Ruma 1:14 - Hanunuu

¹⁴ May kapanagutan aku magtudlu sa manga Giriyigu, sa manga Barbaru, sa madunung hanggan sa manga balaw madunung.

Ruma 1:14 Iomraidhean Croise

Kabagawan 1:22

“Kamu pag manga unman may alam, tugka waya lugud kapira kamu katunda? Kamu pag manga magpuya, tugka waya lugud kapira kamu pag magbaya sa magpuya? Kamu pag manga kurang sa intindi, tugka waya lugud kapira kamu magdayu sa kadunungan?

Kabagawan 8:5

Kamu pag manga unman may alam, pagmadunung kamu. Kamu pag manga luku-luku, pag-intindi kamu.

Isayas 35:8

Magkaimaw laun pag baklayan sa pangawakawaan ag tida ingarnan, “Banal pag Baklayan.” Unman may makasalanan ngatay unman may namuangan ti makalakaw siti. Nu ud ti manga magsunud lang sa Panginuun.

Matiyu 11:25

Sa ati katpung magkun si Hisus, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, ipinakilala ngapu nimu sa manga tawu ga anak kay tagipusuun.

Lukas 10:21

Ati katpung pinakan-an si Hisus lubus pag kabayaan Ispiritu Banal. Kay sinabi, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, dapat ipinakilala ngapu nimu sa manga tawu ga anak kay tagipusuun. Hu ngani duy Amang, dahil katunda yi kanmu kagustuhan.

Binwat 22:21

Bag-u sinabi maan Panginuun sa kangku magkun, ‘Pag-ighit yi duy kawu dahil kang suguun kawu tag sa arayu pag manga daga, tabug sa manga balaw Hudiyu.’ ”

Binwat 28:2

Mayad yi lang gid ungud kanda nabubut-un manga tawu ati pag daga sa kanmi. Pinmadna ti uran maramig, nakan namagba sida apuy inalagaan gid kami mayad.

Binwat 28:4

Pagka ti manga tawu taga ati pag rugar nakakit sa iyay mabitinan sa kan Pablu kamang, sinabi nida sa usa kag sa usa magkun, “Pihu gid maaw inda pag lalaki magpanlibun sa tawu. Una siya nakaribri sa dagat, udyi pag-ipahintulut ni Diyus-diyusan Suwirti siya mabuhi waya.”

Binwat 9:15

Magkun maan ti Panginuun sa kan Ananiyas, “Pag-ati duy kawu, dahil pinili ngap niku si Saulu hampay siya sumirbi sa kangku hampay ipakilala niya kang makamaskihan pag ngaran sa manga balaw Hudiyu, sa manga hari hanggan sa nasyun Israil.

Ruma 1:22

Magpanaguabi sida kuntay madunung, dapat ay unman ngap may kabuluhan kanda kadunungan.

Ruma 11:25

Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

Ruma 12:16

Pagkarausa kanyu nalub-anan. Danga kamu magpalabi-labi, bagkus ngap pagpakiusa kamu sa manga makuri kay kahamtangan. Danga pag-isipa niyu kanyu sadili kuntay kamu lang ti madunung.

Ruma 13:8

Danga magpalya kamu sa kanyu kasunduan magbayad utang una sa kantapu. Danga paglimti kanyu pagmahal sa usa kag sa usa dahil ti pagmahal sa kaparihu tawu imaw ti makatupad sa Kasuguan Diyus.

Ruma 16:19

Nilantag yi ti barita tungkul sa kanyu magsunud sa kan Kiristu, nakan magbaya gid aku sa kanyu. Dapat kang gustu pagmadunung kamu tungkul sa mayad, danga pagbatia ti daut.

Ruma 8:12

Nakan ngani duy manga patar-ari, danga yi mag-ugali kita angay sa kanta sadili kagustuhan pagkatawu.

1 Kurintu 14:11

Nu unman naintindihan niku kanmu kahulugan bagaw, kita parihu unman nanalalman.

1 Kurintu 14:16

Nu kawu magpasalamat sa Diyus ginan lang sa kanmu tagipusuun, kabitay pag makasabi, “Amin” ti usa ka tawu nu unman napakan-an mag-alam sa tuhay-tuhay pag pamagaw, unman naalaman niya kanmu pagsabihun.

1 Kurintu 2:13

Tunda pag manga kaayadan kanta pag-itudlu sa manga tawu balaw sa bagaw lang angay sa kadunungan tawu nu unman angay ngap sa tudlu Ispiritu. Pag-ipaliwanag nita ti manga katutuuhanan tungkul sa Ispiritu sa manga tawu inulian waydi Ispiritu.

1 Kurintu 3:18

Una hintay pag tawu danga magdaya sa kay sadili. Una sitapu sa kanyu tig-isip siya may kadunungan sitay sa kalibutan, pagkilala siya bukun ngap tutuu pag kadunungan tunda, hampay siya ngap dumunung.

2 Kurintu 10:12

Unman pag-ipanghas nimi ipaparihu kanmi sadili sa manga magpalabaw-labaw. Patalang-talang kanda naisipan. Sulu inisip nida nu hintay ti mayad sa kanda sadili bag-u ipaparihu nida kanda sadili sa kanda inisip pag turunu kaayadan.

2 Kurintu 11:19

Pagbayaun pag-agwantahun niyu ti manga patalang-talang dahil kamu kabay mapininsarun!

Kulusas 3:11

Nakan ngani ud may naglain parihu lang una manga balaw Hudiyu una manga Hudiyu, una tinuri una balaw tinuri, una manga dayuhan, una manga tawu balaw ga kanta kay ugali, una manga panawuhun una bukun panawuhun. Sa kan Kiristu unman may naglain ti tanan tawu ag siya ti sa kanyu tanan.

2 Timutiyu 2:10

Nakan pag-agwantahun niku ti tanan bagay alang-alang sa manga pinili Diyus, hampay makatanggap diman sida karibrihan tunda ti mayad gid pag buhi unman may katapusan kay pakaun ni Kiristu Hisus.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.