Ruma 1:16 - Hanunuu

¹⁶ Balaw gid niku pag-ikakay-a ti Mayad pag Barita, dahil imaw yi ti kapangyarihan Diyus sa ikaribri kada tawu nu sumarig, una sa tanan sa manga Hudiyu, bag-u hanggan sa manga balaw Hudiyu.

Ruma 1:16 Iomraidhean Croise

Kanta 110:2

Ginan sa Siun, padakaun Panginuun kanmu kaharian, ag harian nimu kanmu manga kalaban.

Kanta 119:46

Unman aku mangay-a mamagaw kanmu manga tultulanun una waya sa manga hari.

Isayas 53:1

Si unu ti nagpaniwala sa kanmi ibinarita? Ag sa kantapu pag ipinaburayhaw Panginuun kay kamaskihan?

Hirimyas 23:29

Unman aw makamaskihan kang manga bagaw? Parihu inda sa apuy makairub aw ngatay ga martilyu makarunut batu.

Markus 8:38

Dahil una hintay pag tawu sa manga uragin ag manga makasalanan pag tawu sa babaw daga nu ipaulam kay nagkilala sa kangku hanggan sa kang bagaw, ipaulam diman waydi Anak Tawu kay nagkilala sa kanya nu rumas-ug siya aban may mamaski pag kapangyarihan niya Ama, kaibahan niya ti manga banal pag anghil Diyus.”

Lukas 9:26

Una hintay pag tawu tigpaulam kay nakakilala sa kangku hanggan sa kang manga bagaw, ipaulam waydi diman siya aban Anak Tawu sa kay pagbalik niya sitay aban may kadayawan hanggan kadayawan Ama, kaibahan niya ti manga anghil ginan langit.

Huwan 7:35

Bag-u nagharampangan ti manga pinunu Hudiyu magkun, “Naan tag nguna inda pag tawu kay gayak nakan unman makitan nita siya? Barang siya atag sa luwas daga Israil sa manga Hudiyu mag-uli sa manga banwa manga balaw Hudiyu bag-u manudlu sa manga balaw Hudiyu.

Binwat 3:26

Nakan pinili Diyus kay Suruguun si Hisus bag-u un-an sinugu siya tabug ngap sa kanyu hampay papaladan kamu ag hampay awatan kamu pumatlikud sa kanyu daut ugali.”

Ruma 10:17

Ti tawu dayu waya sumarig nu unman nakadnug siya sa Mayad pag Barita. Makadnug lang ti tawu nu may manudlu tungkul sa kan Kiristu.

Ruma 15:19

may mamaski waya pag manga makadululaw ag lilingutan pag manga tanda buwat kapangyarihan Ispiritu Banal. Nakan ngani sa tanan rugar ginan sa Hirusalim hanggan tugka Iliriku pag daga itinudlu yi niku ti tanan Mayad pag Barita tungkul sa kan Kiristu.

Ruma 15:29

Alam niku nu umasan aku, may imaw abunda aku pag papalad ginan sa kan Kiristu para sa kanyu.

Ruma 2:9

Masyadu pag kakurian ti malakawan kada tawu magbuwat daut, ti manga Hudiyu dapu bag-u kumun diman ti manga balaw Hudiyu.

Ruma 4:11

Tinuri siya bilang pinagkatanda sa kay pagkilala Diyus sa kanya kuntay matadlung siya dahil sa kay pagsarig una udwaya siya tinuri. Nakan siya yi ti pinagkagurang tanan tawu magsarig sa Diyus. Siyun ginan sida kinilala waydi Diyus kuntay manga matadlung una manga balaw tinuri.

1 Kurintu 15:2

Sa inda ginan pag Mayad pag Barita ribri kamu, nu asintadu kamu sa kang itinudlu sa kanyu, ag nu ituduk niyu sa kanyu tagipusuun kanyu pagsarig.

1 Kurintu 2:2

Dahil ipinasya niku unman aku may tuhay itudlu sa kanyu nu unman si Hisu-Kiristu lang hanggan kay kamatayan sa kurus.

