Ruma 11:4 - Hanunuu

⁴ Dapat hintay kay sagut Diyus sa kanya? Magkun ti Diyus, “May sinawadan waya aku pitu ka libu lalaki unman sinamba nida si Baal pag diyus-diyusan.”

Ruma 11:4 Iomraidhean Croise

1 Hari 16:31

Kurang waya sa kanya ti pagsunud sa manga kasalanan binuwat ni Hirubuam, bin-ul waya niya ag inasawa si Hisibil kay anak ni Hari Itbaal taga Sidun. Tunda ginan, nagsirbi siya ag nagsamba sa diyus-diyusan Baal.

1 Hari 19:10

Sinmagut si Ilyas, “Panginuun, Diyus Makamaskihan, matinupadun duy aku magsirbi sa kanmu. Dapat dinayu manga Israilita ti kasunduan nida sa kanmu, winayak nida kanmu manga harandugan ag pinanmatay kanmu manga purupita. Aku wadi duy ti nasawad, ag paghingabtun diman nida aku matyun.”

1 Hari 19:18

Dapat iribri niku ti 7,000 Israilita balaw linmuhud ag nan-aruk sa tinawu-tawu Baal.”

Isayas 4:3

Ingarnan banal ti manga nasawad buhi sa Siun, ti nailista sa banwa Hirusalim.

Hirimyas 19:5

Nagpatindug sida manga simbahan para sa kan Baal, ati nida pagsunugun kanda manga anak bilang handug sa kanya. Balaw gid inda pag-isugu niku sa kanda; balaw diman inda sinmulud sa kang isip.

Husyas 13:1

“Kaybi sa kabag-u, nu magbagaw yi ti lahi ni Ipraim pagtakigan sa kadalaan ti iba ka linahi Israil, ag paggalangun nida siya. Dapat nagkasala kay manga nasakupan dahil sa kanda pagsamba sa kan Baal. Nakan ngani nagkaramatay sida.

Husyas 2:8

“Balaw niya pag-isipun aku ti nagpakaun sa kanya manga ani, irinmun ubas, lana ulibu, hanggan mayamu pag pilak ag gintu binwat nida larawan ni Baal.

Sipanyas 1:4

“Parusahan niku ti manga nasakupan Huda, hanggan ti tanan nasakupan Hirusalim. Papasun niku ti manga nasawad pag manugsamba sa Baal pag diyus-diyusan, hanggan yi ti manga magsirbi pag manga manughandug siyun, hampay rargu yi sida malimtan.

Bilang 25:3

Nakan ti manga Israilita nadara nansamba sa kan Baal Piyur. Nakan masyadu gid nagalit ti Panginuun sa kanda.

Diyuturunumiyu 4:3

Nakitan niyu ti binwat Panginuun sa Baal Piyur. Minatay Panginuun niyu Diyus ti manga kaparihu niyu Israilita nagsamba sa kan Baal.

Talaghusay 2:13

dahil binugyahan nida siya ag nagsirbi sa kan Baal ag kan Astarut.