Ruma 11:16 - Hanunuu

¹⁶ Nu ginan sa pinkul arina ti un-an binwat tinapay ipinakaun sa Diyus, dara di hanggan kay binawasan ipinasakup diman sa Diyus. Nu ipinasakup ti gamut puun kayu, dara hanggan kay manga sanga ipinasakup diman sa Diyus.

Ruma 11:16 Iomraidhean Croise

Gimpuunan 17:7

Tupadun niku kang kasunduan sa kanmu hanggan sa manga linahi nimu sa sunud pag manga sinulput tawu, aku kanyu Diyus hanggan aban. Inda pag kasunduan pumarargu hanggan aban.

Pag-ighit 22:29

“Danga niyu pagkalimti magpakaun manga handug sa kangku ginan sa kanyu manga patubas, pin-gis ubas, ag lana ulibu. “Ipakaun niyu sa kangku kanyu panganay pag manga anak lalaki,

Pag-ighit 23:16

“Alalahana diman niyu ti Pista Tig-arani sa panab-anan pagdara sa kangku manga un-an pag tubas niyu tanman. Alalahana diman niyu ti Pista Uryan Ani sa katapusan timpu, nu tipunun yi niyu ti manga tubas sa kanyu tanman.

Pag-ighit 23:19

“Daran-a niyu sa balay Panginuun niyu Diyus ti pinakamarinu pag un-an bahagi niyu tubas. “Danga niyu paggulaya ti anak kambing sa gatas niya ina.

Kabagawan 3:9

Dayawa ti Panginuun sa panab-anan pagsagda kanmu manga kasiyunan sa kanya, hanggan pagsagda un-an pag bahagi sa tanan nimu ani.

Hirimyas 2:21

Parihu kamu sa usa ka pinakamayad pag kalasi ubas kang itinanum. Dapat hayga linmuwang kamu lugu ag unman may pulus pag ubas?

Isikil 44:30

Ti pinakamarinu pag un-an ani niyu ag ti bukudtangi niyu pag manga pamakaun sa kangku para yi sa manga manughandug. Pakan-i diman niyu manga pinakamarinu pag arina ti manga manughandug, hampay papaladan kanyu magtal-anakan.

Ruma 11:17

Pinlud kay iba sanga ti tanum puun ulibu ag kawu, ga sanga lang lupaw pag ulibu, pag-isugdung sa puun tanum ulibu, hampay maayawan taguk ginan sa gamut. Nakan may kabahagi kamu manga papalad Diyus para sa manga Hudiyu.

Ruma 8:23

Ag balaw lang sida. Una hanggan kita. Natanggap nita ti Ispiritu, ipinauna ipinakaun Diyus sa kanta. Ga mag-arunghung sa kanta tagipusuun kita sa pakaalagad sa kaudasan nu kay ipaburayhaw Diyus kanta kahamtangan bilang kay manga anak, kay ibug sabihun nu iribri yi aban kanta buu pagkatawu.

1 Kurintu 7:14

Ti lalaki udwaya napasakup sa Panginuun sakup sa kay pagmahal Diyus dahil sa kay asawa babayi magsarig sa Panginuun. Ag ti babayi udwaya napasakup sa Panginuun sakup diman waydi sa kay pagmahal Diyus dahil sa kay asawa lalaki magsarig sa Panginuun. Nu abi balaw katida, kanyu manga anak arayu sa Panginuun. Dapat taynguna sida sakup diman waydi sa kay pagmahal Diyus dahil sa sarig nida manga gurang.

Diyuturunumiyu 18:4

Iayaw diman niyu sa manga manughandug Balay Diyus ti un-an pag bahagi niyu manga tirigu, irinmun ubas, lana ulibu ag bulbul karanidu.

Diyuturunumiyu 26:10

Nakan taynguna, Panginuun, dinara nimi ti un-an pag bahagi ani ginan sa ipinakaun nimu pag daga sa kanmi.’ Nu matapus niyu bagawun inda, paulian niyu ti tabigun sa atubangan Panginuun niyu Diyus, bag-u pagsamba kamu sa kanya.

Santiyagu 1:18

Angay sa kay kagustuhan binag-u niya kanta buhi pagka ipinakilala niya sa kanta ti bagaw katutuuhanan, hampay kita bilang ga kay yi akaan burak sa tanan niya linalang.

Ipinakakit 14:4

Inda ti manga lalaki unman niamut sa manga babayi, unman sida nag-asawa. Magkuyug sida sa Anak Karanidu una naan tag siya. Linukat sida ginan sa tanan linahi tawu bilang ga un-an pakaun sa Diyus ag sa Anak Karanidu.