Ruma 11:11 - Hanunuu

¹¹ Kay aw ibug sabihun tunda, pagka nadayaan ti manga Hudiyu rargu yi lang nguna napulid? Balaw waydi. Dapat ay dahil nagkasala ti manga Hudiyu, nakan nagras-ug ngap ti karibrihan sa manga balaw Hudiyu. Pagka katida naghirak ti manga Hudiyu sa manga balaw Hudiyu.

Ruma 11:11 Iomraidhean Croise

Isikil 18:23

Aku, ti Panginuun Diyus, unman magbaya nu mamatay ti usa ka daut pag tawu. Makabaya aku nu mansisi siya ag parargu mangabuhi.

Isikil 18:32

Balaw aku magbaya nu may mamatay. Nakan pagsisi yi kamu hampay parargu kamu mabuhi. Aku, ti Panginuun Diyus, ti magbagaw inda.”

Isikil 33:11

Taynguna sabihi sida, ‘Aku ti Panginuun Diyus buhi, magsumpa kuntay unman aku magbaya nu may mamatay daut pag tawu. Kang gustu pag-aman sida sa kanda daut ugali hampay mabuhi sida. Nakan kamu pag nasakupan Israil, pag-aman yi kamu sa kanyu daut ugali. Gustu aw lugud niyu mamatay?’

Lukas 20:16

Atihan niya hampay matyun tunda pag manga manugtarabahu bag-u iintirga maan sa manga iba kay ubasan.” Pagka nakadnug ti manga manugpatingi sa kan Hisus tultulanun sinabi nida magkun, “Danga maniring mana sa ati pag tultulanun.”

Binwat 13:42

Pagka magluwas yi sa simbahan manga Hudiyu sida ni Pablu ni Birnabi, sinabi manga tawu sa kanda magkun, “Kailangan duy pagpaliwanag maan kamu sa kanmi tungkul sa inda pag manga katutuuhanan sa atubangan pag Sirang Pamahari.”

Binwat 18:6

Pagka dugay naglaban yi sida sa kanya naglibak hanggan. Nakan winagwag ni Pablu ti galbuk sa kay rutay kay tanda laban sa kanda magkun, “Kanyu yi sadili kasalanan nu kamu midamhak sa kaparusahan. Unman yi aku may saragtun. Taynguna ginan aku atag yi sa manga balaw Hudiyu.”

Ruma 10:19

Inda waya kang paingana, unman aw nguna nakaintindi ti nasyun Israil? Kaybi waya nasagut yi tunda ni Muysis magkun, “Ti manga tawu balaw paman masabi kuntay usa ka nasyun imaw ngap ti gamitun niku aban hampay sida pumahirak sa kanyu. Gamitun niku ti usa ka nasyun tawu unman may kadunungan hampay paisugun nida kamu.”

Ruma 11:1

Inda kang paingana, dinayu aw nguna Diyus kay nasyun? Unman duy dinayu niya kay nasyun. Aku kabay Israilita diman waydi, ginan sa lahi ni Abraham, sinulput sa lahi ni Binhamin.

Ruma 11:12

Ginan sa pagsimray manga Hudiyu may natanggap papalad ti tanan nasyun sa babaw daga, ag ginan sa kanda nibuyu, nagras-ug ti kaayadan sa manga balaw Hudiyu. Nu masakup maan aban ti tanan manga ginayak Diyus pag manga Hudiyu, mas lalu daka man pag kaayadan ti matanggap manga balaw Hudiyu.

Ruma 11:14

hampay humirak kang manga kaparihu Hudiyu agud may maribri waya ti iba sa kanda.

Ruma 11:31

Katunda diman waydi sida nagbaliw manga malaban taynguna katpung kamu pagkaawaan, hampay sida kaawaan di maan waydi Diyus.