Ruma 12:11 - Hanunuu

¹¹ Pagpakasipag kamu, pagsa karayawan Ispiritu Banal kanyu pagsirbi sa Panginuun.

Ruma 12:11 Iomraidhean Croise

Pag-ighit 5:17

Magkun ti hari Ihiptu, “Bugyahin kamu! Imaw kay dahilan nu hayga magpakihampang kamu paighitun niku hampay makahandug sa kanyu Panginuun.

Kabagawan 10:26

Nu kabitay ti langgaw makapaidlis sa ngipun ag ti anus makaluwa sa mata, ti bugyahin pag tawu makapaarimputu sa magsugu sa kanya.

Kabagawan 13:4

Nu bugyahin ti usa ka tawu, una waya unu kay paghingabtun, unman gid niya inda mab-ul, dapat nu masipag siya, matanggap niya ti subra waya sa kay paghingabtun.

Kabagawan 18:9

Ti bugyahin pag tawu parihu sa tawu marapuya.

Kabagawan 22:29

Ti tawu mayad magtarabahu sumirbi sa hari ag balaw sa kay kaparihu lang tawu.

Kabagawan 31:15

Surip waya gid siya mag-ipulaw hampay man-alistu karan-unun para sa kay magtal-anakan, ag hampay sabihan kay manga suruguun babayi nu hintay kanda buwatun.

Manugtudlu 9:10

Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.

Isayas 56:10

Dahil ti manga takinan Israil manga manugbantay mana sa inda pag nasyun nagbaliw ngap ga manga buta ag unman may alam. Ga manga idu sida magbantay ud magsubang. Kanda gustu pahuway, maturug, ag managin-up.

Matiyu 24:12

Yumamu gid aban ti kadautan nakan ti kayamuan tawu manramig kay pagmahal.

Matiyu 25:26

Magkun kay amu, ‘Daut, bugyahin waya kawu pag panawuhun. Alam diman maaw nimu aku maggarab una balaw kang binudlayan ag una aku unman nagpamgas, paghanapun niku kay ani.

Binwat 18:25

Natudluan siya mayad-mayad tungkul sa ugali buhi kay itinudlu Panginuun. Masipag gid siya manudlu. Tama diman gid kay pag-itudlu tungkul sa kan Hisus. Dapat ay ti magkaalaman lang niya pag tulbaw imaw ti kan Huwan itinudlu.

Binwat 20:19

Lubus yi gid sa pakumbaba aku nagtupad sa buruwatun Panginuun, nanlumi aku sa kang tagipusuun, nag-agwanta sa aduk pagsubuk, dahil pirmi paggayakun aku matyun manga Hudiyu.

1 Kurintu 7:22

Una panawuhun siya, nu napasakup siya sa Panginuun ribri yi gid siya hampay magsirbi sa Panginuun. Katunda diman, una ti tawu unman may amu, nu pumasakup siya sa kan Kiristu, panawuhun ngap ni Kiristu siya.

Ipisu 4:28

Ti mananakaw danga yi magpakatakaw. Bagkus ngap pagpakasipag yi siya sa tarabahu, gamitun kay kamang sa una hintay pag buruwatun mayad hampay may miawat siya sa manga tawu may pangailangan.

Kulusas 4:1

Kamu pag manga amu, pagkaayad-ayad waydi sa kanyu manga panawuhun, danga pag-apiapiha. Alalahana waydi niyu, kamu hanggan may amu sa langit.

1 Timutiyu 5:13

Maanad sida sa bugyahin, magkahilig yi gid sa magpanungbalay. Ti usa waya ka alangan sa kanda pagka dugay sida mapinasilabutun ag ragayrayan waya paman.

Hibriyu 12:28

Nakan pagpasalamat gid kita dahil dayu gid matandug ti kaharian kanta tinanggap sa Diyus. Pagsamba kita sa Diyus, pagdahan kita paggalang hampay pagbayaun niya kita.

Santiyagu 5:16

Nakan ngani isabi niyu kanyu manga kasalanan sa usa kag sa usa, bag-u pagdararanginan kamu sa usa kag sa usa agud kamu paayadun. Daka kay magkabuwat ti darangin tawu matadlung.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

1 Pidru 4:8

Un-an sa tanan kailangan pagmalahalan gid ungud kamu, dahil nu may pagmahal mapatawad di ti mayamu pag kasalanan.

Ipinakakit 2:4

Dapat aku may pagsabihun inda laban sa kanmu: nanramig yi duy kawu sa kangku. Kanmu pagmahal udyi ga sa kabag-u.