Ruma 11:1 - Hanunuu

¹ Inda kang paingana, dinayu aw nguna Diyus kay nasyun? Unman duy dinayu niya kay nasyun. Aku kabay Israilita diman waydi, ginan sa lahi ni Abraham, sinulput sa lahi ni Binhamin.

Ruma 11:1 Iomraidhean Croise

2 Hari 23:27

Nakan nagsabi ti Panginuun, “Paighitun niku ti manga taga Huda sa kanda rugar pakarayu sa kang atubangan parihu sa binuwat niku sa manga taga Israil. Ag dayuun niku ti Hirusalim, ti pinili niku pag banwa, hanggan inda pag Balay Diyus, ti pagsabihun niku asan aku pag dayawun.”

Kanta 77:7

“Bugyahan yi lang aw lugud aku Panginuun hanggan aban? Balaw yi gid aw lugud siya magbaya sa kangku?

Kanta 94:14

Dahil balaw gid nimu pagbugyahan, Panginuun, ti pag-apuun nimu pag nasakupan.

Husyas 9:17

Magkun si Husyas, “Bugyahan niku Diyus ti manga taga Israil dahil unman sida magsunud sa kanya. Nakan mawatak sida sa tuhay-tuhay pag nasyun.”

Lukas 20:16

Atihan niya hampay matyun tunda pag manga manugtarabahu bag-u iintirga maan sa manga iba kay ubasan.” Pagka nakadnug ti manga manugpatingi sa kan Hisus tultulanun sinabi nida magkun, “Danga maniring mana sa ati pag tultulanun.”

Binwat 22:3

“Aku duy Hudiyu taga Tarsu sa daga Silisya. Dapat atay sa banwa Hirusalim aku pag nagdaka. Sitay diman aku pag nag-adal, si Gamalyil kang maisturu. Tinudluan niya aku mayad-mayad sa pagtupad sa Kasuguan kanta minana ginan sa kanta manga ginurang. Ati katpung masipag gid aku sa kang katungkulan sa Diyus, parihu diman sa kanyu manga masipag gid taynguna.

Binwat 26:4

“Magkaalaman tanan manga Hudiyu kang ugali ginan sa kang diit di waya hanggan taynguna tugka, una sa kang sadili banwa una sa Hirusalim.

Ruma 11:11

Kay aw ibug sabihun tunda, pagka nadayaan ti manga Hudiyu rargu yi lang nguna napulid? Balaw waydi. Dapat ay dahil nagkasala ti manga Hudiyu, nakan nagras-ug ngap ti karibrihan sa manga balaw Hudiyu. Pagka katida naghirak ti manga Hudiyu sa manga balaw Hudiyu.

Ruma 3:4

Bukun ay sa katida. Ti Diyus sa katutuuhanan, una ti kada tawu pudilun, angay sa isinurat sa Kasuratan magkun tag sa Diyus, “Hampay kawu kilalan-un kuntay matadlung sa kanmu manga sinabi ag manalu kawu nu pihuun nida kawu sa daut sa mayad.”

2 Kurintu 11:22

Manga Hibriyu aw lugud sida? Aku diman Hibriyu. Manga Israilita aw sida? Aku imaw diman. Linahi aw sida ni Abraham? Aku imaw diman.

Pilipus 3:5

Pagka sa ikawalu pag sirang ginan sa pagkalusad niku, tinuri aku. Linahi aku ni Israil, minamat ni Binhamin, tutuu gid Hibriyu aku! Sa kang mag-ungud magtupad sa Kasuguan manga Hudiyu, Parisiyu aku.

1 Samwil 12:22

Balaw gid kamu pabay-anan Panginuun, dahil balaw niya gustu mangay-a kay ngaran. Pag-ikabaya gid niya kamu buwatun nasakupan niya.