Ruma 11:25 - Hanunuu

²⁵ Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

Ruma 11:25 Iomraidhean Croise

Kanta 107:43

Ti manga matinudukun kailangan gid magdahan sa inda pag manga bagay; kailangan alalahanun nida ti daka pag pagmahal Panginuun.

Kanta 127:1

Nu unman ti awat Panginuun, unman may kabuluhan ti pagpatindug balay ngatay ti pagbantay sa daka pag banwa,

Kanta 22:27

Ti buu kalibutan makaalala ag bumalik sa kanmu, Panginuun. Sambahun kawu tanan nasakupan tawu sa manga nasyun.

Kanta 72:17

Mana balaw malimtan ti ngaran hari tugka aban, habang may init waya. Mana sa panab-anan niya, papaladan ti tanan nasyun, ag ti manga nasyun sumabi sa kanya mapalad.

Kabagawan 26:12

Mas mayad waya ti patabgan kurang kay intindi pag tawu kaysa tawu mag-isip sa kay sadili madunung siya.

Kabagawan 26:16

Mag-isip ti bugyahin pag tawu mas madunung waya siya kaysa pitu ka tawu makapakaun hustu pag katuwiran.

Isayas 5:21

Kaawaawa kamu, kamu pag manga mag-isip madunung ag matinudukun.

Husyas 14:9

Mana masalman ag maintindihan may pan-intindi ti manga nakasurat sitay. Kang-ud gid ti palakaw Panginuun ag pagsundun inda manga matadlung, dapat nagbaliw karadayaanan sa manga malinabagun.

Matiyu 13:11

Sinmagut si Hisus, “Ipinahintulut sa kanyu ti makatau sa manga katutuuhanan unman nihayag tungkul sa kaharian langit, dapat unman ipinahintulut inda sa kanda.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Huwan 10:16

May imaw waya gid aku tuhay pag manga karanidu, unman minsan sa inda pag tudir. Kailangan tabanun diman niku tunda pag manga karanidu, dumungug sida sa kang magbagaw usahun gid sida ka manada, usa lang ka manug-alaga.

Ruma 1:13

Manga patar-ari, gustu niku maalaman niyu, balaw di pira ka pag-ulit kang gayak asan tag diman sa kanyu, dapat hanggan taynguna tugka pag-amparahun waya aku. Kang gustu diman bumutung sa manga tawu asan hampay sida sumarig waydi sa kan Kiristu, parihu diman sa kang binwat sa manga iba balaw Hudiyu.

Ruma 11:12

Ginan sa pagsimray manga Hudiyu may natanggap papalad ti tanan nasyun sa babaw daga, ag ginan sa kanda nibuyu, nagras-ug ti kaayadan sa manga balaw Hudiyu. Nu masakup maan aban ti tanan manga ginayak Diyus pag manga Hudiyu, mas lalu daka man pag kaayadan ti matanggap manga balaw Hudiyu.

Ruma 11:24

Nakan ngani kamu duy pag manga balaw Hudiyu ga sanga lang ulibu lupaw nisugdung sa puun tanum ulibu madi balaw angay pag buwat paraan ga baliskad. Ti manga Hudiyu mas lalu misugdung maan Diyus ti sanga alaga pag puun ulibu sa kay di gid maan puun.

Ruma 12:16

Pagkarausa kanyu nalub-anan. Danga kamu magpalabi-labi, bagkus ngap pagpakiusa kamu sa manga makuri kay kahamtangan. Danga pag-isipa niyu kanyu sadili kuntay kamu lang ti madunung.

Ruma 16:25

Dayawun nita ti Diyus. Siya ti makaparig-un sa kanyu pagsarig angay sa Mayad pag Barita tungkul sa kan Hisu-Kiristu kang pag-itudlu sa kanyu. Maalaman diman waydi nita tunda sa katutuuhanan udwaya maburayhawan kaybi ginan sa sulud kadugayun pag timpu.

Ruma 9:18

Nakan ngani pagkaawaan Diyus nu kay gustu niya kaawaan, ag pagpaganitun niya ti tagipusuun tawu nu kay gustu niya paganitun.

1 Kurintu 10:1

Manga patar-ari, gustu niku maalaman mana niyu ti nangyari sa kanta manga ginurang. Sida tanan giniyahan rurum Panginuun, sida tanan nagdipay sa Dagat Marara.

1 Kurintu 12:1

Taynguna, manga patar-ari, gustu niku kamu makaalam tungkul sa manga pakaun ginan sa Ispiritu.

1 Kurintu 2:7

Dapat ti pagsabihun nimi inda imaw ti kadunungan Diyus udwaya ipinaburayhaw sa manga tawu kaybi ginan, dapat daan ihinanda niya kay udwaya linalang ti kalibutan sa ikadayaw sa kanta.

1 Kurintu 4:1

Kailangan duy kilalan-un niyu kami kay manga suruguun ni Kiristu. Ipiniyar Diyus sa kanmi ti madalum pag katutuuhanan balaw daan ipinaburayhaw sa tawu.

Ipisu 1:9

hampay lubus maintindihan nita kay udwaya pinaburayhaw pag gayak niya.

Ipisu 3:9

Pinili niya aku hampay iadal niku sa tanan tawu nu kabitay pag matupad ti paggayakun Diyus unman daan ipinaburayhaw niya. Inda kaybi di waya ginan unman gid ipinaalam Diyus, imaw ti naglalang tanan bagay.

Ipisu 4:18

Unman sida madunung mag-intindi dahil sa kanda ga ud may namuangan ag maganit waya kanda ulu. Nakan ud sida may kaparti sa buhi kay pag-ipakaun Diyus.

2 Pidru 3:8

Dapat duy manga patar-ari, danga niyu kalimtan, dahil nu sa Panginuun ti usa ka sirang bilang ga usa ka libu timpu, ti usa ka libu timpu ga usa lang ka sirang.

Ipinakakit 1:20

Inda kay kahulugan ti pitu ka pamgasan sa kang sikun pag kamang ag ti pitu ka sulu. Ti pitu ka pamgasan imaw ti manga anghil pitu ka iglisya ag ti pitu ka sulu gintu imaw ti pitu ka iglisya.”

Ipinakakit 10:7

Nu inyup yi ikapitu pag anghil kay budyung bag-u tunda pag udwaya ipinaburayhaw Diyus pag gayak pihu tupadun yi ga kay diman ipinakilala sa kay manga suruguun, sa manga purupita.”

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 7:9

Bag-u nakitan maan niku ti kayamu-yamuan kagadhan tawu dayi matabu mabilang una waya sitapu pag tawu. Sida ginan sa kada nasyun, sa kada linahi, sa kada histuda tawu, sa tanan kalasi pamagaw. Matindugan sida sa atubangan tukawan hari hanggan Anak Karanidu. Nakarutay sida manga malagti may bitbit sida panwasawas.