Ruma 1:1 - Hanunuu

¹ Ti may surat inda si Pablu kay panawuhun ni Kiristu Hisus. Kay pinili aku Diyus hampay kay apustul, kay gid ibinukud hampay manudlu sa kay Mayad pag Barita Diyus.

Ruma 1:1 Iomraidhean Croise

1 Krunika 23:13

Kay manga anak lalaki ni Amram si Aarun ag si Muysis. Ipinablag si Aarun hanggan kay manga linahi para sa pagtalaga sa pinaka banal pag manga bagay, sa pagpakaun manga handug sa Panginuun, sa pagsirbi sa kanya, ag sa pagbasbas sa nasakupan niya ngaran. Imaw inda kanda katungkulan hanggan aban.

Isayas 49:1

Pagpatingi kamu sa kangku, kamu ti manga mag-uli sa ararayu pag rugar: Udwaya aku ilinusad, pinili yi aku Panginuun hampay manirbi sa kanya.

Hirimyas 1:5

“Hirimyas, bag-u kawu hinistuda sa tiyan nimu ina, pinili yi niku kawu. Bag-u kawu ilinusad, pinili yi niku kawu hampay mamurupita sa manga nasyun.”

Markus 1:14

Pagka dinakup si Huwan, nag-ati maan si Hisus tag sa Galiliya, kay itinudlu ti Mayad pag Barita Diyus magkun,

Huwan 12:26

Nu ti tawu magkaibug magbuwat kang buruwatun, kailangan siya pagkuyug sa kangku hampay una naan aku, ati diman siya sa kangku. Una hintay pag tawu nu tumupad siya sa kang buruwatun, dayawun siya niku Ama.”

Huwan 15:15

Balaw yi pag-ingarnan niku kamu manga panawuhun, dahil unman alam panawuhun ti buruwatun niya amu. Kamu ngani kang pagmayadun pag manga tawu dahil ti tanan itinultul Ama sa kangku, kang itinultul maan sa kanyu.

Huwan 15:20

Alalahana di gid niyu kang binagaw sa kanyu magkun, unman may panawuhun mataas man sa kay amu. Nu aku kanda inunu-unu, unu-unuhun diman nida kamu. Nu sida naniwala sa kang manga itinudlu, paniwalaan diman nida kanyu manga pag-itudlu sa kanda.

Binwat 13:9

Lubus sinuldan Ispiritu Banal si Saulu, kay usa ka ngaran si Pablu. Tinurun gid ni Pablu si Ilimas,

Binwat 20:24

Dapat unman pagpahalgaan niku kang buhi, nu matupad lang niku kang katungkulan ag nu matapus lang ti buruwatun kay ipinakaun Panginuun Hisus sa kangku, kang pagtudlu ngani Mayad pag Barita tungkul sa kay mayad nabubut-un Diyus.”

Binwat 21:40

Pinayagan ngani siya kumandir. Nakan tinmindug si Pablu sa katapusan pag halintang bag-u pinaamanan niya ti manga tawu hampay danga yi sida maingay. Pagka nap-ut kanda magriringgitan, nagbagaw ngani si Pablu sa kanda sa bagaw Hibriyu.

Binwat 22:21

Bag-u sinabi maan Panginuun sa kangku magkun, ‘Pag-ighit yi duy kawu dahil kang suguun kawu tag sa arayu pag manga daga, tabug sa manga balaw Hudiyu.’ ”

Binwat 22:7

Nisubsub aku sa daga bag-u nakadnug aku may nagbagaw sa kangku magkun, ‘Saulu, Saulu, hayga pag-unuunuhun nimu aku?’

Binwat 26:1

Sinabi ni Agripa sa kan Pablu magkun, “Mahimu yi kawu magbagaw, mamatingi kami nu kabitay kanmu rasun.” Pinaamanan ni Pablu ti manga magpatingi bag-u magbagaw siya, sinagut niya ti sumbung sa kanya.

