Ruma 12:2 - Hanunuu

² Danga kamu magpaangay sa inda pag palakaw manga taga kalibutan. Danga magpaparihu kamu, pag bag-u yi kanyu naisipan agud maalaman niyu nu hintay ti kagustuhan Diyus, nu hintay ti mayad ag ti ikabaya niya ag udyi may kakurangan.

Ruma 12:2 Iomraidhean Croise

Isra 10:11

Nakan ngani kainda, iampu yi niyu kanyu manga kasalanan sa Panginuun, ti Diyus niyu manga ginurang, sunda niyu kay kagustuhan. Ipablag niyu kanyu sadili sa manga tawu sa kanyu palibut, tayaki niyu kanyu manga asawa balaw Israilita.”

Kanta 119:103

Bilang ga hintay yi kay katagsing kanmu manga bagaw, mas matagsing waya inda kaysa daykut.

Kanta 119:128

ag dahil pagsundun niku ti tanan nimu surundanun, pagkadat-an niku ti tanan daut pag buwat.

Kanta 119:174

Panginuun, mag-isip aku iribri nimu aku. Kanmu kasuguan magpakaun sa kangku kasulungan.

Kanta 119:72

Para sa kangku, ti kasuguan kanmu ipinakaun mas mahalaga waya sa mayamu gid pag kayamanan.

Kanta 119:97

Pagmahalun gid niku kanmu kasuguan. Pag-isip-isipun gid niku inda pirmi.

Kanta 34:8

Subuki niyu ag alama nu kabitay kay kamayad ti Panginuun. Mapalad gid ti tawu magdangup sa kanya.

Kanta 51:10

Diyus, buwata malumpiyu kang tagipusuun, ag ayawi maan aku may matutum pag ispiritu.

Pag-ighit 23:2

“Danga kamu magpausa sa kayamuan sa magbuwat kadautan. Nu mangastigus kamu sa usa ka kasu danga pag likua ti katadlungan hampay lang masunud ti pagsabihun kayamuan.

Isikil 18:31

Nasakupan Israil, hayga gustu niyu mamatay? Apasi yi niyu ti pagbuwat daut ag bag-uha yi niyu kanyu buhi.

Isikil 36:26

Pakan-an niku kamu bag-u pag tagipusuun hanggan ispiritu. Kanyu maganit tagipusuun bumaliw masurundun pag tagipusuun.

Matiyu 13:22

Tunda waydi pag nipamgas sa madugihan ipinahalimbawa sa tawu magpatingi sa Bagaw Diyus dapat makasadili siya sa manga bagay sa babaw daga, mairibgun yi siya sa manga kayamanan, nakan ti Bagaw Diyus udyi may rugar sa kay tagipusuun, udyi binmurak.

Markus 4:19

Dapat pagka dugay naabala sida sa manga bagay sa babaw daga. Mairibgun yi sida sa kayamanan, maghingbut waya sa iba manga bagay. Nakan ti Bagaw Diyus udyi may rugar sa kanda tagipusuun, udyi binmurak.

Huwan 14:30

Udyi aku may rugar hampay maghampang waya sa kanyu dugay, dahil sab arani yi ti pangulu kalibutan. Unman may mabuwat siya sa kangku nu unman pahintulutan Ama.

Huwan 15:19

Nu abi kamu manga taga kalibutan, pagmahalun mana kamu manga taga kalibutan dahil minsan kamu sa kanda. Dapat ay kamu kang yi pinili ipinablag ginan sa kalibutan, nakan kamu pagkagalitan manga taga kalibutan dahil udyi kamu minsan sa kanda.

Huwan 17:14

Ipinakaun niku sa kanda kanmu ngani bagaw bag-u kinagalitan sida manga taga kalibutan dahil sida unman minsan sa manga taga kalibutan parihu sa kangku balaw minsan sa taga kalibutan.

Huwan 7:7

Ti manga tawu taga kalibutan unman may pag-ikadaut sa kanyu. Dapat aku kanda pagkadat-an, dahil pirmi pag-ipaburayhaw niku kanda manga buwat daut.

Ruma 12:1

Nakan ngani manga patar-ari, alang-alang sa kay daka pangaawa Diyus sa kanta, inda kang paanyu gid mana sa kanyu, ipakaun niyu buhi waya kanyu sadili bilug sa Diyus hampay sakup sa kanya, imaw pag pakaun kay pagbayaun niya. Inda ti tutuu niyu pagsamba sa Diyus.

Ruma 13:14

Ipasakup niyu kanyu sadili sa Panginuun Hisu-Kiristu hampay siya ti humari sa kanyu buhi ag danga pakan-an rugar ti sadili naisipan hampay dayu pasibut-an lang ti sadili kagustuhan.

Ruma 7:12

Ti Kasuguan banal ag ti kada bilin banal, matadlung ag mayad.

Ruma 7:14

Alam yi nita, ti Kasuguan kay turunu tawu tagipusuun dapat ay aku nu sa kang lang sadili pagkatawu malumuy ag panawuhun kasalanan.

Ruma 7:22

Sa basadan niku tagipusuun pagbayaun gid niku kay manga bilin Diyus.

