Ruma 12:16 - Hanunuu

¹⁶ Pagkarausa kanyu nalub-anan. Danga kamu magpalabi-labi, bagkus ngap pagpakiusa kamu sa manga makuri kay kahamtangan. Danga pag-isipa niyu kanyu sadili kuntay kamu lang ti madunung.

Ruma 12:16 Iomraidhean Croise

2 Krunika 30:12

Nagpasandam diman ti Panginuun sa manga taga Huda hampay magkausa sida sa pagtupad sa sugu hari ag manga may kangaranan, angay sa sugu Panginuun.

Hub 36:5

“Makamaskihan gid ti Diyus, dapat unman siya may pagpuyaan. Magkaalaman gid niya ti tanan pag manga bagay.

Kabagawan 17:5

Ti magpuya sa manga pugri magpahimudil sa Diyus naglalang sa kanda. Parusahan ti tawu magbaya sa daut nangyari sa iba.

Kabagawan 19:17

Nu mag-awat kawu sa pugri, parihu lang sa nagpaudam kawu sa Panginuun, dahil Panginuun ti bumayad sa kanmu.

Kabagawan 19:22

Ti pagkaibgan nita sa tawu, makatiwalaan. Mas mayad waya ti pugri pag tawu kaysa pudilun.

Kabagawan 19:7

Nu pugri kawu, unman kawu pagpansinun nimu katawuhan, lalu waya gid hanggan kanmu manga kakilala. Nu pagkailanganun nimu sida, unman nimu makitan sida.

Kabagawan 26:12

Mas mayad waya ti patabgan kurang kay intindi pag tawu kaysa tawu mag-isip sa kay sadili madunung siya.

Kabagawan 26:5

Dapat nu kas-a mayad diman nu sagutun nimu siya, hampay maalaman niya balaw maaw siya madunung parihu sa kay pag-isipun.

Kabagawan 3:7

Danga nimu isipun madunung yi gid kawu nu unman paggalang kawu sa Panginuun, ag danga kawu magbuwat daut.

Isayas 5:21

Kaawaawa kamu, kamu pag manga mag-isip madunung ag matinudukun.

Hirimyas 32:39

Pakan-an niku sida pagkarausa hampay sambahun nida aku hanggan aban, para sa kanda sadili ikaayad ag sa kaayadan diman nida manga linahi.

Hirimyas 45:5

Danga yi kawu maghingbut waya manga may kadayawan pag bagay. Dahil paras-ugun niku ti kadamhakan sa tanan tawu, dapat kawu iribri di niku una naan kawu pag umatag. Aku, ti Panginuun, ti magbagaw inda.’ ”

Matiyu 11:5

Maghiling yi ti manga buta, maglakaw yi maan ti manga pilay, naayadan ti may manga dilikadu pag sakit sa lukub, magdungug yi ti manga bungul, nabuhi maan ti manga namatay. Pag-itudlu sa manga pugri ti Mayad pag Barita.

Matiyu 26:11

Pirmi di sa kanyu ti manga pugri, dapat aku aban udyi dugay kaibahan niyu.

Lukas 14:13

Dapat nu maghanda kawu karan-an, ban-awun nimu ti manga pugri, ti manga may pungkul, ti manga pilay hanggan ti manga buta.

Lukas 6:20

Nagbantay si Hisus sa kay manga tuludluan, bag-u sinabi niya magkun, “Papaladan Diyus kamu pag manga pugri, dahil kamu pagharian Diyus.

Binwat 4:32

Nagkabilug ti manga nagsarig sa Panginuun nagkausa sida sa tagipusuun hanggan sa naisipan. Unman sida nag-araminan kanda kasiyunan, kanda ngap inusa tanan.

Ruma 11:20

Tutuu gid tunda. Pinlud sida dahil unman sida magsarig sa Diyus. Dapat kawu isinugdung dahil magsarig kawu sa Diyus. Nakan ngani, danga kawu magpalabi-labi, bagkus ngap pag-aman kawu.

