Ruma 1:20 - Hanunuu

²⁰ Kay unman may katapusan pag kamaskihan hanggan kay pagka-Diyus pag-ipakilala malinaw ginan sa manga bagay kay binwat niya ginan waya sa pagkalalang niya sa kalibutan. Nakan ngani unman yi sida may isingyanan.

Ruma 1:20 Iomraidhean Croise

Gimpuunan 1:1

Sa kabag-u linalang Diyus ti langit hanggan ti kalibutan.

Gimpuunan 21:33

Nantanum si Abraham usa ka puun kayu tamarisku ati sa may Biirsiba ag sinamba niya ati ti Panginuun, ti Diyus hanggan aban.

Hub 12:7

“Dumunung kawu sa kulukalasi hayup — ti maglakaw, maglayang, magyapang, ag ti maglanguy.

Kanta 104:31

Mana kanmu kadayawan, Panginuun, pumarargu sa balaw may katapusan. Mana pagmasulung kawu sa tanan nimu manga linalang.

Kanta 104:5

Ipinauli nimu ti kalibutan sa kay patakinan, ag balaw inda matandug hanggan aban.

Kanta 119:90

Kanmu katapatan ud may katapusan hanggan waya aban. Ibinugtang nimu marig-un ti kalibutan, nakan matayak di inda.

Kanta 139:13

Kilala nimu aku dahil kawu ti naglalang sa kangku. Kawu ti naghistuda sa kangku sa tiyan niku ina.

Kanta 8:3

Nu magtangda aku sa langit kanmu linalang, ag mag-akitan niku ti bulan hanggan ti manga pamgasan kanmu ipinauli sa kanda ulian,

Kanta 90:2

Sa udwaya nimu linalang ti manga bantud hanggan ti kalibutan, kawu yi ti Diyus, ag kawu diman ti Diyus sa unman may katapusan.

Isayas 26:4

Pagsarig kamu pirmi sa Panginuun, dahil siya kanta palalan-iban pag batu hanggan aban.

Isayas 40:26

Pagbantay kamu sa langit! Si unu nguna ti naglalang sa tunda pag manga pamgasan? Ti Diyus ti naglalang tunda. Ipinalwang niya tigus-a tigus-a tunda mintaras pagtawagun kanda manga ngaran. Dahil sa kay kamaskihan, una di usa unman may nadura.

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Hirimyas 5:21

Patingihi niyu inda, kamu pag manga luku-luku ag supakil. May manga mata kamu, dapat unman makakit, may manga tuli dapat unman makadnug.

Hirimyas 51:15

Linalang Diyus ti langit ag ti kalibutan sa panab-anan kamaskihan ag kadunungan niya.

Matiyu 5:45

hampay kamu tutuu gid manga anak niyu Ama sa langit. Dahil pag-ipabutlak niya ti init sa daut ag sa manga mayad. Balaw lang ti manga matadlung ti pagpakan-an uran nu unman hanggan ti manga makasalanan.

Markus 10:6

Dapat ginan sa kabag-u, pagka linalang Diyus ti kalibutan, ‘Linalang niya sida may lalaki may babayi.

Huwan 1:18

Kaybi ginan unman may tawu nakakit sa Diyus. Ti Bugtung Anak ti nagpakilala sa manga tawu nu kabitay ti Diyus. Dahil ti Bugtung Anak kaibahan Diyus ag pirmi gid sa kay arani Ama.

Huwan 15:22

Balaw mana sida may saragtun tungkul sa kanda manga buwat, nu abi aku unman nagsitay nanudlu sa kanda. Dapat taynguna udyi may idingkilan sida sa kanda kasalanan.

Binwat 17:29

“Kita ngani manga anak Diyus. Nakan danga nita isipun ti Diyus parihu sa gintu, una pilak, una batu binwat diyus-diyusan, lunsay pinathaw lang isip tawu bag-u binwat niya kamang.

Binwat 22:1

Magkun si Pablu, “Kamu duy pag manga katubu niku hanggan manga gurangun, pagpatingi sa kang paliwanag hampay maalaman niyu aku unman may kasalanan.”

Ruma 1:19

Dahil ti katutuuhanan tungkul sa Diyus malinaw sa kanda, ipinakilala yi Diyus tunda sa kanda.

Ruma 16:26

Taynguna bay tunda pag katutuuhanan niburayhaw yi ngap sa Kasuratan manga Purupita. Bag-u ti Diyus ti unman may katapusan imaw ti nagpatigayun hampay ipakilala tunda pag katutuuhanan sa tanan manga nasyun tawu agud sida sumarig sa Diyus ag sumunud sa kanya.

Ruma 2:1

Nakan ngani una si unu kawu ti parapihu sa kasalanan manga iba, udyi ngap kawu may idahilan. Dahil sa kanmu magpihu sa manga iba, pagpihuun diman waydi nimu kanmu sadili kasalanan. Kawu magpihu sa kasalanan manga iba, dapat kumun diman waydi kanmu pagbuwatun.

Ruma 2:15

Kanda yi buwat tigpakilala kuntay ti pagsabihun Kasuguan nisurat yi sa kanda manga tagipusuun. Pagpatutuuhanan diman inda nida naisipan, dahil nu kas-a ginan pagtamyawun sida nida naisipan ag nu kas-a ginan kanda diman sadili naisipan tigpatutuu kuntay unman nagbuwat kasalanan.

1 Kurintu 1:20

Naan yi nguna ti madunung, naan ti manga manugtudlu Kasuguan? Naan ti marahusay magdibati sitay sa kalibutan? Unman aw binwat Diyus unman may kabuluhan ti kadunungan taga kalibutan?

Diyuturunumiyu 33:27

Ti unman may katapusan pag Diyus imaw ti kanyu darangpan; pag-alagaan niya kamu sa kay unman may katapusan pag kamaskihan. Ipatabug niya sa kanyu ti manga kalaban niyu, bag-u isugu niya sa kanyu padamhakan sida.

Diyuturunumiyu 4:19

Danga kamu magpaangay sa magsamba sa manga bagay ati sa langit — sa init, sa bulan, ag sa manga pamgasan. Ipinauli inda Panginuun niyu Diyus para sa tanan nasyun sa buu kalibutan.

Kulusas 1:15

Sa kan Kiristu pag makilala ti Diyus, ti unman mag-akitan sa mata. Si Kiristu daan di Anak Diyus. Siya diman ti may kamaskihan sa tanan linalang.

Kulusas 2:9

Dahil pagka nabilug tawu si Kiristu, sa kanya diman ti kalubusan Diyus.

1 Timutiyu 1:17

Taynguna ti kadayawan hanggan kapangyarihan pagsa kanya, sa usa-usa ka Diyus, sa Hari ud may pinag-umpisahan, unman may katapusan, unman may kamatayan ag unman mag-akitan sa mata. Amin.

1 Timutiyu 6:16

Siya lang ti ud may kamatayan, siya ti mangulian sa dayu masumpung pag karayawan. Unman may nakakit sa kanya ag unman may kumakit sa kanya una kainda. Sa kanya ti kadayawan hanggan ti unman may katapusan pag kamaskihan. Amin.

Hibriyu 11:27

Dahil sa kay pagsarig, nighit si Muysis ginan sa Ihiptu ag unman siya nadala sa kay pangagalit hari. Balaw siya mag-urung sa kay sarig, nakan bilang ga mag-akitan niya ti Diyus, langmadi unman mag-akitan sa mata.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.