Ruma 10:19 - Hanunuu

¹⁹ Inda waya kang paingana, unman aw nguna nakaintindi ti nasyun Israil? Kaybi waya nasagut yi tunda ni Muysis magkun, “Ti manga tawu balaw paman masabi kuntay usa ka nasyun imaw ngap ti gamitun niku aban hampay sida pumahirak sa kanyu. Gamitun niku ti usa ka nasyun tawu unman may kadunungan hampay paisugun nida kamu.”

Ruma 10:19 Iomraidhean Croise

Hirimyas 10:14

Manga busal ag unman may namuangan ti manga magsamba sa manga diyus-diyusan. Mangay-a lang ti manga panday-pilak magbuwat manga diyus-diyusan, dahil balaw waydi tunda tutuu pag manga diyus. Balaw sida may buhi.

Hirimyas 10:8

Tanan sida maraganit kay ulu ag manga busal. Unman duy may pulus ti manga tudlu tungkul sa kanda manga diyus-diyusan binwat sa kayu.

Husyas 2:23

Sa tunda pag panahun mangulian kamu sa kanyu daga bilang kang nasakupan. Ipakakit niku kang pangaawa sa kanyu manga pag-ingarnan Lu Ruhama. Ag kamu pag manga pag-ingarnan Lu Ami ingarnan diman niku kamu kang nasakupan, ag sumabi kamu aku kanyu Diyus.”

Ruma 10:18

Dapat kang paingana, unman aw nguna sida nakadnug? Nakadnug yi waydi sida. Dahil magkun sa Banal Kasuratan, “Ras-ug yi sa tanan rugar kanda bagaw, kanda bagaw nilantag yi sa kalibutan.”

Ruma 11:11

Kay aw ibug sabihun tunda, pagka nadayaan ti manga Hudiyu rargu yi lang nguna napulid? Balaw waydi. Dapat ay dahil nagkasala ti manga Hudiyu, nakan nagras-ug ngap ti karibrihan sa manga balaw Hudiyu. Pagka katida naghirak ti manga Hudiyu sa manga balaw Hudiyu.

Ruma 11:14

hampay humirak kang manga kaparihu Hudiyu agud may maribri waya ti iba sa kanda.

Ruma 3:26

Dapat kainda, ihinandug yi Diyus kay buhi ni Kiristu hampay ipakakit siya matadlung. Dahil sa inda pag binwat Diyus, napatutuuhanan matadlung ngani siya una pag-itadlung niya ti manga magsarig kan Hisus.

1 Kurintu 1:12

Inda kang gustu sabihun, ti kada usa hayga magsabi magkun, “Aku sa kan Pablu,” ti iba magkun, “Aku sa kan Apulus,” magkun maan ti usa, “Aku sa kan Pidru,” bag-u may magsabi waya gid, “Aku sa kan Kiristu.”

1 Kurintu 10:19

Kabitay lugud kang pagsabihun sa kanyu? Ti ihinandug sa manga diyus-diyusan may pakinabang aw lugud? Ti diyus-diyusan may kabuluhan aw?

1 Kurintu 11:22

Unman aw lugud kamu may balay? May yarabasan may irinman kamu. Hayga lugud unman pagpahalagaan niyu ti iglisya Diyus? Hayga pagpakay-ahun lang niyu ti unman may imaw? Hintay nguna kang masabi sa kanyu? Kamu aw kang pagbayaun sa tunda pag bagay? Bukun ngap aku magbaya.

1 Kurintu 12:2

Alam niyu, kanyu udwaya nakatanggap sa kan Hisus, sinarigan niyu ti manga buyun pag diyus-diyusan, imaw ngap ti nagpatalang pirmi sa kanyu.

1 Kurintu 15:50

Kang yi ngani pagsabihun sa kanyu, manga patar-ari, inda kanta bilug unman pumasakup sa kaharian Diyus. Ti may karunutan pag bilug unman mahimu makatanggap buhi unman may katapusan.

1 Kurintu 7:29

Dapat kang pagsabihun inda, manga patar-ari, udyi dumugay ti panahun para sa babaw daga, nakan ti manga lalaki nu may asawa danga tugka lang sa asawa kay sirbi.

Diyuturunumiyu 32:21

Pinaimun nida aku sa bukun tutuu pag diyus, ag ginalit nida aku sa kanda unman may pulus pag manga diyus-diyusan. Nakan paimunun waydi niku sida sa iba pag manga tawu. Galitun niku sida sa panab-anan pagpapalad sa luku-luku pag nasyun.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

1 Pidru 2:10

Nu kaybi di waya gid kamu bukun kay nasyun Diyus, taynguna bay kamu kay yi pinili hampay kay nasakupan. Kaybi kamu kay inirangan balaw pagkaawaan. Dapat taynguna kamu kay kinaawaan.