Ruma 1:25 - Hanunuu

²⁵ Dahil sa kanda nagpatlikud sa katutuuhanan tungkul sa Diyus, inadi ngap nida ti kapudilan. Sinambahan nida ti manga linalang Diyus ag kanda sinirbihan. Dinayu di ngap nida ti Diyus madi imaw ti naglalang. Siya ngap ti dapat nita pagdayawun hanggan aban. Amin.

Ruma 1:25 Iomraidhean Croise

Kanta 72:19

Dayawun kay kamaskihan sa unman may katapusan. Mana makitan manga tawu sa buu kalibutan kay kamaskihan. Amin! Amin!

Isayas 44:20

Ti manga magbuwat inda ga nangaun dapug. Ipinatalang siya niya daut pag kaisipan, balaw niya mairibri kay sadili. Balaw siya pumasnu kuntay ti tawu-tawu asan sa kanya balaw diyus.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Amus 2:4

Inda ti pagsabihun Panginuun tungkul sa Huda: “Dahil sa parargu pagbuwat kasalanan ti manga taga Huda, parusahan gid niku sida. Dahil binugyahan nida kang kasuguan ag unman nida sinunud kang manga surundanun. Pinatalang sida nida pagsirbi sa manga diyus-diyusan imaw diman ti sinirbihan nida manga ginurang.

Habakuk 2:18

“ ‘Unu kay kabuluhan manga diyus-diyusan? Binwat lang waydi inda tawu ginan sa kayu ngatay sa baul, ag balaw diman makasabi kay tutuu. Hayga lugud pagpaniwalaan gid inda manga tawu nagbuwat tunda? Unman ngani inda makabagaw.

Matiyu 10:37

“Nu ti tawu magbaya sa kay ama hanggan sa kay ina balaw lang ga kay magbaya sa kangku, unman mahimu siya magpakiusa sa kangku. Nu ti tawu magbaya sa kay anak lalaki una anak babayi balaw lang ga kay magbaya sa kangku, unman mahimu siya magpakiusa sa kangku.

Matiyu 6:24

Sinabi ni Hisus magkun, “Unman may makasirbi dungan sa duwa ka amu. Dahil dayuun niya ti usa, ti usa kay adiun. Sirbihan niya mayad ti usa ag pabay-anan lang kay usa. Dayu masirbihan niyu dungan ti Diyus hanggan ti kayamanan.

Huwan 2:8

sinabi ni Hisus sa kanda, “Kadlui yi niyu danum daran-a tag sa manugkasuniru.” Kanda yi ngani dinara.

Ruma 1:18

Niburayhaw ti pangagalit Diyus ginan sa langit laban sa tanan kadautan manga tawu. Kanda magbuwat kadautan imaw ti mag-ampara sa kanda agud makilala ti katutuuhanan.

Ruma 1:23

Tinalikdan nida ti mamaski pag Diyus unman may kamatayan, kanda ngap pagsambahun ti manga ilinarawan pag manga tawu may kamatayan, manga manuk, manga hayup, manga iyay magyapang.

Ruma 9:5

Sida minamat nida ni Abraham ni Isaak ni Hakub. Bag-u siti diman waydi ginan pag linahi si Kiristu sa kay pagkatawu, imaw ti Diyus makamaskihan sa tanan, siya ti pagdayawun hanggan waya aban. Amin.

2 Kurintu 11:31

Bukun gid ungud aku magpudil. Tunda ungud alam di Diyus, imaw kay Ama Panginuun Hisus, dayawun kay ngaran hanggan aban.

Ipisu 3:21

Sa Diyus ti kadayawan sa iglisya dahil sa kanta pakiusa sa kan Kiristu Hisus, sa kada sinulput tawu hanggan waya aban unman may katapusan. Amin.

1 Tisalunika 1:9

Sida yi ngani ti mamarita nu kabitay kami kanyu tinanggap. Sida diman tigsabi pinatlikudan niyu ti pagsamba sa diyus-diyusan hampay magsirbi kamu sa tutuu Diyus buhi,

1 Timutiyu 1:11

Tunda ngani pag tudlu ti angay sa Mayad pag Barita inintirga sa kangku. Tunda yi pag Barita tungkul sa kanta pagdayawun pag kamaskihan Diyus.

1 Timutiyu 1:17

Taynguna ti kadayawan hanggan kapangyarihan pagsa kanya, sa usa-usa ka Diyus, sa Hari ud may pinag-umpisahan, unman may katapusan, unman may kamatayan ag unman mag-akitan sa mata. Amin.

2 Timutiyu 3:4

Balaw lang tunda, paradaya waya sida, daluk-daluk, palabi-labihun, mahilig sa daut pag kasayahan, unman ngap pagpahalgaan nida ti Diyus.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.