1 Kurintu 3:19

Dahil ti kadunungan kalibutan bukun ngap kadunungan nu sa Diyus. Dahil nisurat sa Banal Kasuratan magkun, “Pagpasalanun Diyus ti manga madunung sa kanda sadili pagdaya.”

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

2 Kurintu 5:17

Nakan ngani una si unu ti magpakiusa sa kan Kiristu, siya bag-u yi linalang. Udyi ti daan pagkatawu. Siya bag-u yi gid pag tawu.

Galasya 1:4

Angay sa kagustuhan nita Diyus Ama ipinakaun ni Hisu-Kiristu kay buhi dahil sa kanta manga kasalanan hampay kay bawiun kita ginan sa inda pag kalibutan hinarian kadautan.

Ipisu 1:18

Kang pag-idarangin kamu hampay marayawan kanyu naisipan hampay maalaman niyu kanta pag-asahan dahil sa kay pagbutung niya sa kanta. Kay ihinanda niya ti daka gid pag kaayadan sa tanan manga binanal,

Ipisu 2:2

Ati katpung nagsunud kamu sa daut pag palakaw kalibutan inda, napasirung kamu sa hari kadautan, sa kan Satanas, imaw tig hari sa manga tawu maglabag sa Diyus.

Ipisu 5:17

Pagmabut-anin kamu. Intindiha niyu nu hintay ti kagustuhan Panginuun.

Kulusas 1:9

Nakan ngani pagka naalaman nimi inda, pirmi nimi pag-idarangin kamu sa Diyus hampay ilubus niya sa kanyu ti kang-ud pag kadunungan kay pakaun Ispiritu, hampay lalu niyu maintindihan kay kagustuhan Diyus.

Kulusas 3:10

Isinlung yi niyu ti bag-u pagkatawu, kay linalang Diyus ag kay diman pagbag-uhun Diyus hampay amat-amat kamu lalu ga kay histuda niya ag hampay kang-ud udyi may kurang kanyu pagkilala sa kanya.

Kulusas 4:12

Pagkamustahun diman kamu ni Ipapras kasimanwa diman niyu, panawuhun diman ni Kiristu Hisus. Pirmi siya magpangungud sa darangin hampay kamu parig-unun Diyus, unman may ikasabi ag lubus masurundun sa kagustuhan Diyus.

1 Tisalunika 4:3

Inda yi ngani ti kagustuhan Diyus, paglubus yi kamu pasakup sa Diyus ag pagpakarayu kamu sa kahalayan.

Titu 3:5

Nakan irinibri niya kita, balaw dahil sa kanta sadili buwat mayad nu unman angay lang sa kay pangaawa. Irinibri niya kita, linumpiyu kita sa danum sa katpung kita inanak inuman ag binag-u kita Ispiritu Banal.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.

Santiyagu 4:4

Unman duy kamu makatiwalaan. Unman aw waya niyu alam nu kanyu pagmahalun ti ugali kalibutan, kamu kalaban yi ngap Diyus. Nakan una hintay ti may gustu magmahal sa ugali kalibutan, kalaban yi ngap siya Diyus.

1 Pidru 1:14

Kamu pagga manga anak masurundun. Danga pagsunda ti manga daut pag kagustuhan ga kanyu kaybi binwat pagka kamu udwaya may intindi sa katutuuhanan.

1 Pidru 1:18

Dahil naalaman niyu nu hintay ti ilinukat sa kanyu ginan sa unman may kabuluhan pag ugali kanyu minana ginan sa kanyu ginurang. Ti ilinukat sa kanyu balaw manga bagay magkadaut, parihu sa manga pilak, manga gintu.

1 Pidru 2:3

Dahil angay sa kay sinabi sa Banal Kasuratan magkun, “Nasamitan yi niyu kay pangaawa Panginuun.”

1 Pidru 4:2

Yabi sirang kay yi pag-intindihun ti kagustuhan Diyus sa kay buhi sitay sa babaw daga, balaw yi pag-intindihun niya kay sadili pag kagustuhan.

2 Pidru 1:4

Sa katida pag paraan masyadu gid mahalaga kay manga itinaratu sa kanta hampay makaiwas kamu sa kadautan ginan sa kutub kahalayan sitay sa kalibutan, ag hampay hurayan kamu kay pagka-Diyus.

2 Pidru 2:20

Nakaiwas yi sa kadautan kalibutan ti manga tawu nakakilala sa kan Hisu-Kiristu sa kanda Panginuun Manugribri. Dapat ay nu maraibgun maan sida sa daan pag ugali daut bag-u nu rargu napatalu, lalu man makuri kanda kahamtangan balaw lang ga sa kabag-u.

1 Huwan 3:13

Danga kamu madulaw, manga patar-ari, nu kamu pagkagalitan manga taga kalibutan.

1 Huwan 5:19

Magkaalaman nita kita nianak Diyus, dapat ti bilug kalibutan sakup di kapangyarihan ni Satanas.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 13:8

Sumamba sa kanya ti tanan tawu magkabuhi sa babaw daga, purya lang ti manga tawu kay ngaran nisurat yi sa ribru kabuhian ginan waya sa pagkalalang kalibutan. Tunda pag ribru kay apu ti Anak Karanidu imaw ti minatay.