Ruma 10:3 - Hanunuu

³ Dahil unman naintindihan nida kay paraan Diyus hampay kay pagkilalan-un niya ti manga tawu kuntay manga matadlung. Unman nida sinunud ti paraan Diyus. Bagkus ngap nanipag sida sa kanda sadili paraan hampay pagkilalan-un sida Diyus kuntay manga matadlung.

Ruma 10:3 Iomraidhean Croise

Nihimyas 9:33

Matadlung kanmu binwat pagpihu sa kanmi. Matinupadun kawu sa kanmi, dapat kami inda nagbuwat kasalanan.

Hub 33:27

Bag-u sumabi siya sa manga tawu, ‘Nagsalan aku, ag nagbuwat balaw mayad, dapat unman niku natanggap ti parusa angay mana sa kangku.

Kanta 71:19

Kanmu pagkamatadlung, Diyus, balaw masalman. Makadululaw kanmu manga binwat; unman gid may pumarihu sa kanmu.

Isayas 51:1

Magkun ti Panginuun, “Pagpatingi kamu sa kangku, kamu ti manga magkaibug maribri hanggan ti manhagad awat sa kangku. Alalahana niyu sida ni Abraham ni Sara kanyu manga ginurang. Parihu sida sa batu nagpikahan ngatay nagkalihan sa kanyu. Kaybi tinawagan niku si Abraham, usa-usa siya, dapat pinapaladan niku siya ag pinakan-an mayamu pag linahi.

Isayas 51:6

Bantayi niyu ti langit hanggan ti kalibutan. Madura ti langit ga anus, madaut ti kalibutan ga rutay, mamatay ti manga nasakupan ga manga iyay. Dapat kang iayaw pag karibrihan pumirmaminti hanggan aban. Ti panalu ag katuwiran ginan sa kangku mapasa-kanyu hanggan aban.

Isayas 51:8

Dahil miparihu sida sa rutay pag arit-itun iyay. Dapat ti panalu ag katuwiran kang iayaw pumirmaminti hanggan aban. Ti karibrihan ginan sa kangku mapasa-kanyu hanggan aban.”

Isayas 56:1

Inda ti pagsabihun Panginuun: “Ugalia niyu ti katadlungan ag ti katuwiran dahil arani yi niku iribri kamu.

Isayas 57:12

Kanyu hantup matadlung kanyu pagbuwatun, dapat ipakakit niku nu hintay pag kalasi tawu kamu.

Isayas 64:6

Kami tanan nagbaliw ga mauring pag bagay, ag ti tanan nimi mayad buwat bilang ga mauring pag tarapu. Kami tanan nagbaliw ga labung magkalayung, ag parihu sa durus, ipinayag kami nimi kadautan.

Karukuan 3:22

ti pagmahal ag pangaawa Panginuun unman may katugkaan. Imaw tunda nakan unman kita napapas lubus.

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Lukas 10:29

Balaw may gustu ti manugtudlu Kasuguan mahantup kuntay salan kay paingana nakan magkun siya sa kan Hisus, “Si unu nguna kang kaparihu tawu?”

Lukas 16:15

Dapat sinabi ni Hisus sa kanda magkun, “Kamu magpabalhinguun lang sa atubangan manga tawu, dapat alam di gid Diyus kanyu manga tagipusuun. Dahil ti pagpahalagahan manga tawu, pagbugyahan sa kay magbantay Diyus.

Ruma 1:17

Dahil pagsabihun sa Mayad pag Barita nu kabitay pagkilalan-un Diyus ti tawu kuntay matadlung, tunda sa panab-anan lang pagsarig. Angay sa nisurat sa Banal Kasuratan magkun, “May buhi ti tawu pagkilalan-un Diyus kuntay matadlung dahil sa kay pagsarig sa Diyus.”

Ruma 10:2

Mapatutuuhanan niku sida nanipag hampay pagbayaun mana sida Diyus, dapat nagsalan sida sa kanda pag-intindi.

Ruma 10:20

Itinapat yi gid ni Isayas kay pagsabihun magkun, “Magkun ti Panginuun, nakilala aku manga tawu madi unman maghanap sida sa kangku. Aku nagpakakit sa manga tawu madi unman magpaingana tungkul sa kangku.”

Ruma 11:7

Kabitay nguna tunda? Unman nakarubtan ti buu nasyun Israil sa kay inasahan. Dahil ti iba, maganit kanda manga tagipusuun. Kay iba lang, ti manga pinili lang Diyus, ti nakakarubut tunda.

Ruma 3:22

Una si unu pag tawu nu sumarig siya sa kan Hisu-Kiristu, pagkilalan-un siya Diyus kuntay matadlung, dahil lang sa kay magsarig sa kan Hisus, una manga Hudiyu una manga balaw Hudiyu.

Ruma 3:26

Dapat kainda, ihinandug yi Diyus kay buhi ni Kiristu hampay ipakakit siya matadlung. Dahil sa inda pag binwat Diyus, napatutuuhanan matadlung ngani siya una pag-itadlung niya ti manga magsarig kan Hisus.

Ruma 5:19

Dahil sa kay naglapastangan usa ka tawu, mayamu tawu ti binmaliw makasalanan. Katunda waydi mayamu tawu ti kinilala Diyus kuntay manga matadlung sa panab-anan masurundun ni Kiristu sa kagustuhan niya Ama.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Diyuturunumiyu 6:25

Ag nu sundun lang nita kaayad inda tanan pag sugu Panginuun nita Diyus, angay sa kay pag-isugu sa kanta, bumaliw kita matadlung sa kay pamantay.’

Pilipus 3:9

ag hampay aku lubus magpakiusa sa kanya. Udyi aku pagkilalan-un Diyus kuntay aku matadlung dahil lang sa kang magtupad sa Kasuguan ni Muysis. Pagkilalan-un aku Diyus kuntay matadlung dahil aku magsarig sa kan Kiristu. Inda pag katadlungan ginan ngani sa Diyus dahil sa kang pagsarig.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.