Ruma 1:21 - Hanunuu

²¹ Madi alam nida may imaw Diyus, unman nida pagdayawun ngatay pagpasalamatan. Bagkus ngap pinamintuhu nida ti manga bagay unman may kabuluhan, nadluman yi lang kanda naisipan unman makaintindi sa katutuuhanan.

Ruma 1:21 Iomraidhean Croise

Gimpuunan 6:5

Pagka nakitan Panginuun ti manga pagbuwatun manga tawu sa kalibutan lunsay lang kadautan, ag kanda pag-isipun pirmi kadautan,

Gimpuunan 8:21

Pagka nahungaw Panginuun ti mabanglu pag hungaw, magkun siya sa kay sadili, “Balaw yi gid niku umanun saadan ti daga dahil sa pagbuwatun manga tawu. Una waya alam niku makasalanan ti tawu ginan sa anak waya siya, balaw yi gid niku rurisun uman ti tanan magkabuhi parihu sa kang binwat.

1 Hari 20:23

Pagka dugay, magkun ti manga takinan hari Aram sa kanya, “Ti diyus manga Israilita diyus manga bantud; tunda kay dahilan nida pagpanalu. Dapat nu manlaban kita sa kanda sa karatagan, pihu gid matalu nita sida.

2 Hari 17:15

Ipinurya nida kay manga surundanun hanggan kasunduan kay binwat sa kanda manga ginurang, binaliwala nida ti manga pasandam sa kanda. Sinunud nida ti manga unman may pulus pag manga diyus-diyusan, ag sida nagbaliw diman unman may pulus. Sinunud nida ti manga nasyun sa kanda sangput una pagsabihan sida Panginuun danga magsunud. Binwat gid nida ti pag-irangan Panginuun pag manga bagay kanda buwatun.

Kanta 50:23

Maggalang sa kangku ti maghandug may pasalamat, ag ti magdahan sa kay pag-ugaliun iribri niku.”

Kanta 81:12

Nakan pinabay-anan niku kamu sa kanyu kaganitan ulu, ag binwat niyu kanyu pagkaibgan.

Kanta 86:9

Binwat nimu ti tanan nasyun, ag sumamba sida sa kanmu. Dayawun nida kanmu ngaran.

Manugtudlu 7:29

Tuhay waya siyun, naalaman niku binuwat Diyus ti tawu matadlung dapat ti tawu mayamu kay paggayakun balaw matadlung.”

Isayas 60:2

Masaput masyadu pag kadudulman ti manga nasyun sa kalibutan, dapat kawu marayawan kadayawan Panginuun.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Hirimyas 17:9

“Ti tagipusuun tawu madaya subra sa tanan, ag lubus gid daut; si unu ti makaalam inda?

Hirimyas 2:5

Inda kay pagsabihun: “Hintay pag kasalanan ti nakitan niyu manga ginurang sa kangku nakan aku kanda binugyahan? Sinunud nida ti manga diyus-diyusan unman may pulus, nakan sida hanggan nagbaliw diman unman may pulus.

Hirimyas 9:14

Bagkus ngap sinunud nida ti disisyun maganit pag tagipusuun nida. Nagsamba sida sa kan Baal parihu sa itinudlu sa kanda nida manga kaumputan.

Isikil 14:5

Buwatun niku inda hampay bumalik sa kangku ti tanan Israilita nagpakarayu sa kangku dahil sa kanda manga diyus-diyusan.

Isikil 20:25

Pinabay-anan niku sida tupadun nida ti manga sugu ag manga surundanun balaw mayad ag unman makapakaun ikamayad pag buhi sa kanda.

Husyas 2:8

“Balaw niya pag-isipun aku ti nagpakaun sa kanya manga ani, irinmun ubas, lana ulibu, hanggan mayamu pag pilak ag gintu binwat nida larawan ni Baal.

Huwan 3:19

Parusahan sida dahil nagsitay sa kalibutan ti katutuuhanan ga karayawan ginan sa Diyus. Dapat pinalabi waya manga tawu ti kadudulman sa karayawan, dahil daut kanda manga buwat.

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

Ruma 1:19

Dahil ti katutuuhanan tungkul sa Diyus malinaw sa kanda, ipinakilala yi Diyus tunda sa kanda.

Ruma 1:28

Unman inisip nida mahalaga ti pagkilala sa Diyus, nakan pinasibut-an sida Diyus sa kanda daut pag-iisip hampay balaw yi maangay kanda ugali.

Ruma 11:10

Pagmandulum yi kanda mata hampay udyi lang sida makakit, paggapang yi lang sida sa kakurian hanggan tugka sa mamatay.”

Ruma 15:9

ag hampay ti manga balaw Hudiyu magdayaw waydi sa Diyus dahil sa kay pangaawa, angay sa isinurat sa Banal Kasuratan magkun, “Nakan ngani pumasalamat aku sa kanmu sa atubangan manga balaw Hudiyu. Kantahun niku ti kadayawan nimu ngaran.”

Diyuturunumiyu 28:29

Mangarapgap kamu una sirang parihu sa usa ka buta. Udyi kamu mag-unlad una hintay kanyu buwatun. Pirmi kamu apihun ag takawan, bag-u unman may mangawat sa kanyu.

2 Timutiyu 3:2

Ti manga tawu aban makasadili, maramuun sa kuwarta, palabi-labihun, yabang-yabangin, magpanmuransa, supladu sa gurangun, unman may pasunaid sa kay sadili, ag unman magpasakup sa Diyus.

1 Pidru 1:18

Dahil naalaman niyu nu hintay ti ilinukat sa kanyu ginan sa unman may kabuluhan pag ugali kanyu minana ginan sa kanyu ginurang. Ti ilinukat sa kanyu balaw manga bagay magkadaut, parihu sa manga pilak, manga gintu.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

Ipinakakit 14:7

Nagbagaw ti anghil daka magkun, “Pagkadala kamu sa Diyus, dayawun niyu kay kamaskihan. Dahil rinmas-ug yi kay kaudasan hampay pilahun niya ti manga matadlung sa manga unman matadlung. Sambahun niyu ti Diyus ti naglalang langit, daga ag dagat hanggan bulbugan danum.”

Ipinakakit 15:4

Si unu nguna, Panginuun, ti unman magkadala sa kanmu? Si unu nguna ti dayu manultul sa kanmu kamaskihan? Kawu lang ti banal. Tanan pag manga nasyun pumakarani, sumamba sa kanmu. Dahil nakitan tanan tawu matadlung kanmu manga buwat.”