Ruma 11:22 - Hanunuu

²² Sitay pag makilala nita kay kaayadan Diyus hanggan kay kaisugan. Magpangisug siya sa manga nagkasala sa kanya, dapat mayad siya sa kanmu nu udyi kawu pablag sa kay kaayadan. Nu bay kawu pablag, puldun diman kawu.

Ruma 11:22 Iomraidhean Croise

Kanta 31:19

Pagkadaka kanmu iinalistu kaayadan sa manga magsunud sa kanmu. Mintaras mabantayan ti manga tawu, pagpakakitan nimu kaayadan ti manga magdangup sa kanmu.

Isayas 66:14

Nu makitan niyu inda kang pagbuwatun, makabaya kamu, lumangba ga tanum. Ipakakit Panginuun kay kamaskihan sa kay manga manugsirbi, dapat ipakakit niya kay pangagalit sa kay manga kalaban.

Isikil 18:24

“Dapat nu ti usa ka matadlung pag tawu manpakarayu sa kay matadlung pag buhi ag bumuwat daut, hanggan bumwat mayagting pag manga bagay pagbuwatun manga daut, parargu aw nguna siya mabuhi? Unman! Kalimtan yi kay matadlung pag manga binwat. Ag dahil sa kay nagdayu sa kangku ag sa manga kasalanan niya nabwat, mamatay siya.

Isikil 3:20

Nu ti matadlung pag tawu pumatlikud sa matadlung pag buhi ag nagpakadaut, pabay-anan niku siya mamatay. Nu unman nimu siya pinaandaman, mamatay siya dahil sa kay kasalanan, ag balaw niku alalahanun ti mayad pag manga binwat niya. Dapat sagtun nimu kay pagkamatay.

Lukas 8:15

Ti sa mayad pag daga, tunda imaw ti manga mayad pag itinuduk sa kay tagipusuun, inalagaan nida ti Bagaw Diyus kanda nadnugan. Nakan magburak mayamu, balaw mag-urung una makuri.”

Huwan 15:2

Nu may manga sanga sa kangku unman magburak, kay pungpungun niya. Ti kada sanga magburak puldan niya kay baliw hampay lalu mamurak.

Huwan 8:31

Nakan sinabi ni Hisus sa manga Hudiyu nagsarig sa kanya magkun, “Nu kamu magtupad sa kang pag-itudlu sa kanyu, tutuu gid tuludluan niku kamu.

Binwat 11:23

Pagka siya rinmas-ug ati, nakitan niya kay papalad Diyus sa kanda. Nakan nakabaya gid siya. Kay pinaanyuan sida magkun pangungud sida pagmatinupadun sa Panginuun, danga sida magbul-iw.

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Ruma 11:21

Dahil nu unman hininayngan Diyus ti urungan pag manga sanga, ti manga Hudiyu ngani, unman waydi kawu hinayngan niya.

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

1 Kurintu 15:2

Sa inda ginan pag Mayad pag Barita ribri kamu, nu asintadu kamu sa kang itinudlu sa kanyu, ag nu ituduk niyu sa kanyu tagipusuun kanyu pagsarig.

Galasya 6:9

Nakan ngani danga kita magsuku sa magbuwat mayad. Nu sa kay yi kaudasan aban, kita makaani nu unman kita magsuku.

1 Tisalunika 3:5

Nakan ngani pagka udyi aku makaagwanta, sinugu niku si Timutiyu hampay makaalam barita tungkul sa kahamtangan taynguna niyu pagsarig sa Panginuun. Nag-isip aku barang natuksu kamu diyablu. Nu abi katida ti nangyari, nabul-an yi lang halaga kanmi nagpangabudlay.

1 Tisalunika 3:8

Kanyu unman magkaanggihut ginan sa marig-un pag sarig sa Panginuun imaw ti pinmasulung sa kanmi tagipusuun.

Hibriyu 10:23

Pagpakarig-un kita sa kanta inaku pag sarig, danga kita mag-alinlangan. Dahil Diyus ti may taratu ag lubus siya masarigan dayu pumudil.

Hibriyu 3:14

Kita kaibahan yi ni Kiristu nu marig-un kita pag magsarig ginan sa umpisa ag nu unman kita bumul-iw hanggan tugka sa katapusan.

Hibriyu 3:6

Si Kiristu waydi masarigan dahil siya ngani ti Anak. Siya ngap tigpangulu sa kay magtal-anakan Diyus. Kita yi ngani ti magtal-anakan Diyus nu kanta pagpahalgaan kanta pagsarig hanggan sa katapusan.

1 Huwan 2:19

Tunda pag manga tawu ginan diman waydi sa kanta karaw-an dapat daan balaw tutuu minsan sa kanta. Nu abi sida ungud minsan sa kanta, unman gid napablag sida sa kanta. Nakan sida napablag, hampay makilala sida tanan balaw tutuu gid minsan sa kanta.

Ipinakakit 2:5

Pag-isipa duy nu kabitay kay abwat kanmu kinalagpakan. Ampui yi nimu ti manga buwat nimu daut, baliki maan nimu kanmu mayad pag manga buwat kaybi. Nu unman kanmu tayakan kanmu buwat daut, asan tag aku, bul-un niku kanmu sulu ginan sa kay palaulian.