Ruma 1:17 - Hanunuu

¹⁷ Dahil pagsabihun sa Mayad pag Barita nu kabitay pagkilalan-un Diyus ti tawu kuntay matadlung, tunda sa panab-anan lang pagsarig. Angay sa nisurat sa Banal Kasuratan magkun, “May buhi ti tawu pagkilalan-un Diyus kuntay matadlung dahil sa kay pagsarig sa Diyus.”

Ruma 1:17 Iomraidhean Croise

Isikil 18:9

Pagsundun niya mayad kang manga surundanun ag manga sugu. Matadlung inda pag tawu ag parargu siya mabuhi. Aku, ti Panginuun Diyus, ti magbagaw inda.

Habakuk 2:4

Kaindaay kanmu isurat: “Bantayi ti manga tawu palabi-labihun! Manga daut sida pag tawu. Dapat ti matadlung pag manga tawu mangabuhi dahil sa kanda pagsarig.

Bilang 21:9

Nakan nanmuwat si Muysis ulay galang ag itinur-ug sa suru usa ka tulduk. Ag una si unu ti kinagat ulay nagbantay lang sa ulay galang balaw namatay.

Huwan 3:36

Nu ti tawu magsarig sa Anak, may tutuu pag buhi siya unman may katapusan. Dapat nu ti tawu unman magpaniwala sa Anak, dayu siya makatanggap buhi, bagkus ngap udyi madura sa kanya kay parusa Diyus.

Ruma 10:3

Dahil unman naintindihan nida kay paraan Diyus hampay kay pagkilalan-un niya ti manga tawu kuntay manga matadlung. Unman nida sinunud ti paraan Diyus. Bagkus ngap nanipag sida sa kanda sadili paraan hampay pagkilalan-un sida Diyus kuntay manga matadlung.

Ruma 3:21

Taynguna bay niburayhaw yi nu kabitay pagkilalan-un Diyus ti manga tawu kuntay sida manga matadlung bukud sa Kasuguan, ag balaw sa pagtupad nida sa Kasuguan ni Muysis. Pinatutuuhanan diman gid tunda sa manga ribru Kasuguan hanggan manga Purupita.

Ruma 3:22

Una si unu pag tawu nu sumarig siya sa kan Hisu-Kiristu, pagkilalan-un siya Diyus kuntay matadlung, dahil lang sa kay magsarig sa kan Hisus, una manga Hudiyu una manga balaw Hudiyu.

Ruma 3:3

Kabitay nu ti iba manga Hudiyu balaw yi matinupadun? Ibug aw lugud sabihun kanda balaw matinupadun ti nagrangga sa kay pagtupad Diyus?

Ruma 9:30

Kainda ti gustu niku sabihun, ti manga balaw Hudiyu una unman nanipag sa mayad pag buwat hampay sida mahimu pagkilalan-un Diyus kuntay manga matadlung, lalu ngap kinilala niya sida kuntay manga matadlung dahil sa kanda pagsarig sa Diyus.

2 Kurintu 3:9

May kadayawan sa katpung ipinakaun ti Kasuguan madi imaw tigpakaun sintinsiya sa ikamatay tawu. Dapat lalu man ngap may kadayawan nu mibalik ti pakiusa tawu sa Diyus.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Galasya 3:11

Nu katunda malinaw yi unman may tawu kilalan-un Diyus kuntay siya matadlung ginan sa Kasuguan. Dahil magkun ti Kasuratan, “Ti tawu nu pagkilalan-un Diyus kuntay siya matadlung dahil sa kay pagsarig tunda pag tawu ti may buhi.”

Pilipus 3:9

ag hampay aku lubus magpakiusa sa kanya. Udyi aku pagkilalan-un Diyus kuntay aku matadlung dahil lang sa kang magtupad sa Kasuguan ni Muysis. Pagkilalan-un aku Diyus kuntay matadlung dahil aku magsarig sa kan Kiristu. Inda pag katadlungan ginan ngani sa Diyus dahil sa kang pagsarig.

Hibriyu 10:38

Dapat ti tawu may buhi di, nu pagkilalan-un niku siya matadlung dahil sa kay pagsarig sa kangku. Nu bay siya umurung, udyi pagbayaun niku siya.”