Binwat 26:14

Nag-irisubsub kami tanan sa daga bag-u nakadnug aku may magbagaw sa kangku sa bagaw Hibriyu magkun, ‘Saulu, Saulu, hayga aku kanmu pag-unuunuhun? Masaktan kawu nu kawu maglaban ga baka magtindas sa matarum.’

Binwat 27:23

Dahil kis-ab yabi may napakakit sa kangku usa ka anghil Diyus. Sa tunda pag Diyus aku pag napasakup hanggan magsamba.

Binwat 9:15

Magkun maan ti Panginuun sa kan Ananiyas, “Pag-ati duy kawu, dahil pinili ngap niku si Saulu hampay siya sumirbi sa kangku hampay ipakilala niya kang makamaskihan pag ngaran sa manga balaw Hudiyu, sa manga hari hanggan sa nasyun Israil.

Ruma 1:16

Balaw gid niku pag-ikakay-a ti Mayad pag Barita, dahil imaw yi ti kapangyarihan Diyus sa ikaribri kada tawu nu sumarig, una sa tanan sa manga Hudiyu, bag-u hanggan sa manga balaw Hudiyu.

Ruma 1:5

Tinanggap nimi ginan sa kanya ti karampatan hampay kami apustul agud ti tanan nasyun butungun nimi sa pagsarig hanggan pagsunud sa kanya. Pagbuwatun nimi inda para sa kanya.

Ruma 1:9

Pirmi diman kamu kang pag-idarangin. Inda alam di gid Diyus imaw kang pagsirbihan buu niku tagipusuun sa kang magtudlu sa Mayad pag Barita tungkul sa kay Anak.

Ruma 11:13

Inda maan kang pagsabihun sa kanyu sa manga balaw Hudiyu, aku kabay apustul sa manga balaw Hudiyu. Nakan pag-intindihun gid niku kang buruwatun,

Ruma 15:16

hampay suruguun yi aku ni Kiristu Hisus tabug sa manga balaw Hudiyu. Pag-itudlu niku sa kanyu, sa manga balaw Hudiyu, ti Mayad pag Barita hampay maihandug niku kamu sa Diyus kay kaibgan, dahil kamu ipinasaman yi Ispiritu Banal.

Ruma 15:29

Alam niku nu umasan aku, may imaw abunda aku pag papalad ginan sa kan Kiristu para sa kanyu.

Ruma 16:18

Ti katunda pag manga tawu unman magsirbi sa kan Kiristu sa kanta Panginuun, bagkus ngap pag-intindihun lang nida kanda sadili kailangan. Pagdayaun nida ti manga kurang sa kinaalman sa panab-anan marahusay ag mararinu nida pamagaw.

Ruma 16:25

Dayawun nita ti Diyus. Siya ti makaparig-un sa kanyu pagsarig angay sa Mayad pag Barita tungkul sa kan Hisu-Kiristu kang pag-itudlu sa kanyu. Maalaman diman waydi nita tunda sa katutuuhanan udwaya maburayhawan kaybi ginan sa sulud kadugayun pag timpu.

1 Kurintu 1:1

Inda duy aku si Pablu ti may surat hanggan kanta patar-ari si Sustinis. Aku si Pablu napili Diyus hampay apustul ni Hisu-Kiristu angay sa kay kagustuhan Diyus.

1 Kurintu 9:1

May makaampara aw lugud sa kangku? Bukun aw lugud aku apustul? Unman aw lugud nakitan niku si Hisus, kanta Panginuun? Unman aw kamu nakan nakatanggap sa Panginuun dahil kamu kang tinudluan?

2 Kurintu 1:1

Inda ti may surat si Pablu kay pinili Diyus hampay kay apustul ni Kiristu Hisus, hanggan kanta patar-ari si Timutiyu. Inda pag surat tabug sa iglisya sa Kurintu hanggan sa manga banal mag-uli sa buu daga Akaya.

2 Kurintu 11:5

Dapat kang isip aku balaw lang ga tunda kanyu pagkumnun mayad pag manga apustul.

2 Kurintu 11:7

Kang nanudlu sa kanyu balaw hinagadan niku kamu una hintay pag kabaydanan sa Mayad pag Barita Diyus. Aku nagpakumbaba hampay kamu maan ti pahalgaan. Masabi aw lugud kuntay inda kasalanan niku?

