Ruma 1:32 - Hanunuu

³² Naalaman diman nida ti ibinilin Diyus magkun, kailangan matyun ti magbuwat katunda. Dapat ay magparargu di ngap sida sa pagbuwat daut. Magbaya waya sida nu maghiling sida sa manga iba magbuwat katunda waydi.

Ruma 1:32 Iomraidhean Croise

Kanta 50:18

Nu may mag-akitan kamu magtakaw pag-updun di ngapu niyu siya, ag magkuyug diman kamu sa magpanguragin.

Kabagawan 28:4

Ti manga unman magtupad sa Kasuguan magdayaw sa manga daut, dapat ti manga magtupad, maglaban sa manga daut.

Husyas 7:3

Napasulung nida kanda hari hanggan manga takinan sa panab-anan nida kadautan ag kapudilan.

Lukas 11:48

Siti pag mag-akitan kamu magpaangay diman waydi sa binwat daut niyu manga ginurang. Dahil kanda minatay ti manga purupita ati kaybi bag-u kamu tigbuwat parinu sa kanda manga lubung.

Binwat 22:20

Sa katpung minatay kanmu manugpadakit si Istiban, siyun diman aku. Nagpasnu diman gid aku sa kanda nagmatay sa kanya. Binantayan waya niku ti manga balukas linukas manga tawu nagmatay sa kanya.’

Binwat 8:1

Pinasnuan yi waydi ni Saulu hampay matyun yi ngani si Istiban. Ati katpung pag sirang nag-umpisa ti mahigpit pag-unuunu laban sa iglisya sa Hirusalim. Purya lang ti manga apustul, ti tanan manga nagsarig sa kan Hisus nangalat yi sa tanan rugar sa Hudiya hanggan sa Samarya.

Ruma 1:18

Niburayhaw ti pangagalit Diyus ginan sa langit laban sa tanan kadautan manga tawu. Kanda magbuwat kadautan imaw ti mag-ampara sa kanda agud makilala ti katutuuhanan.

Ruma 1:21

Madi alam nida may imaw Diyus, unman nida pagdayawun ngatay pagpasalamatan. Bagkus ngap pinamintuhu nida ti manga bagay unman may kabuluhan, nadluman yi lang kanda naisipan unman makaintindi sa katutuuhanan.

Ruma 6:21

Hintay nguna pag masulung kanyu nakitan ati katpung? Tunda lang pag manga buwat kanyu pag-ikay-a taynguna, dahil kay patabgan ngani kamatayan.

Ruma 6:23

Dahil kamatayan ngani ti isuhul sa kasalanan. Dapat kay pakaun Diyus imaw ti tutuu pag buhi unman may katapusan sa manga tawu napakiusa sa kanta Panginuun Kiristu Hisus.

2 Tisalunika 2:12

Nakan ngani masintinsiyahan Diyus sa kaparusahan ti tanan tawu magdayu magpaniwala sa katutuuhanan, bagkus ngap binaya nida ti kadautan.