Ruma 1:19 - Hanunuu

¹⁹ Dahil ti katutuuhanan tungkul sa Diyus malinaw sa kanda, ipinakilala yi Diyus tunda sa kanda.

Ruma 1:19 Iomraidhean Croise

Isayas 40:21

Unman aw niyu alam ngatay unman aw niyu napatingihan? Unman aw may nagbarita sa kanyu nu kabitay linalang ti kalibutan?

Isayas 40:26

Pagbantay kamu sa langit! Si unu nguna ti naglalang sa tunda pag manga pamgasan? Ti Diyus ti naglalang tunda. Ipinalwang niya tigus-a tigus-a tunda mintaras pagtawagun kanda manga ngaran. Dahil sa kay kamaskihan, una di usa unman may nadura.

Huwan 1:9

Tunda ngani ti tutuu gid pag sulu ti nagsitay sa kalibutan hampay kay marayawan ti tanan manga tawu.

Ruma 1:20

Kay unman may katapusan pag kamaskihan hanggan kay pagka-Diyus pag-ipakilala malinaw ginan sa manga bagay kay binwat niya ginan waya sa pagkalalang niya sa kalibutan. Nakan ngani unman yi sida may isingyanan.

Ruma 2:14

Ti manga balaw Hudiyu balaw nasakup sa Kasuguan. Nu bumuwat sida angay sa pagsabihun Kasuguan dahil lang sa kanda sadili buut naisipan, tunda ga Kasuguan yi ngap sa kanda.