2 Kurintu 12:11

Aku inda ga patalang-talang yi, dapat kamu ti nagpilit sa kangku hampay katunda. Kamu mana ti dapat dumayaw sa kangku. Bilang madi ga ud may gana aku pag tawu dapat unman kailangan ipalabi niyu aku sa kanyu pagkumnun mayad pag manga apustul asan.

2 Kurintu 2:12

Pagka nag-ati aku sa Turuwas hampay manudlu Mayad pag Barita tungkul sa kan Kiristu, pinakan-an ngap aku Panginuun mayad pag rugar hampay tudluan niku ti manga tawu.

2 Kurintu 4:5

Si Hisu-Kiristu kanta Panginuun ti kanmi pag-itudlu, balaw kanmi sadili. Kami kanyu manga panawuhun dahil ngani sa kan Hisus.

Galasya 1:1

Inda ti may surat si Pablu, ti pinili hampay apustul. Bukun tawu ti nagpili, unman diman ginan sa tawu kagustuhan. Aku nag-apustul ginan ngap sa kagustuhan ni Hisu-Kiristu hanggan ginan sa Diyus Ama. Imaw diman ti nagbuhi uman sa kan Hisus.

Ipisu 1:1

Inda ti may surat si Pablu, kay apustul ni Kiristu Hisus angay sa kagustuhan Diyus, tabug sa manga banal sa Ipisu, sa manga matinupadun sa kanda pakiusa sa kan Kiristu Hisus.

Ipisu 1:13

Dahil sa kan Kiristu, kamu pag manga balaw Hudiyu nagpatingi sa tutuu pag barita Diyus, sa Mayad pag Barita imaw tigpakaun karibrihan. Dahil diman sa kan Kiristu kamu nagsarig sa Diyus. Nakan ngani ipinakaun Diyus sa kanyu ti Ispiritu Banal imaw kay itinaratu Diyus, bilang puruyba kuntay kamu pinili Diyus hampay kay yi manga sakup.

Ipisu 4:11

Siya diman ti may ipinakaun sa manga tawu. Kay iba pinakan-an niya katungkulan sa pagka-apustul, ti manga iba sa pagkapurupita, ti iba sa magtudlu Mayad pag Barita, ti iba pinakan-an niya katungkulan hampay mag-alaga sa iglisya, ti iba hampay manugtudlu.

Diyuturunumiyu 10:8

Ati pag udas, pinili Panginuun ti lahi ni Libi sa pagdara sa Kaban Kasunduan Panginuun, hampay mansirbi sa kay atubangan, ag hampay papaladan ti manga tawu sa ngaran niya. Taynguna tugka katida kanda buruwatun.

Pilipus 1:1

Inda ti may surat kami ni Pablu ni Timutiyu, kay manga panawuhun ni Kiristu Hisus, tabug sa tanan manga banal, sa manga magpakiusa sa kan Kiristu Hisus mag-uli asan sa banwa Pilipus hanggan sa manga manug-asiwa iglisya hanggan kanda manga kaawat.

Pilipus 2:11

Ipabantug nida tanan magkun, “Si Hisu-Kiristu ti Panginuun,” hampay lalu dayawun ti Diyus Ama.

Kulusas 1:1

Inda ti may surat si Pablu, dapat kanta patar-ari si Timutiyu magkamusta diman waydi sa kanyu. Aku ti kinaibgan Diyus hampay apustul ni Kiristu Hisus.

Kulusas 1:25

Ikinatiwala Diyus sa kangku inda pag katungkulan alang-alang sa kanyu, nakan manugsirbi yi aku sa iglisya. Kang yi gid katungkulan hampay lubus kang pag-itudlu kay Bagaw Diyus sa kanyu.

1 Tisalunika 2:2

Alam niyu pagka kami sa Pilipus, inunu-unu kami ag minuransa waya. Dapat una katida pinabisug di nita Diyus kanmi manga tagipusuun hampay una mayamu ti manga kakurian, ilinantag di nimi ti Mayad pag Barita Diyus sa kanyu.

