Ruma 11:26 - Hanunuu

²⁶ Nu katunda, miribri di aban ti usa ka nasyun Israil, angay sa isinurat sa Banal Kasuratan magkun, “Aban ginan sa Siun ti Manugribri, duraun niya ti tanan kadautan linahi ni Hakub.

Ruma 11:26 Iomraidhean Croise

Kanta 106:47

Ribrihan kami, Panginuun nimi Diyus, ag tipuna maan kami sa kanmi daga ginan sa manga nasyun, hampay makapasalamat kami ag makadayaw sa kanmu banal pag ngaran.

Kanta 14:7

Mana rumas-ug yi ti manugribri sa Israil ginan sa Siun. Manhuyaw sa kabayaan ti manga Israilita, ti nasakupan Panginuun, nu ibalik yi niya kanda mayad pag kahamtangan.

Isayas 45:17

Dapat ti Israil iribri di nimu, Panginuun, kanda karibrihan unman may katapusan. Balaw yi gid sida mangay-a una kapira.

Isayas 59:20

Magkun ti Panginuun, “Rumas-ug sa Siun ti rumibri sa kanyu manga linahi ni Hakub, ag iribri niya ti manga mag-ampu kanda manga kasalanan.

Hirimyas 31:1

Magkun waya ti Panginuun, “Sa ati pag sirang, aku bumaliw Diyus buu Israil ag bumaliw pinili niku sida.

Isikil 39:25

Magkun waya gid ti Panginuun Diyus, “Dapat taynguna, kaawaan niku ti nasakupan Israil, ti manga linahi ni Hakub, bag-u ibalik niku kanda mayad pag kahamtangan, hampay maparangalan kang banal pag ngaran.

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Huwil 2:32

Dapat una si unu ti manhagad awat sa Panginuun maribri di sa sintinsiya aban. Dahil angay sa binagaw Panginuun, may masawad di manga Israilita sa Bantud Siun, imaw ti Hirusalim. Sida ti manga pinili Panginuun hampay maribri.

Matiyu 1:21

Siya manganak anak lalaki aban. Kay ngaran kanmu ipaingaran si Hisus. Dahil iribri niya kay nasyun sa kanda manga kasalanan.”

Binwat 3:26

Nakan pinili Diyus kay Suruguun si Hisus bag-u un-an sinugu siya tabug ngap sa kanyu hampay papaladan kamu ag hampay awatan kamu pumatlikud sa kanyu daut ugali.”

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.