Ruma 11:2 - Hanunuu

² Unman dinayu Diyus kay nasyun, kabay sa kabag-u di waya turunu niya kay yi pinili. Unman aw lugud niyu magkaalaman ti pagsabihun sa Banal Kasuratan tungkul sa kan Ilyas? Nangungud siya sa kay darangin sa Diyus laban sa manga taga Israil.

Ruma 11:2 Iomraidhean Croise

Gimpuunan 44:15

Magkun si Husi sa kanda, “Hintay inda kanyu binwat? Balaw aw lugud niyu alam madunung aku maghula? Nakan unman kamu may mailihus sa kangku.”

Nihimyas 9:30

Sa kayamuun pag timpu, inagwanta nimu sida, bag-u pinasandaman sida Ispiritu nimu sa panab-anan manga purupita. Dapat unman nida inda binati, nakan ipinabahala nimu sida sa manga nasakupan sa palibut nida.

Kanta 94:14

Dahil balaw gid nimu pagbugyahan, Panginuun, ti pag-apuun nimu pag nasakupan.

Pag-ighit 32:1

Pagka nakitan manga tawu dugay maglus-ug sa bantud si Muysis, nagtipun sida sa kan Aarun ag magkun, “Ta, buwati kami diyus pumanguna sa kanmi, dahil balaw nita alam nu hintay yi ti nangyari sa tunda pag tawu sa kan Muysis ti nagpalwas sa kanta sa Ihiptu.”

Hirimyas 31:37

Nu kabitay balaw magkasukat ti langit ag balaw magkaalaman ti patakinan daga, katida diman, balaw niku pagdayuun ti tanan linahi Israil una mayamu yi kanda nabwat kasalanan. Aku, ti Panginuun, ti magbagaw inda.”

Bilang 16:15

Nagalit si Muysis, magkun siya sa Panginuun, “Danga pagtanggapa kanda manga handug. Unman aku may kasalanan una sa kantapu sa kanda; unman aku may bin-ul sa kanda una lang usa ka asnu.”

Markus 12:26

Tungkul bay sa pagkabuhi uman manga namatay, unman aw magkabasa niyu sa ribru ni Muysis tungkul sa kayu minaktan apuy. Ati kabay nagsabi ti Diyus sa kanya magkun, ‘Aku ti Diyus ni Abraham, Diyus ni Isaak, Diyus ni Hakub.’

Lukas 4:1

Pagka itinulbaw si Hisus, lubus sa kanya ti Ispiritu Banal, bag-u linmakaw siya ginan sa sapa Hurdan. Bag-u giniyahan siya Ispiritu tabug sa pangawakawaan.

Huwan 4:11

Sinabi babayi sa kanya magkun, “Dapat duy unman may pangadlu kawu, abasad paman ti bubun. Naan pag bul-un nimu tunda pag danum tigpakaun buhi sa tawu?

Binwat 13:48

Pagka nadnugan manga balaw Hudiyu kay manga sinabi ni Pablu, nakabaya gid sida nagdayaw gid sida sa kay bagaw Panginuun. Tunda pag manga tawu kay pinili Diyus hampay makatanggap tutuu pag buhi unman may katapusan nagsarig ngani sa kan Hisus.

Binwat 15:18

Inda kay sinabi ngani Panginuun imaw ti nagpasandam inda kaybi waya ginan.’”

Binwat 3:17

“Alam diman waydi niku duy, manga kaparihu niku Hudiyu, unman niyu nasalman kanyu binwat ati katpung, parihu diman ga kanyu manga pinunu unman diman sida nakasalum kanda binwat.

Binwat 7:40

Sinabi nida sa kan Aarun magkun, ‘Buwati nimu kami manga diyus-diyusan hampay maggiya sa kanmi. Dahil udyi nimi magkaalaman nu hintay lang ti nangyari sa tunda pag tawu sa kan Muysis, imaw ti nagpalwas sa kanmi ginan sa daga Ihiptu.’

Ruma 6:16

Alam diman niyu nu kamu napasakup una sa kantapu bilang ga panawuhun, panawuhun yi ngap kamu niyu pinagkaamu, nu ngatay manga panawuhun yi kasalanan siyun ginan ti patabgan kamatayan. Aw ngatay panawuhun yi Diyus bag-u ti patabgan katadlungan ngani.

Ruma 9:23

Gustu diman niya ipakakit kay unman may pumarihu pag kamaskihan sa manga tawu kay pagkaawaan ag kay ihinanda ginan waya kaybi para tabug sa kadayawan.

Ruma 9:6

Balaw sa nitugka lang ti Bagaw Diyus. Dahil balaw waydi ti tanan manga linahi Israil niminsan sa kay pinili Diyus pag nasyun.

1 Kurintu 6:2

Unman aw niyu alam ti manga napasakup sa Panginuun ti pumihu aban sa manga taga kalibutan nu daut nu mayad? Nu ti manga taga kalibutan pihuun niyu aban, unman aw lugud kaya niyu pihuun ti daut ti mayad sa manga yangkut-yangkut pag hurusayun?

1 Kurintu 8:3

Dapat ti manga tawu magmahal sa Diyus, pagkilalan-un sida Diyus kanya.

Pilipus 1:22

Dapat abi nu udwaya waydi mamatay aku, mamakibudlay waya aku sa mayad pag buruwatun. Udwaya niku magkaalaman nu hintay kang magustuhan.

Hibriyu 1:1

Kaybi waya ginan ipinadakit manga purupita ti manga binagaw Diyus sa kanta manga ginurang sa tuhay-tuhay pag udas ag sa tuhay-tuhay pag paraan.

1 Pidru 1:2

Daan di inisip Diyus Ama kay pinili kamu, kay ipinasakup kamu sa Ispiritu hampay kamu masurundun yi sa kan Hisu-Kiristu ag hampay kamu malumpiyu yi sa dugu ni Hisus. Pagsa kanyu ti abunda pag papalad hanggan kahusayan.