1 Tisalunika 2:8

Sa daka gid nimi pagmahal sa kanyu ihinanda nimi kanmi sadili sa pagtudlu Mayad pag Barita Diyus sa kanyu. Balaw lang tida, una kanmi buhi unman nimi inirangan ipakaun di nimi sa kanyu nu kailangan. Lubus yi gid magkagamun kami sa kanyu.

1 Tisalunika 2:9

Pihu udwaya nalimtan niyu, manga patar-ari, nu kabitay kami nagbudlay sa tarabahu sirang yabi hampay kami unman magpakuri sa una hintay sa kanyu, sa kanmi magtudlu Mayad pag Barita Diyus sa kanyu.

1 Timutiyu 1:1

Inda ti may surat si Pablu, kay apustul ni Kiristu Hisus angay sa kay sugu Diyus imaw ti Manugribri nita, ag ni Kiristu Hisus imaw kanta pag-asahan.

1 Timutiyu 2:7

Nakan ngani pinili aku Diyus manugtudlu hanggan apustul hampay itudlu niku sa manga balaw Hudiyu ti tutuu pag sarig. Kang pagsabihun inda tutuu gid, balaw pudil.

2 Timutiyu 1:11

Pinili niya aku apustul hanggan manugtudlu hampay itudlu niku inda pag Mayad pag Barita.

Titu 1:1

Inda ti may surat si Pablu, kay panawuhun Diyus ag apustul ni Hisu-Kiristu. Sinugu aku hampay parig-unun ti pagsarig manga pinili Diyus ag hampay itudlu sa kanda ti katutuuhanan nita surundanun,

Hibriyu 5:4

Una si unu pag tawu unman umapu lang tunda pag katungkulan. Diyus lang tigpili sa tawu hampay siya pangulu manughandug sa Balay Diyus ga kay diman nagpili sa kan Aarun.

Hibriyu 7:26

Si Hisus imaw gid ti pangulu manughandug kanta kailangan. Banal siya, unman gid may kasalanan, unman may huput una di ga buhuk, apinablag siya ginan sa manga makasalanan, ag binwat siya mataas man sa langit.

Santiyagu 1:1

Aku si Santiyagu, kay panawuhun Diyus hanggan nita Panginuun Hisu-Kiristu. Ipadangat niku kang surat pangamusta sa kanyu sa sampulu may duwa ka linahi nangalat sa tuhay-tuhay pag nasyun, nu kabitay waydi kamu asan.

1 Pidru 4:17

Taynguna yi ti kaudasan hampay pihuun ti manga tawu nu daut nu mayad ag inda umumpisa ginan sa manga pinili Diyus. Ginan ngani sa kanta inda pag umumpisa. Kabitay wadi ti mangyari sa katapusan aban sa manga unman magpaniwala sa Mayad pag Barita Diyus?

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.

Ipinakakit 1:1

Inda pag kasuratan tungkul sa kay ipinakakit Diyus sa kan Hisu-Kiristu. Nakan kay ipinakakit sa kan Hisu-Kiristu hampay kay maan ipaalam sa manga suruguun Diyus ti manga bagay arani yi mangyari. Sinugu ni Hisus kay anghil hampay kay ipakakit inda pag manga bagay sa kay panawuhun sa kan Huwan.

Ipinakakit 22:6

Bag-u sinabi anghil sa kangku magkun, “Masarigan ag tutuu inda pag manga bagaw. Ti Panginuun Diyus, ti nag-udyuk sa naisipan manga purupita, imaw diman ti nagsugu sa kay anghil hampay ipakakit sa kay manga suruguun ti manga udyi dugay mangyari yi aban.”

Ipinakakit 22:9

Dapat sinabi niya sa kangku magkun, “Danga duy, aku hanggan suruguun parihu sa kanmu, parihu sa kanmu manga patar-ari manga nagpurupita, parihu diman sa tanan manga magpaniwala sa manga bagaw nisurat sa inda pag ribru. Sambahun nimu ti Diyus.”