Ruma 11:25

Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

Ruma 12:3

Angay sa kaayadan kay ipinakaun Diyus sa kangku, pagsabihun niku sa kada usa sa kanyu, danga niyu pagpahalagai subra kanyu sadili bilug, bagkus painu-inuha ngap niyu kanyu tutuu kahamtangan angay sa kay kadaka niyu pagsarig kay ipinakaun Diyus sa kada usa sa kanyu.

Ruma 15:5

Pagsa kanyu ti Diyus, imaw ti nagpakaun sa kanyu matiniisun hanggan marig-un pag naisipan hampay kay awatan kamu sa kanyu pagkarausa angay sa kay mustara ni Kiristu,

Ruma 6:2

Unman duy. Kita tigbak yi gid sa kasalanan, nakan ngani udyi kailangan kita mag-ugali magkasala.

1 Kurintu 1:10

Taynguna kang pagsabihun sa kanyu, manga patar-ari, dahil sa karampatan nita Panginuun Hisu-Kiristu, kailangan kamu pag-arangayan. Una sa kanyu bagaw danga kamu magtalaluhan. Pagkarausa kanyu naisipan hanggan kanyu turunu.

1 Kurintu 3:18

Una hintay pag tawu danga magdaya sa kay sadili. Una sitapu sa kanyu tig-isip siya may kadunungan sitay sa kalibutan, pagkilala siya bukun ngap tutuu pag kadunungan tunda, hampay siya ngap dumunung.

1 Kurintu 4:10

Alang-alang sa kan Kiristu kami bilang ga unman may kadunungan, dapat kamu madunung di ngap maaw tungkul sa kan Kiristu. Kami bilang ga manga malumuy, kamu bay manga mabisug. Kamu pagdayawun manga tawu, kami bay pagpuyaan ngap manga tawu.

1 Kurintu 6:5

Nakan pagsabihun niku inda hampay pakay-ahun kamu. Hayga lugud katunda kamu. Pihu gid may madunung sa kanyu maghusay sa kay manga patar-ari.

1 Kurintu 8:2

Tighantup sa kay sadili siya madunung, udwaya nataw-an niya ti dapat niya maalaman.

2 Kurintu 13:11

Sitay lang tugka duy manga patar-ari kang surat sa kanyu. Aku magpaalam yi sa kanyu. Pagmaalwasi gid kamu hampay kang-ud yi kamu sa atubangan Panginuun. Pagpaniwala kamu sa kang manga paanyu. Pagkarausa yi kamu. Pagmahusay yi kanyu manga ugali. Nu katunda kamu, sa kanyu yi gid ti Diyus, ti gimpuunan pagmahal hanggan kahusayan.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Pilipus 3:16

Pagparargu yi lang kita parihu ga kanta diman ugali.

Pilipus 4:2

Kang pagsabihan sida ni Iudyas ni Sintiki, pagkarausa kanda naisipan dahil sa kanda magpakiusa sa Panginuun.

Hibriyu 13:5

Danga kamu mag-ugali maraibgun sa kuwarta. Pagmasulung yi lang kanyu naisipan sa kanyu kahamtangan. Dahil Diyus diman ti may sabi magkun, “Una sa hintay ngarana balaw pakurangan niku kawu, una sa hintay ngarana unman gid pabay-anan niku kawu.”

1 Pidru 3:8

Inda waya kang sabi sa kanyu tanan, pag may pagkarausa kamu, pagparasunaidan kamu, pagmalahalan kamu sa usa kag sa usa kamu manga magtar-arian. Pagmatugway kamu pagmapinakumbabaun kanyu naisipan.

1 Pidru 5:3

Danga waydi kamu ga usa ka amu niyu manga nasakupan. Lalu ngap kailangan kamu ti mayad pag mustara sa manada niyu.

3 Huwan 1:9

Nagsurat yi waydi aku sa iglisya dapat unman aku pinatingihan ni Diyutripis dahil kay gustu siya yi ti kilalan-a niyu pag magpangulu.