kay kahamtangan una siya binutung yi Diyus. Imaw ti ibinilin niku sa tanan iglisya.

2 Kurintu 10:13

Dapat kami balaw lumakdang sa katugkaan ipinakaun Diyus sa kanmi. Inintirga niya sa kanmi kay buruwatun hanggan ti panudlu nimi sa kanyu.

2 Kurintu 12:13

Sa kabitay lugud pag manga bagay masabi niyu kuntay ipinalabi niku kamu sa manga iba iglisya? Unman gid ngani, nu ud inda lang ti masabi niyu aku unman may hinagad sa kanyu una di. Patawada yi lang niyu nu aku nagkurang tungkul siti!

2 Kurintu 12:7

Dapat hampay balaw niku ipayabang-yabang ti masyadu gid pag manga makadululaw kay ipinakilala Diyus sa kangku, nakan pinakan-an aku usa ka pinagkadugi sa kang bilug, usa ka sugu ni Satanas hampay aku labanan agud unman aku magpalabi-labi.

Galasya 6:3

Nu may magpainu-inu sa kay sadili kuntay siya mahalaga dapat unman diman waydi, dinaya ngap niya kay sadili.

Ipisu 3:2

Siguru naalaman yi niyu kuntay dahil sa mayad pag nalub-anan Diyus ipiniyar niya sa kangku inda pag katungkulan para sa kanyu pag kaayadan.

Ipisu 3:4

Sa kanyu magbasa inda maalaman niyu nu kabitay kang mag-intindi sa madalum pag katutuuhanan ni Kiristu.

Ipisu 4:16

Sa panab-anan niya magkaminsan ti bilug may manga gamit sinugdung-sugdung manga kaluas-luasan. Si Kiristu tigpakaun kabisugan sa kada gamit hampay makatupad sa kay katungkulan bag-u ti buu bilug dumaka ag bumisug sa pagmahal.

Pilipus 2:13

Dahil Diyus ti magbuwat sa kanyu kagustuhan hanggan kakayahan hampay makatupad kamu sa kagustuhan niya.

Kulusas 1:29

Nakan purus yi gid aku sa kang magpakibudlay angay sa daka gid pag kamaskihan kay pakaun ni Kiristu sa kangku.

Kulusas 2:13

Kamu pag manga balaw Hudiyu, daan ga tigbak kamu sa kanyu tagipusuun dahil sa kanyu kasalanan ag dahil kamu balaw sakup sa Kasuguan, dapat binuhi uman kamu Diyus kaibahan ni Kiristu. Pinatawad yi kita sa kanta tanan pag manga kasalanan.

1 Timutiyu 1:14

Ungud mayad kay nabubut-un nita Panginuun sa kangku, nakan may natanggap di gid aku ginan sa kanya pagsarig hanggan pagmahal, kay ngani pag-ipakaun sa kanta dahil sa kanta pakiusa sa kan Kiristu Hisus.

1 Timutiyu 2:15

Dapat ingatan di Panginuun ti manga babayi sa kanda katpung magpanganak, nu magpakumbaba sida kay ugali sa pagsarig, sa pagmahal ag sa lubus magpasakup sa Panginuun.

1 Timutiyu 2:9

Katunda diman kang gustu ti manga babayi danga magsulung mayamu kalasi pag parinu, danga may padayaw-dayaw, danga masyadu malus-ay ti buhuk, danga magbisti mayamu bulawan masinglaw.

Titu 2:12

Inda pag pangaawa ti magbutung sa kanta hampay tayakan ti daut pag ugali hanggan ti irisipun makasadili angay sa ugali kalibutan. Bag-u makaugali kita mahusay, matadlung ag angay sa kagustuhan Diyus sitay sa kalibutan.

Titu 2:2

Pagkumun kawu sa manga gurangun pag lalaki, pagmapinigilun sida, pagmahusay, pagmaalumanay kanda manga pag-iisip. Pag-ugali sida sa maayus angay sa kanda pagsarig, pag mapagmahal sida, pagmatiniisun.

Titu 2:4

Kailangan kanda tudluan ti manga babayi udwaya may idad dugay hampay sida magmahal sa kanda asawa hanggan sa kanda manga anak.

Titu 2:6

Paanyui waydi nimu ti manga lalaki udwaya may idad dugay. Pagmapinigilun sida sa kanda sadili.

Santiyagu 4:6

Dapat masyadu diman marig-un kay awat Diyus sa kanta. Dahil magkun ti Banal Kasuratan, “Ti Diyus lumaban sa manga mayabang, dapat mag-awat sa manga mapinakumbabaun.”

1 Pidru 1:13

Nakan ngani ialistu niyu kanyu naisipan. Pagmapinigilun kamu. Ilubus niyu kanyu pagsarig sa kay itinaratu Diyus pag kaayadan kanyu patabgan nu makitan yi aban si Hisu-Kiristu.

1 Pidru 4:11

Nu kawu magpaliwanag, pagginan sa Diyus kam paliwanag. Nu kawu manugsirbi waydi, gamitun nimu ti kabisugan ipinakaun Diyus sa kanmu magsirbi, hampay sa tanan bagay dayawun ti Diyus dahil sa kan Hisu-Kiristu. Sa kanya ti kadayawan hanggan kamaskihan hanggan di aban. Amin.

1 Pidru 4:7

Arani yi ti katapusan tanan manga bagay, nakan pag-isip kaayad nu hintay ti dapat niyu buwatun hampay mayad kanyu magdarangin.

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”

1 Pidru 5:8

Pagmapininsarun kamu, pag-aman. Si Satanas ngani kanyu kalaban parihu sa liyun kay mag-ungal, magpalibut-libut maghanap kay siribaun.

3 Huwan 1:9

Nagsurat yi waydi aku sa iglisya dapat unman aku pinatingihan ni Diyutripis dahil kay gustu siya yi ti kilalan-a niyu pag magpangulu.