Ruma 1:28 - Hanunuu

²⁸ Unman inisip nida mahalaga ti pagkilala sa Diyus, nakan pinasibut-an sida Diyus sa kanda daut pag-iisip hampay balaw yi maangay kanda ugali.

Ruma 1:28 Iomraidhean Croise

Gimpuunan 6:5

Pagka nakitan Panginuun ti manga pagbuwatun manga tawu sa kalibutan lunsay lang kadautan, ag kanda pag-isipun pirmi kadautan,

2 Samwil 22:27

Tapat kawu sa manga matapat sa kanmu, ag matinudukun kawu sa manga daut.

Kanta 69:27

Dugangan waya gid inda sa kanda manga salan ag danga sida pagribrihan.

Kabagawan 1:22

“Kamu pag manga unman may alam, tugka waya lugud kapira kamu katunda? Kamu pag manga magpuya, tugka waya lugud kapira kamu pag magbaya sa magpuya? Kamu pag manga kurang sa intindi, tugka waya lugud kapira kamu magdayu sa kadunungan?

Kabagawan 1:29

Dahil magbugya kamu pagtudluan ag pinili niyu ti balaw paggalang sa Panginuun.

Kabagawan 1:7

Nu ti usa ka tawu magkaibug dumunung kailangan paggalang siya sa Panginuun. Ti tawu kurang kay intindi unman magkaibug kadunungan ag balaw niya gustu tumadlung kay ugali.

Kabagawan 17:16

Unman may pulus ti paggastus sa pagpaadal sa kurang kay intindi pag tawu dahil balaw waydi niya gustu dumunung.

Hirimyas 4:22

Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

Hirimyas 6:30

Ingarnan sida, ‘Dinayu pag Galang’ dahil dinayu niku sida.”

Hirimyas 9:6

Lunsay yi lang darayaan kanda pagbuwatun, dahil sa darayaan udyi nida aku pagkilalan-un.

Isikil 14:5

Buwatun niku inda hampay bumalik sa kangku ti tanan Israilita nagpakarayu sa kangku dahil sa kanda manga diyus-diyusan.

Isikil 20:25

Pinabay-anan niku sida tupadun nida ti manga sugu ag manga surundanun balaw mayad ag unman makapakaun ikamayad pag buhi sa kanda.

Husyas 4:6

“Nag-iridamhak kang manga nasakupan dahil kurang sida sa kaalaman. Dahil kamu gid ngap dinayu niyu ti kaalaman tungkul sa kangku, nakan dayuun diman niku kamu bilang manga manughandug niku. Kinalimtan niyu kang Kasuguan, nakan kalimtan diman niku kanyu manga anak.

Binwat 17:23

Sa kang maglakaw sa banwa, binantayan niku kanyu manga simbahan. Bag-u may nakitan aku usa ka bugtangan handug may surat magkun, ‘Sa unman magkakilala pag diyus.’ Tunda yi pag Diyus ti kanyu pagsambahan madi unman kilala niyu siya, imaw yi ngani pag Diyus kang pag-itudlu sa kanyu.

Binwat 17:32

Pagka nadnugan nida kan Pablu tudlu tungkul sa pagkabuhi maan manga namatay, nag-ayupaka ti iba. Dapat sinabi manga iba magkun, “Magkaibug waya kami mamatingi aban sa kanmu tudlu tungkul sa kanmu sinabi taynguna.”

Ruma 1:18

Niburayhaw ti pangagalit Diyus ginan sa langit laban sa tanan kadautan manga tawu. Kanda magbuwat kadautan imaw ti mag-ampara sa kanda agud makilala ti katutuuhanan.

Ruma 1:21

Madi alam nida may imaw Diyus, unman nida pagdayawun ngatay pagpasalamatan. Bagkus ngap pinamintuhu nida ti manga bagay unman may kabuluhan, nadluman yi lang kanda naisipan unman makaintindi sa katutuuhanan.

Ruma 1:24

Nakan ngani pinasibut-an waydi sida Diyus sa kanda mayagting pag kagustuhan naisipan, bag-u nagumun yi sida sa magbuwat mahalay sa usa kag sa usa.

Ruma 1:26

Nakan pinasibut-an sida Diyus sa mahalay pag kagustuhan nida naisipan. Una manga babayi nagdayu yi sa natural pag malahalan sa lalaki tag sa babayi bag-u kaparihu ngap babayi tigkaraibgan.

1 Kurintu 15:34

Pagbalik kamu sa mayad pag naisipan ag danga magkasala. Dahil ti iba unman magkilala sa Diyus. Kang pagkumnun inda sa kanyu sa ikakay-a niyu.

2 Kurintu 10:5

Dahil kanmi pagdautun ti salan pag manga baragawun, pagbinsilun nimi ti tanan magpalabaw laban sa kadunungan Diyus. Pagbihagun nimi ti kada pag-iisip hampay pasakup yi sa kan Kiristu.

Ipisu 5:4

Danga yi pagpakan-i rugar una hintay pag mahalay, una manga harampangan ud may kabuluhan, una ti harakutan ud may pulus. Bagkus ngap pagpasalamat gid kamu sa Diyus.

2 Tisalunika 1:8

Rumas-ug siya sa karaw-an maglalabdaban pag apuy. Bag-u parusahan niya ti tanan tawu dayu magpaniwala sa Diyus ag ti manga dayu magsunud sa Mayad pag Barita tungkul sa kanta Panginuun Hisus.

2 Timutiyu 3:8

Tunda pag manga lalaki magtudlu maglaban sa katutuuhanan parihu diman sa kanda ni Hanis ni Hambiris naglaban sa kan Muysis. Udyi sida may pag-isipun kaayadan, nakan nakilala kanda pagsarig kuntay unman may kabuluhan.

Titu 1:16

Ti sabi nida kilala kunu nida ti Diyus, dapat sa kanda tarabahu pag-ipaulam ngap nida ti Diyus. Pagpanab-angan yi sida, dahil sida manga supladu, dayu mahimu sida sa una hintay pag mayad buwat.

Pilimun 1:8

Dahil sa kanta pakiusa sa kan Kiristu, mahimu mana aku magpaanyu sa kanmu, Pilimun, kuntay tupada yi lang nimu inda.

2 Pidru 3:5

Unman may kabuluhan sa kanda ti katutuuhanan magkun, ti langit, ti daga linalang Diyus sa kapangyarihan niya bagaw. Linalang Diyus ti daga ginan sa karaw-an danum.