1 Kurintu 2:4

Sa kang nagtudlu sa kanyu, balaw aku naggamit makagararya pag manga bagaw agud kamu mabutung, nu unman pinatutuuhanan Ispiritu Diyus kang tudlu sa panab-anan niya kamaskihan,

1 Kurintu 9:12

Nu ti iba may karampatan pagpakan-an, lalu man ngap kami. Dapat unman nimi paghabulun kanmi karampatan inda. Tiniis nimi ti tanan bagay hampay balaw maampara nimi ti Mayad pag Barita tungkul sa kan Kiristu.

1 Kurintu 9:18

Hintay nguna kang pirimyu? Inda ngani kang pinagkasuhul nu mitudlu niku ti Mayad pag Barita unman may bayad ag nu unman aku magsukut kang kasuhulan una aku magpanudlu.

2 Kurintu 2:12

Pagka nag-ati aku sa Turuwas hampay manudlu Mayad pag Barita tungkul sa kan Kiristu, pinakan-an ngap aku Panginuun mayad pag rugar hampay tudluan niku ti manga tawu.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

2 Kurintu 9:13

Nu unman kamu may kabuyatan sa kanyu magpakaun sa kanda hanggan sa tanan tawu imaw yi ti puruyba sa kanda kuntay matinupadun kamu sa Mayad pag Barita ni Kiristu. Nakan siyun ginan dumayaw sida sa Diyus.

Galasya 1:7

Nu sa ungud udyi may iba waya mayad pag barita. Nakan lang gid may manga maggulu sa kanyu. Kanda gustu umanun ti Mayad pag Barita tungkul sa kan Kiristu.

1 Tisalunika 2:13

Inda waya ti pirmi pag-ipasalamat nimi sa Diyus, pagka itinudlu nimi sa kanyu kay Bagaw Diyus, tinanggap niyu tunda ga tutuu ngani Bagaw Diyus, bukun ga bagaw lang tawu. Kay kamaskihan Bagaw Diyus makitan diman gid waydi sa kanyu buhi dahil kamu manga magsarig.

1 Timutiyu 1:11

Tunda ngani pag tudlu ti angay sa Mayad pag Barita inintirga sa kangku. Tunda yi pag Barita tungkul sa kanta pagdayawun pag kamaskihan Diyus.

2 Timutiyu 1:12

Tida ngani kay dahilan nakan aku mag-agwanta inda pag kakurian. Dapat ay una katida unman aku mag-alinlangan. Dahil lubus niku magkakilala kang Panginuun kang pagsarigan. Pihu gid kaya niya maingatan ti kang inintirga sa kanya hanggan sa ud rumas-ug ti kaudasan Panginuun.

2 Timutiyu 1:16

Pag-idarangin niku ti magtal-anakan ni Unisipuru hampay kaawaan sida Diyus. Balaw di kas-a sinaya niya aku. Balaw aku kinay-ahan niya madi aku pirisu.

2 Timutiyu 1:8

Nakan ngani danga magkay-a magtultul tungkul sa Panginuun. Danga waydi ikakay-a nimu kang mapirisuhan dahil sa kanya. Bagkus ngap pagdamay sa kakurian dahil sa magtudlu Mayad pag Barita, pagsarig sa kamaskihan Diyus.

Hibriyu 4:12

Dahil buhi gid ngani ti Bagaw Diyus ag mamaski, matarum man sa una hintay pag baladaw baliw-baliw may urup. Ti Bagaw Diyus magtuduk magpisang sa karadwa ag sa tagipusuun tawu, hanggan sa kal-asan ag sa utuk. Pag-ipakilala waydi Bagaw Diyus ti daut ti mayad sa kagustuhan hanggan pag-iisip tawu sa kay tagipusuun.

1 Pidru 4:16

Dapat una si unu sa kanyu danga mangay-a nu siya parusahan dahil sa kay magpasakup sa kan Kiristu. Lalu ngap pagpasalamat siya sa Diyus, dahil siya magpakiusa sa kan Kiristu.