Ruma 12:13 - Hanunuu

¹³ Awati niyu ti manga pangailangan niyu manga patar-ari. Pagpirmi kamu alistu magtanggap sa manga dayuhan sa kanyu balay.

Ruma 12:13 Iomraidhean Croise

2 Samwil 17:29

may daykut, may manga lana ulibu, manga kisu hanggan karanidu. Ipinakaun nida tunda sa kan Dabid hanggan sa kay manga tawuhan dahil alam nida magkalun-us ag magkagasa, bag-u magkauwaw gid sida sa kanda maglakaw sa pangawakawaan.

2 Hari 4:10

Buwatan nita siya diit pag sulud-sulud sa may babaw atup, bag-u paulian nita inda laming, lamisa, tukawan, hanggan sulul-an, hampay nu mag-ataytag siya sa kanta may maulian siya.”

Kanta 41:1

Mapalad ti tawu magpasunaid sa manga pugri. Awatan siya Panginuun sa udas kakurian.

Kabagawan 31:20

Maraawat siya sa manga pugri hanggan sa manga magpangailangan.

Matiyu 25:35

Dahil pagka linun-us aku, kanyu pinakan-an aku karan-unun. Pagka inuwaw aku, kanyu pinainman. Pagka aku usa ka taga iba daga, pinadayun niyu aku sa kanyu balay.

Binwat 10:4

Kinulbaan kay tinmurun sa anghil bag-u sinabi niya, “Hintay duy asan?” Nagsagut ti anghil magkun, “Pagbayaun Diyus kanmu manga darangin hanggan kanmu awat sa manga makuri. Nakan pirmi kawu kay pag-alalahanun.

Binwat 4:35

Bag-u kay kabilyanan pag-ipaintirga nida sa manga apustul. Bag-u pag-ihuray maan manga apustul sa kada usa angay sa kay pangailangan.

Ruma 12:8

Pagparig-un sa manga patar-ari ti pinakan-an para manugparig-un. Nu mag-ambag, danga may kabuyatan. Nu kawu magpinunu, ilubus nimu kanmu pagkapipunu. Nu mag-awat sa tawu may kakurian, pagmasulung kam naisipan sa kanmu mag-awat.

1 Kurintu 16:15

Manga patar-ari, alam niyu ti magtal-anakan ni Istipanas imaw ti un-an nakatanggap sa Panginuun sa Akaya pag daga, ag lubus magsirbi sida sa manga iglisya. Magbilin mana aku sa kanyu,

2 Kurintu 9:1

Udyi kailangan aku sumurat waya sa kanyu tungkul sa pag-awat sa manga patar-ari sa iglisya.

2 Kurintu 9:12

Kanyu awat inda sa manga patar-ari balaw lang sa kuntay kang-ud sa kanda pangailangan nu unman siyun ngap ginan udyi umapas kanda magpasalamat sa Diyus.

Galasya 6:10

Nakan ngani danga nita ipalawuy nu may rugar hampay magbuwat mayad sa kanta kaparihu, lalu gid sa manga kaparihu nita magsarig sa kan Kiristu.

1 Timutiyu 3:2

Ti manug-asiwa sa iglisya kailangan unman may masabi sa kanya, usa lang kay asawa, madahan, madunung waydi magtiis sa kay sadili, maginalangun, marapasaka sa bag-u ras-ug ag mayad siya magtudlu.

1 Timutiyu 5:10

kailangan pagpatutuuhanan manga iba kuntay mayad kay buwat, mayad kay nagpadaka sa kay manga anak, mahusay kay nagtanggap sa manga nagsabang sa kay balay. Nagsirbi diman siya sa manga patar-ari sa Panginuun, nangawat sa manga may kakurian, ihinanda niya kay sadili sa tanan mayad pag buwat.

Titu 1:8

ag balaw waydi mag-irang kay balay. Kailangan siya maraibgun sa mayad, mapinigilun sa kay sadili, matinupadun sa kay kaparihu tawu, masurundun sa Diyus, mapinasunaidun sa kay sadili.

Titu 3:14

Tudlui gid nimu kanta manga kaibahan asan hampay gamitun nida ti kada udas sa tarabahu ikabuhi nida ag hampay makaawat diman sida sa manga may kakurangan.

Pilimun 1:7

Patar-ari, lubus aku nagbaya ag nagmasulung maan kang naisipan, pagka naalaman niku kuntay dinmasig maan ti naisipan manga nasakupan Diyus dahil sa kanmu pagmahal.

Hibriyu 13:16

Danga nita pagkalimti ti pagbuwat mayad hanggan ti pag-awat sa iba, dahil inda pag handug ti pagbayaun Diyus.

Hibriyu 13:2

Danga duy pag-irangi niyu kanyu manga balay sa manga tawu taga iba daga. Tanggapun di niyu, imaw diman ti binwat manga iba. May tinanggap sida manga tawu sa kanda balay unman nida alam kuntay manga anghil maaw.

Hibriyu 6:10

Dahil ti Diyus matadlung ag unman pagkalimtan niya kanyu kasipagan hanggan kanyu pagmahal sa kay ngaran. Makitan yi waydi kanyu pagmahal sa Diyus dahil sa kanyu magsirbi sa manga magsarig sa kanya una kaybi ginan hanggan taynguna tugka.

1 Pidru 4:9

Tanggapa di niyu ti manga patar-ari sa kanyu balay, danga sa barungbadu.

1 Huwan 3:17

Ti tawu nu may kasiyunan sitay sa babaw daga, ag nu makitan niya kay patar-ari may kailangan bag-u nu unman siya naawa nag-awat sa kay patar-ari, kabitay pag masabi siya magmahal sa Diyus?

3 Huwan 1:5

Mahal niku pag kakilala, matinupadun gid kawu sa tanan nimu magsirbi sa manga patar-ari una unman magkakilala nimu sida.